AMBEBI.GE გან­ვლი­ლი წლის პო­ლი­ტი­კუ­რი სკან­და­ლე­ბი­სა და მნიშ­ვნე­ლო­ვა­ნი მოვ­ლე­ნე­ბის მი­მო­ხილ­ვას გთა­ვა­ზობთ:

2015 წლის პირ­ვე­ლი სკან­და­ლუ­რი მოვ­ლე­ნა 20 იან­ვარს მოხ­და, რო­დე­საც კას­პის რა­ი­ო­ნის სო­ფელ ყა­რა­ფი­ლის სა­საფ­ლა­ო­ზე მომ­ხდარ­მა აფეთ­ქე­ბამ მთე­ლი სა­ზო­გა­დო­ე­ბა შეძ­რა. აფეთ­ქე­ბას 2006 წელს თბი­ლის­ში, კორ­ტებ­თან პო­ლი­ცი­ის მიერ ჩა­ცხრი­ლუ­ლი ზუ­რაბ ვა­ზა­გაშ­ვი­ლის მამა - იური ვა­ზა­გაშ­ვი­ლი შე­ე­წი­რა. ყა­რა­ფი­ლა­ში მე­ზობ­ლის დაკ­რძალ­ვა­ზე ჩა­სუ­ლი იური ვა­ზა­გაშ­ვი­ლი შვი­ლის საფ­ლავ­ზეც მი­ვი­და. სწო­რედ ამ დროს მოხ­და აფეთ­ქე­ბა, რო­მელ­მაც მისი სი­ცო­ცხლე შე­ი­წი­რა. გა­მო­ი­ძე­ბამ მკვლე­ლო­ბა მალე გახ­სნა და თე­ბერ­ვლის და­სა­წყის­ში პო­ლი­ცი­ის თა­ნამ­შრო­მე­ლი გია სო­სა­ნაშ­ვი­ლი და­ა­პა­ტიმ­რა. სა­სა­მარ­თლო პრო­ცე­სი დიდ­ხანს გაგ­რძელ­და, სა­ბო­ლო­ოდ კი ნო­ემ­ბერ­ში, თბი­ლი­სის სა­ქა­ლა­ქო სა­სა­მარ­თლომ იური ვა­ზა­გაშ­ვი­ლის მკვლე­ლო­ბა­ში ბრალ­დე­ბულ გია სო­სა­ნაშ­ვილს 20 წლით თა­ვი­სუფ­ლე­ბის აღ­კვე­თა მი­უ­სა­ჯა. მკვლე­ლო­ბის მო­ტი­ვი ბო­ლომ­დე ბუნ­დო­ვა­ნი დარ­ჩა.

თე­ბერ­ვალ­ში სა­ინ­ფორ­მა­ციო სა­შუ­ა­ლე­ბე­ბის მთა­ვა­რი თე­მად ვინ­მე ეკა ყურ­ში­ტაშ­ვი­ლი იქცა, რო­მელ­მაც სა­ზო­გა­დო­ე­ბას თავი ერთი ვი­დე­ო­თი გა­აც­ნო. ჩა­ნა­წე­რი "ნა­ცი­ო­ნა­ლურ­მა მოძ­რა­ო­ბამ" გა­ავ­რცე­ლა. ვი­დე­ო­ში ჩანს, რომ ნას­ვამ ქალ­ბა­ტონს აჩე­რებს პატ­რუ­ლი, ხოლო ქალ­ბა­ტო­ნი მათ სი­ტყვი­ერ შე­უ­რა­ცხყო­ფას აყე­ნებს, შემ­დეგ ურე­კავს სა­პატ­რუ­ლო პო­ლი­ცი­ის მა­ღალ­ჩი­ნო­სანს (და­ვით ცი­ნა­რი­ძეს) და ამ პატ­რუ­ლე­ბის­თვის "ჭკუ­ის სწავ­ლე­ბას" სთხოვს. მა­შინ გავ­რცე­ლე­ბუ­ლი ინ­ფორ­მა­ცი­ის მი­ხედ­ვით, ეკა ყურ­ში­ტაშ­ვილს არა­ერ­თხელ გა­უ­კე­თე­ბია მსგავ­სი რამ და მა­ღალ­ჩი­ო­სა­ნიც ყო­ველ­თვის მხსნე­ლად ევ­ლი­ნე­ბო­და. კუ­ლუ­ა­რუ­ლი ინ­ფორ­მა­ცი­ით, პატ­რუ­ლის ეკი­პა­ჟე­ბი ერი­დე­ბოდ­ნენ კი­დეც მისი მან­ქა­ნის გა­ჩე­რე­ბას, რო­მელ­საც უკვე ცნობ­დნენ. სა­ბო­ლო­ოდ, ეს ინ­ცი­დენ­ტი იმით დას­რულ­და, რომ და­ვით ცი­ნა­რი­ძემ თა­ნამ­დე­ბო­ბა და­ტო­ვა, ხოლო ყვე­ლას­თვის უც­ნო­ბი ქალ­ბა­ტო­ნი 1 თვით პო­პუ­ლა­რო­ბის პიკ­ზე იყო. 

