"ის არსებობს!" - სანტას მისტიკური მოგზაურობა თბილისში და წინასაახალწლო საღამო პატარებისთვის
დეკემბრის ბოლოდან თბილისის ქუჩებში უცნაური წარწერა და ნიშნები გაჩნდა. ვაკეში, "ვენდის" ამერიკულ რესტორანთან ირმისა და მარხილის გამოსახულება მიუთითებდა, რომ ის სანტას ტრანსპორტის პარკირებისთვის გამოყოფილი ადგილია. თამარაშვილის ქუჩაზე სამანქანო გზასთან განთავსებული თივა და მის გვერდით საგზაო ნიშანზე ირმები და სანტა გვაუწყებდა, რომ აქ სანტას ირმები ისვენებენ და მიირთმევენ თივას, რომ ენერგიულად იმოგზაურონ ქალაქში. ამავე ქუჩაზე, "ვისოლის" ბენზინგასამართ სადგურთან ახლოს, მძღოლებმა ირმების თეთრი ნაფეხურებიც შენიშნეს. მანქანების სამრეცხაოსთან სანტას მარხილის გასუფთავებას სთავაზობდნენ და თანხის ნაცვლად მისგან საჩუქრებს მოელოდნენ. ანალოგიურ სერვისს სთავაზობდნენ სანტას ვაჟა-ფშაველას გამზირზეც. ირმების ნაფეხურები და საგზაო ნიშნები, რომლებზეც სანტა და ირმებია გამოსახული თბილისის სხვა ქუჩებშიც გამოჩნდა.
ასათიანის ქუჩასთან ახლოს კი ერთ-ერთი კორპუსის თავზე დიდი ბანერი გამოისახა წარწერით: "ის არსებობს". მოქალაქეებს წარმოდგენა არ ჰქონდათ, როდის გაჩნდა აღნიშნული ნიშნები ქალაქში...
სანტას მისტიკური მოგზაურობა წინასაახალწლო ჯადოსნური საღამოს აღნიშვნით გაგრძელდა. სანტამ ბავშვები კინოთეატრ "ამირანში" მიიწვია სახელობითი ჯადოსნური მოსაწვევებით, რომელსაც თან წერილი ახლდა: "ჩემო ძვირფასო, მიხარია, რომ წელს ისე კარგად იქცეოდი, რომ დაიმსახურე მოხვდე ჯადოსნურ საახალწლო საღამოზე, სადაც უამრავი სიურპრიზი, საჩუქარი და სახალისო გასართობი გელოდება. ეს ჯადოსნური ბილეთი შენია, არ დაკარგო, ის კარს გაგიხსნის ჩვენს სამყაროში შემოსასვლელად შენ და შენთან ერთად ერთ უფროს მეგობარს, დედიკოს ან მამიკოს. გელი მოუთმენლად, როგორც შენ მელი ყოველ ახალ წელს. გზა თუ აგებნა გამოყევი ირმების კვალს ან საახალწლო მუსიკის ხმას. ის ჩვენამდე მოგიყვანს. შენი სანტა".
წერილი "ნანუკას შოუმ" და ჟურნალმა OK-მაც მიიღეს, სადაც სანტა მოუცლელობის გამო ტელეწამყვანს და ჟურნალის რედაქციას სთხოვდა, ბავშვებისთვის ეკითხათ, სჯერათ თუ არა მისი არსებობის და სოციალურ მედიაში უამრავი ვიდეო გაჩნდა ბავშვების მონათხრობით, როგორ სჯერათ მათ სანტას არსებობა და რას მოელოდნენ მისგან ჰეშთეგით "#ის არსებობს".
(R)
აზერბაიჯანის ტურიზმის საბჭო თბილისში ვიზიტორთა ცენტრ „Azerbaijan.Travel”-ს ხსნის
“დანკინში“ WOLT – ით შეკვეთისას Pickup სერვისი დაიწყო
