მნიშვნელოვანი ინფორმაცია
6
ივნისიდღის ზოგადი ასტროლოგიური პროგნოზი
შაბათი, მთვარის მეთორმეტე დღე დაიწყება 18:20-ზე, მთვარე მორიელში იქნება 06:22-დან –რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. დღეს მაქსიმალური სიყვარული და მზრუნველობა გამოიჩინეთ პარტნიორის მიმართ და ეცადეთ, არ გაანაწყენოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მსოფლიო ვარსკვლავები ფონდ "ნატვრის ხესთან" ერთად ქართველი ბავშვების დასახმარებლად ერთიანდებიან
05:15 / 28-12-2015
მსოფლიოში ცნობილი ქართველი მეცო-სოპრანოს, ნინო სურგულაძის ფონდი "ნატვრის ხე" 9 იანვარს, თბილისის დიდ საკონცერტო დარბაზში კონცერტს გამართავს. ეს იქნება ფონდის მიერ ჩატარებული მეოთხე მასშტაბური ღონისძიება, რომლის მთავარი მიზანი ბავშვების სიცოცხლის გადარჩენა და მათი ცხოვრების რადიკალურად შეცვლაა. კონცერტთან დაკავშირებული დეტალების შესახებ ფონდის დამფუძნებელმა ნინო სურგულაძემ AMBEBI.GE-სთან ისაუბრა.
- ჩვენ, ყველა ერთად, პირველი სამი ღონისძიებით 21 ბავშვს დავეხმარეთ, მათი სიცოცხლე გადავარჩინეთ და მათი ცხოვრება რადიკალურად შევცვალეთ. მეოთხე კონცერტი 9 იანვარს თბილისის დიდ საკონცერტო დარბაზში გაიმართება. გენერალური სპონსორი "სოკარია". ვგეგმავთ ახალი ბენეფიციარები დარბაზში მოსულ მაყურებელს, სიუჟეტების საშუალებით გავაცნოთ. ჩვენ კონკრეტულ ბავშვებს დავეხმარებით ამ გრანდიოზული ღონისძიებით. ღონისძიებაში მონაწილეობას მსოფლიო ვარსკვლავები მიიღებენ, ჩემი მეგობრები, რომლებიც უანგაროდ ჩამოვლენ.
- რა ჟანრის მუსიკალური ნაწარმოებები შესრულდება კონცერტზე და, კონკრეტულად, ვინ არიან არტისტები, რომლებიც მსოფლიოს სხვადასხვა ქალაქებიდან ჩამოდიან?
- მე გათვლა მაქვს არამხოლოდ კლასიკის მოყვარულ მაყურებელზე, არამედ უფრო ფართო მსმენელზე. ამიტომ ეს არ იქნება მხოლოდ კლასიკური მუსიკის საღამო, იქნება ძალიან ცნობილი ჰიტები ოპერეტებიდან, ასევე ცნობილი სიმღერები. დაახლოებით, 170 არტისტი მიიღებს მონაწილეობას. ვგულისხმობ თბილისის ოპერის სიმფონიურ ორკესტრსა და აფხაზეთის კაპელას, ასევე ჩამოსულ სტუმრებს, ბენდს, რა თქმა უნდა, მეც, ჩვეულებისამებრ, მივიღებ მონაწილეობას. რაც შეეხება სტუმრებს: ჩამოდის მსოფლიოში ცნობილი იტალიელი მომღერალი, ტენორი და პოპ ოპერის მსოფლიო ვარსკვლავი ალესანდრო საფინა. მან თავისი მილიონობით დისკი ("ლუნა ტუ") გაყიდა. საქართველოში, მხოლოდ ბათუმშია ნამყოფი, თბილისში არასდროს ყოფილა. ის თავის ცნობილ სიმღერებს შეასრულებს, იქნება დუეტებიც. ასევე ჩამოდის ენჯელ ბლუ (Angel Blue), რომელიც არის ამერიკელი მსოფლიო ვარსკვლავი, ის არის "მის ჰოლივუდი 2005" და ამასთან ერთად, არის დიდი მომღერალი, მასზე დიდი მოთხოვნაა მსოფლიოს წამყვან საოპერო სცენებზე, ასევე ჩამოდის ანა რუჩნერი (Ana Rucner), რომელიც ბოსნია ჰერცოგოვინას წარადგენს მომავალ წელს "ევროვიზიაზე". ის უკვე ნამყოფია ჩემს ღონისძიებაზე, კიდევ ჩამოვა და ცნობილ მელოდიებს შეასრულებს ფილმებიდან. ის არის ცნობილი ჩელისტი და დაუკრავს ელექტროჩელოზე. ასევე იქნება ოლივერ პული (Oliver Pool), პიანისტი ბრიტანეთიდან, რომელმაც ძალიან შეაყვარა ქართველებს თავი ჩვენი და სხვა კონცერტებით. ის არის ჩემი მეგობარი ლონდონიდან. ასევე, კარლო პონტი, რომელიც იქნება ამ ღონისძიების წამყვანი დირიჟორი, ის არის სოფი ლორენისა და კარლო პონტის ვაჟი.
- მიიღებენ თუ არა კონცერტში მონაწილეობას საზღვარგარეთ მოღვაწე ქართველი არტისტები?
- ამჯერად აქცენტი საერთაშორისო შემადგენლობაზე გავაკეთე, თუმცა, სამომავლოდ ასეთი ტიპის კონცერტს ვგეგმავ.
- თქვენ რას შეასრულებთ თქვენი მსმენელისთვის კონცერტზე?
- მე ჯერ ვერ ვიტყვი, რას შევასრულებ კონცერტზე, ეს სიურპრიზია, მაგრამ საღამო მართლა ძალიან საინტერესო იქნება. ეს იქნება ერთ-ერთი დასამახსოვრებელი კონცერტი. ჩვენ გვჯერა, რომ შევძლებთ იმ მისიის შესრულებას, რასაც მიზნად ვისახავთ. ამ კონცერტის პირველადი მნიშვნელობა არის ის, რომ ჩვენ ვეხმარებით ბავშვებს. მაგრამ მას სხვა დატვირთვაც აქვს: ჩვენ ვერთიანდებით ამერიკელ, ბრიტანელ, ხორვატიელ, იტალიელ და სხვა ვარსკვლავებთან ერთად, ვცდილობთ ერთად ვიდგეთ სცენაზე და ეს ყველაფერი, ასევე ქართველ მსმენელთან, საქართველოს მოქალაქეებთან თუ იმ სპონსორებთან და მხარდამჭერებთან ერთად გავაკეთოთ, ვინც შემოგვიერთდა და შემოგვიერთდება ამ ღონისძიებაზე.
- რატომ საჭიროებენ ეს ბავშვები დახმარებას, რა პრობლემები აქვთ მათ და რა ნომერზე უნდა დარეკოს დიდ საკონცერტო დარბაზში გამართული კონცერტის მსვლელობის დროს მსურველმა?
- ისენი არიან მძიმე სენით დაავადებული ბავშვები, რომლებსაც გადაუდებელი დახმარება სჭირდებათ. მსურველებს შეუძლიათ დარეკონ ნომერზე: 0901900999. ზარის ღირებულება ერთი ლარია ყველა მობილური ქსელიდან. ეს თანხა, თითქმის დაუბეგრავად, მოხმარდება ბავშვების მკურნალობას სამშობლოში თუ საზღვარგარეთ.
თამარ კორკოტაშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