მარ­ტი ფი­ნან­სუ­რად ძა­ლი­ან მძი­მე თვე გა­მოდ­გა, რად­გან ყვე­ლას­თვის ცხა­დი გახ­და, რომ ლა­რის გა­უ­ფა­სუ­რე­ბა შე­უ­ჩე­რებ­ლად გაგ­რძელ­დე­ბო­და. პრო­ცეს­მა, რო­მე­ლიც 2014 წლის დე­კემ­ბერ­ში და­ი­წყო, მარ­ტში პიკს მი­აღ­წია. ეროვ­ნუ­ლი ბან­კის და ფი­ნანსთა სა­მი­ნის­ტროს ჩა­რე­ვის შე­დე­გად ლარ­მა ოდ­ნავ შე­ი­ნარ­ჩუ­ნა სიმ­ყა­რე, თუმ­ცა სა­ბო­ლო­ოდ მა­ინც გა­უ­ფა­სურ­და თით­ქმის ერთი ლა­რით.

აპ­რი­ლი შე­და­რე­ბით მშვი­დი თვე იყო. ქვეყ­ნის შიგ­ნით მუდ­მი­ვად კინ­კლა­ობ­და ხე­ლი­სუფ­ლე­ბა და ოპო­ზი­ცია, თუმ­ცა მათი და­პი­რის­პი­რე­ბა ჩარ­ჩო­ე­ბი­დან არ გა­სუ­ლა. თვის ყვე­ლა­ზე მძი­მე თემა სამ­ხედ­რო­ებს უკავ­შირ­დე­ბა. 30 აპ­რილს სა­ქარ­თვე­ლოს შე­ი­ა­რა­ღე­ბუ­ლი ძა­ლე­ბის შექ­მნის 24-ე წელი აღი­ნიშ­ნა. სწო­რედ ამ დღეს რამ­დე­ნი­მე ქარ­თულ­მა ტე­ლე­ვი­ზი­ამ, ფრან­გულ მე­დი­ა­ზე დაყ­რდნო­ბით, გა­ავ­რცე­ლა სკან­და­ლუ­რი ინ­ფორ­მა­ცია, თით­ქოს ცენ­ტრა­ლუ­რი აფ­რი­კის რეს­პუბ­ლი­კა­ში სამ­შვი­დო­ბო მი­სი­ით მყო­ფი ქარ­თვე­ლი სამ­ხედ­რო­ე­ბი იქა­ურ ბავ­შვებ­ზე ძა­ლა­დობ­დნენ. ზო­გი­ერ­თი ქარ­თუ­ლი ტე­ლე­ვი­ზი­ის მიერ გავ­რცე­ლე­ბუ­ლი ინ­ფორ­მა­ცი­ის თა­ნახ­მად, ბავ­შვებ­ზე ძა­ლა­დო­ბა 2013 წლის დე­კემ­ბრი­დან 2014 წლის ივ­ნი­სამ­დე ხდე­ბო­და. ეს სა­ჩო­თი­რო სი­ტუ­ა­ცია ორი­ო­დე დღე­ში გა­ირ­კვა, რო­დე­საც სა­ერ­თა­შო­რი­სო ორ­გა­ნი­ზა­ცია AIDS-FREE WORLD-ის ერთ-ერ­თმა ხელ­მძღვა­ნელ­მა პა­უ­ლა დო­ნო­ვან­მა გა­ნა­ცხა­და, რომ ქარ­თვე­ლი სამ­ხედ­რო­ე­ბის­გან ძა­ლა­დო­ბის ფაქ­ტე­ბი გა­ე­რო-ს ან­გა­რიშ­ში ნახ­სე­ნე­ბი არ ყო­ფი­ლა. ამ დო­კუ­მენ­ტში ქარ­თვე­ლე­ბი ორ­ჯერ არი­ან ნახ­სე­ნე­ბი - პირ­ვე­ლად, რო­დე­საც იქა­უ­რი ბავ­შვი აღ­წერს მო­ძა­ლა­დე ფრანგ სამ­ხედ­როს და ამ­ბობს, რომ პოსტზე ის ქარ­თველ­მა სამ­ხედ­რომ შეც­ვა­ლა და მე­ო­რედ, როცა ამ­ბო­ბენ, რომ - ძა­ლა­დო­ბა მა­შინ მოხ­და, რო­დე­საც ფრან­გი ჯა­რის­კა­ცე­ბი ქარ­თველ სამ­ხედ­რო­ებს ტე­რი­ტო­რი­ას ათ­ვა­ლი­ე­რე­ბი­ნებ­დნენ. რო­გორც ჩანს, ძა­ლა­დო­ბა მარ­თლაც ხდე­ბო­და, ოღონდ მო­ძა­ლა­დე­ე­ბი, სა­ვა­რა­უ­დოდ, ფრან­გი სამ­ხედ­რო­ე­ბი იყ­ვნენ.

