მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რას აკეთებს თბილისის მერია უსახლკაროებისთვის ცივ ზამთარში
06:37 / 05-01-2016
ბოლო დღეებში საქართველოში ტემპერატურამ საგრძნობლად დაიკლო. თბილისში ღამით -7 -8 გრადუსი ტემპერატურა ფიქსირდება. ცივი ამინდისა და ყინვების მიუხედავად, ქუჩაში მაინც ვხვდებით მიუსაფარ ადამიანებს, რომლებიც დახმარებას საჭიროებენ, განსაკუთრებით ღამის საათებში, როცა ღია ცის ქვეშ უწევთ ღამის გატარება. AMBEBI.GE დაინტერესდა, რა ზომებს მიმართავს თბილისის მერია იმისათვის, რომ უსახლკარო ადამიანებს ცივ ამინდში ღამის გათევა ქუჩაში არ უწევდეთ.
როგორც მერიის პრესსამსახურის უფროსმა, ნონა ყანდიაშვილმა გვითხრა, მიუსაფარი ადამიანებისთვის 2015 წლის დეკემბრიდან ლილოს დასახლებაში ფუნქციონირებს თავშესაფარი, რომელშიც 250-მდე ადამიანის მიღებაა შესაძლებელი. მისივე განცხადებით, ძლიერი ყინვების გამო, ყველას, ვისაც თავშესაფარი ესაჭიროება, შეუძლია მისვლა, თუმცა როგორც ყანდიაშვილი ამბობს, "მერიის თანამშრომლები ძალით ვერავის წაიყვანენ".
-ასეთი ადამიანები, ვისაც არ აქვთ სახლი და არიან ქუჩაში, პატრულმა ან სასწრაფომ უნდა მიიყვანოს თავშესაფარში. სანამ არის ცივი დღეები, მოვხსენით ყველანაირი შეზღუდვა და წესები, რაც თავშესაფარში მისაღებად არსებობს და ყველას ვიღებთ. სხვა რამის გაკეთება მერიას არ შეუძლია. მერიამ გახსნა თავშესაფარი ლილოს ტერიტორიაზე, მანამდე იყო კარვები მოსკოვის პროსპექტზე, თუმცა თავშესაფარმა ფუნქციონირება უკვე დაიწყო და მოსკოვის პროსპექტის კარვებში მცხოვრები ყველა ბენეფიციარი გადავიყვანეთ ამ შენობაში. იქ ყველანაირი საცხოვრებელი პირობებია შექმნილი იმისათვის, რომ თავი კარგად იგრძნონ.
ჩვენ არ გვაქვს უფლება ვინმე ძალით წავიყვანოთ, არც ის შეგვიძლია, რომ მერიის თანამშრომლებმა ქუჩებში იარონ და ეძებონ ასეთი ადამიანები. ასეთი ხალხი თავშესაფარში მიჰყავს სასწრაფოს, პატრულს, არის ცხელი ხაზიც, რომელზეც დარეკავენ და დავეხმარებით. ამასთანავე, 2- 3 იანვარს გვქონდა რამდენიმე შემთხვევა, როცა მერიის თანამშრომლები დასახმარებლად მივიდნენ, უნდა გადაეყვანათ თავშესაფარში, მაგრამ ამ ადამიანებმა უარი განაცხადეს თავშესაფარში წასვლაზე.
-მიღების წესები ახსენეთ, არსებობს რაიმე კრიტერიუმები, რის მიხედვითაც არჩევენ ბენეფიციარებს თავშესაფარში მიღებამდე?
-ამ თავშესაფარში არსებობს წესები, რაც დეტალურად წერია მერიის ვებ-გვერდზე. მოქალაქე თავშესაფარში მოსახვედრად უნდა აკმაყოფილებდეს სხვადასხვა კრიტერიუმს: უნდა შეეძლოს თავის მოვლა, არ უნდა ჰქონდეს გადამდები დაავადება, უნდა იყოს თბილისში რეგისტრირებული და უსახლკარო. მაგრამ რადგანაც ასეთი ცივი ამინდებია და გარეთ ყინავს, თავშესაფარი ყველასთვის ღია იქნება.
მერიის ინფორმაციით, თავშესაფრის ბენეფიციარები 24-საათიან რეჟიმში იღებენ პირველად ამბულატორიულ სამედიცინო მომსახურებას და პირველად მედიკამენტებს, მათ ემსახურება 5 სოციალური მუშაკი, ასევე, საჭიროების შემთხვევაში ფსიქოლოგი. თავშესაფარში ცალ-ცაკლე ოთახებია გამოყოფილი ქალებისთვის და მამაკაცებისთვის. თითო ოთახში ათი ბენეფიციარია განთავსებული. მათთვის გათვალისწინებულია პირადი მოხმარების ნივთები და ჰიგიენური საშუალებები. თავშესაფარი აღჭურვილია სასადილო, სააბაზანო, სამრეცხაო და საშრობი ბლოკებით. ბენეფიციარები თავშესაფარში ორჯერად კვებას იღებენ.
თეა ბეჟიტაშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
