"გამცდენი" პარლამენტარების სია - ვინ არ ესწრებოდა სხდომებს 2015 წელს ყველაზე ხშირად

2015 წელს არასაპატიო მიზეზით პარლამენტის პლენარული სხდომები ყველაზე მეტჯერ დეპუტატმა კობა დავითაშვილმა გააცდინა. შესაბამისი ინფორმაცია "ინტერპრესნიუსმა" პარლამენტის აპარატიდან გამოითხოვა. ოფიციალური მონაცემებით, დავითაშვილი სხდომებს 10-ჯერ არ დაესწრო. რაც შეეხება არასაპატიო მიზეზით პლენარული სხდომების გაცდების "რეიტინგში" სხვა დეპუტატების პოზიციებს, კობა დავითაშვილს 9-9 გაცდენით მოსდევენ პავლე კუბლაშვილი, გიორგი მელაძე, გოგა ხაჩიძე, ზურაბ ჯაფარიძე და ნიკოლოზ ყიფშიძე. პლენარული სხდომები არასაპატიო მიზეზით 7-7-ჯერ გააცდინეს როლანდ ახალაიამ, კახა ბუცხრიკიძემ, მურმან დუმბაძემ და ლევან ქარდავამ, 6-6 გაცდენა აქვთ რეზო შავლოხაშვილსა და შალვა შავგულიძეს, 5-5 გაცდენა – პაატა ლეჟავას, თამაზ შიოშვილს და ზვიად ძიძიგურს, პლენარულ სხდომებზე არასაპატიო მიზეზით 4-4-ჯერ არ გამოცხადდნენ ვალერი გელაშვილი, გოგი თოფაძე, სამველ პეტროსიანი და თედო ჯაფარიძე.

VIDEO| საქართველოს "ოროსანი პარლამენტარების" TOP 10

3-3 გაცდენა ერიცხებათ გია ბარამიძეს, ვიქტორ დოლიძეს, გიორგი ვაშაძეს, ზურაბ ზვიადაურს, ალექსანდრე თამაზაშვილს, გივი თარგამაძეს, გიორგი კარბელაშვილს, ალი მამედოვს, დავით ონოფრიშვილს, რუსლან პოღოსიანს, გუბაზ სანიკიძეს, მარიამ საჯაიას, კობა სუბელიანს, ზურაბ ტყემალაძეს, გიორგი ღვინიაშვილს, თეიმურაზ ჩხაიძეს, პეტრე ცისკარიშვილს, ლერი ხაბელოვსა და სერგო ხაბულიანს. სხდომებზე 2-2-ჯერ არ იმყოფებოდნენ ზურაბ აბაშიძე, ნინო გოგუაძე, გოჩა ენუქიძე, გიორგი თევდორაძე, მერაბ კაჭახიძე, ზვიად კვაჭანტირაძე, დავით ლორთქიფანიძე, შოთა მალაშხია, გუგული მაღრაძე, აკაკი მინაშვილი, ენზელ მკოიანი, გელა სამხარაული, ელისო ჩაფიძე, ირაკლი ჩიქოვანი, გიორგი წერეთელი, დავით ჭავჭანიძე.

მხოლოდ თითო-თითო არასაპატიო გაცდენა აქვთ პაატა ბარათაშვილს, ლევან ბეჟაშვილს, დავით ბეჟუაშვილს, აკაკი ბობოხიძეს, გიორგი გაბაშვილს, პაატა კვიჟინაძეს, თემურ მაისურაძეს, მიხეილ მაჭავარიანს, მიხეილ მახარაძეს, ზურაბ მელიქიშვილს, თამარ მეჭიაურს, ანი მიროტაძეს, გურამ მისაბიშვილს, ირმა ნადირაშვილს, კობა ნაყოფიას, რამაზ ნიკოლაიშვილს, გოგლა ჟვანიას, აზერ სულეიმანოვს, გედევან ფოფხაძეს, თამაზ ყაჭეიშვილს, ნანა ყეინიშვილს, ზურაბ ჩილინგარაშვილს, ოთარ ჩრდილელს, დარეჯან ჩხეტიანს, გია ცაგარეიშვილს, ნუგზარ წიკლაურს, როსტომ ხალვაშს, ეკა ხერხეულიძეს, დიმიტრი ხუნდაძეს, თამაზ ჯაფარიძეს და სოსო ჯაჭვლიანს. ამასთან, დეპუტატების გაცდენების რეალური მაჩვენებელი სავარაუდოდ გაცილებით მეტია, ვიდრე ეს ოფიციალურად ფიქსირდება. საქმე იმაშია, რომ პარლამენტის რეგლამენტით, პარლამენტის წევრის მიერ პლენარული და კომიტეტის სხდომების გაცდენის საპატიო მიზეზად ითვლება ავადმყოფობა, სამსახურებრივი მივლინება და ასევე ოჯახური მდგომარეობა. ოჯახური მდგომარეობის მიზეზს კი პარლამენტის წევრები ყველაზე აქტიურად იყენებენ სხდომების გასაცდენად და ამ გაცდენების საპატიოდ ჩასათვლელად. საპროცედურო საკითხთა და წესების კომიტეტმა სხდომების ოჯახური მდგომარეობის მიზეზით გაცდენის შეზღუდვა სცადა, თუმცა პარლამენტში ინიცირებული შესაბამისი პროექტი ბოლომდე ვერ მიიღეს.

"ინტერპრესნიუსი"