მა­ი­სი ძა­ლი­ან მძი­მე თვე იყო. ტრა­გე­დი­ამ, რო­მე­ლიც ქო­ბუ­ლეთ­ში დატ­რი­ალ­და, მთე­ლი სა­ქარ­თვე­ლო შეძ­რა. აღ­მა­შე­ნებ­ლის ქუ­ჩა­ზე, სას­ტუმ­რო "არ­მაზ­ში" გა­ჩე­ნილ­მა ხან­ძარ­მა სამი ბავ­შვის სი­ცო­ცხლე იმ­სხვერ­პლა. რუს­თა­ვის ცეკ­ვის ან­სამ­ბლი "სი­ხა­რუ­ლი 2" ქო­ბუ­ლეთ­ში კონ­ცერ­ტის გა­სა­მარ­თად ჩა­ვი­და. კონ­ცერ­ტის შემ­დეგ ან­სამ­ბლის ხელ­მძღვა­ნე­ლე­ბი და მისი წევ­რე­ბი, რამ­დე­ნი­მე­ მშო­ბელ­თან ერ­თად, სას­ტუმ­რო "არ­მაზ­ში" და­ბი­ნავ­დნენ.­ 10 მა­ისს, გამ­თე­ნი­ი­სას, პოლი­ციის თა­ნამ­შრომ­ლებ­მა შე­ამ­ჩნი­ეს, რომ სას­ტუმ­რო­დან კვამ­ლი გა­მოდ­იოდა. ისი­ნი შე­ნო­ბა­ში­ შეცვ­ივ­დნენ და ხალ­ხის გაღ­ვი­ძე­ბა სცა­დეს. ცე­ცხლი შე­ნო­ბას მალე მო­ე­დო. ცე­ცხლში გახ­ვე­უ­ლი სას­ტუმ­რო­დან პო­ლი­ცი­ე­ლებ­მა და აჭა­რის სა­გან­გე­ბო სი­ტუ­ა­ცი­ე­ბის სამ­სა­ხუ­რის თა­ნამ­შრომ­ლებ­მა­ 45 ადა­მი­ა­ნი გა­მო­იყ­ვა­ნეს, მათ შო­რის, 31 ბავ­შვი იყო. სამ­წუ­ხა­როდ, ვერ მო­ხერ­ხდა თორ­ნი­კე ხვი­ჩი­ას, დათო ზა­ქა­რა­ძი­სა და რე­ვაზ დე­მეტ­რაშ­ვი­ლის გა­დარ­ჩე­ნა. ხან­ძრის მი­ზე­ზად სას­ტუმ­რო­ში უსაფრ­თხო­ე­ბის ნორ­მე­ბის არ­ქო­ნა და­სა­ხელ­და.

