რამდენიმე სიტყვა ჩვენი ქვეყნის ჯანდაცვაში არსებულ მდგომარეობაზე - გიორგი ქადაგიძე

რამდენიმე სიტყვა ჩვენი ქვეყნის ჯანდაცვაში არსებულ მდგომარეობასთან დაკავშირებით:

1. გულსისხძარღვთა დაავადებებით სიკვდილიანობა (სიკვდილიანობის ყველაზე დიდი მიზეზი) არის 7,7 ათას ადამიანზე, ეს მაჩვენებელი ჩვენთან ორჯერ მეტია ვიდრე თურქეთში, ესტონეთში, სერბეთში და 25% მეტია ვიდრე მეზობელ სომხეთში.

2. 1 წლამდე ბავშთა სიკვდილიანობა (9,5 ათას ცოცხლადშობილზე) და 5 წლამდე ბავშვებში (10,8) თითქმის სამჯერ აჭარბებს ევროპის საშუალო მაჩვენებელს.

3. მედიკამენტებზე ხარჯები მთლიანი ჯანდაცვის ხარჯებში 50-60%-ია, რაც ევროპის საშუალოს (17%) სამჯერ აჭარბებს.

4. მთლიანი ჯანდაცვის ხარჯების 80% მოდის ე.წ. "ჯიბიდან ხარჯებზე" და ამას ვერანაირი საყოველთაო დაზღვევა ვერ დაფარავს მრავალი წელი თუ ევროპული ქვეყნების დინამიკას გავაანალიზებთ.

5. ამავე დროს ჩვენ გვყავს 23 ათასი მოქმედი ექიმი (6,1 ათას მოსახლეზე) რაც ორჯერ აჭარბებს ისრაელის, ესტონეთის და ევროპის საშუალოს. სხვა სიტყვებით რომ ვთქვათ ჩვენი ზომის ქვეყანას ჭირდება 12 ათასამდე ექიმი ევროპული სტანდარტით. არაფერს ვამბობ, რომ ამ რიცხვს ყოველწლიურად 1000-მდე სამედიცინო უნივერსიტეტების კურსდამთავრებული ემატება.

6. ზუსტად საპირისპირო მდგომარეობა გვაქვს ექთნებთან დაკავშირებით (მათი 90% ქალია).

7. საწოლების რაოდენობა სამედიცინო დაწესებულებებში ჯამურად შესაბისობაშია ევროპის საშუალოსთან, თუმცა ჭარბია თბილისში და ნაკლებია რეგიონებში.

8. მრავალი მილიონი ლარი იხარჯება ჩვენი მოქალაქეების მიერ ევროპულ ქვეყნებში (ასევე თურქეთში და ისრაელში) დიაგნოსტიკაზე და მკურნალობაზე, რაც მხოლოდ ზემოთ მოყვანილი რიცხვების ხარისხთან კორელაციაზე მიუთითებს. მაშინ როდესაც წარმატებული ჯანდაცვა ქვეყნისთვის შესაძლებელია მნიშვნელოვანი შემოსავლების მომტანი იყოს (მცირე მაგრამ ამის მაგალითები ნამდვილად გვაქვს მაგ. თვალის კლინიკები).

9. თუ ჩვენ გვინდა ხარისხიანი ჯანდაცვის სისტემა ავაშენოთ, გვჭირდება შინაარსობრივი და სტრუქტურული ცვლილებები. მხოლოდ საბიუჯეტო ხარჯების/დაფინანსების ზრდა ცხადია ვერ შეცვლის მნიშვნელოვნად ამ მდგომარეობას.

პ.ს. ც-ჰეპატიტის ელიმინაციის პროგრამა რომ ძალიან მაგარია და ასევე ძალიან მაღალ პროფესიონალი ექიმებიც რომ გვყავს უდავოა, თუმცა ეს არ ცვლის ზოგად სურათს.

ჯანმრთელობას გისურვებთ ყველას 2016 წელს, ყველაფერი დანარჩენი კარგად იქნება!!!"