წლის ყვე­ლა­ზე მძი­მე დღედ შეგ­ვიძ­ლია 13 ივ­ნი­სი და­ვა­სა­ხე­ლოთ - წყალ­დი­დო­ბა თბი­ლის­ში, მდი­ნა­რე ვე­რეს ხე­ო­ბა­ში. სტი­ქი­ამ 19 ადა­მი­ა­ნის სი­ცო­ცხლე შე­ი­წი­რა (და­ღუ­პუ­ლებს შო­რის იყო ზო­ო­პარ­კის სამი თა­ნამ­შრო­მე­ლი და მაშ­ვე­ლე­ბი). სტი­ქი­ამ თით­ქმის მთლი­ა­ნად გა­ა­ნად­გუ­რა თბი­ლი­სის ზო­ო­პარ­კი, წყალ­დი­დო­ბას ემსხვერ­პლა ცხო­ვე­ლე­ბის დიდი ნა­წი­ლი, გარ­კვე­ულ­მა ნა­წილ­მა კი ვო­ლი­ე­რებს თავი და­აღ­წია და ქა­ლაქ­ში გა­იქ­ცა. თბი­ლი­სის ქუ­ჩებ­ში 5 ლომი, 6 ვე­ფხვი, 6 დათ­ვი და 13 მგე­ლი აღ­მოჩ­ნდა, კა­მე­რებ­მა გმირ­თა მო­ე­დან­ზე ბე­ჰე­მო­თი და­ა­ფიქ­სი­რა. სტი­ქი­უ­რი უბე­დუ­რე­ბა 13 ივ­ნისს გვი­ან ღა­მით და­ი­წყო და 14 ივ­ნი­სის დი­ლამ­დე გაგ­რძელ­და. კა­ლა­პო­ტი­დან გად­მო­ვი­და მდი­ნა­რე მტკვა­რიც, მარ­ჯვე­ნა სა­ნა­პი­რო­ზე ჩარ­ჩე­ნი­ლი ხალ­ხის ევა­კუ­ა­ცია ექ­სტრე­მა­ლურ პი­რო­ბებ­ში გან­ხორ­ცი­ელ­და. სა­მაშ­ვე­ლო სამ­სა­ხუ­რე­ბი სა­გან­გე­ბო რე­ჟიმ­ში მუ­შა­ობ­დნენ. სტი­ქი­ის შე­დე­გად მი­ყე­ნე­ბულ­მა მა­ტე­რი­ა­ლურ­მა ზა­რალ­მა და­ახ­ლო­ე­ბით 50 მი­ლი­ო­ნი ლარი შე­ად­გი­ნა. და­ღუ­პულ­თათ­ვის პა­ტი­ვის მი­სა­გე­ბად, სა­ქარ­თვე­ლოს მთავ­რო­ბის გან­კარ­გუ­ლე­ბით, 15 ივ­ნი­სი გლო­ვის დღედ გა­მო­ცხად­და.

ივ­ლის­ში მე­დი­ის ყუ­რა­დღე­ბა ზუ­რაბ ჟვა­ნი­ას დაც­ვის უფ­რო­სის, კობა ხარ­ში­ლა­ძის გან­ცხა­დე­ბამ მი­ი­პყრო იმის შე­სა­ხებ, რომ იმ ბი­ნა­ში, სა­დაც ჟვა­ნია გარ­დაც­ვლი­ლი აღ­მო­ა­ჩი­ნეს, იგი რაულ უსუ­პოვ­თან ერ­თად შიშ­ვე­ლი იმ­ყო­ფე­ბო­და. ამის შე­სა­ხებ ბრალ­დე­ბულ­მა ხარ­ში­ლა­ძემ სა­სა­მარ­თლო­ში შე­სა­ვა­ლი სი­ტყვის დროს გა­ნა­ცხა­და და აღ­ნიშ­ნა, რომ პა­ტი­ე­ბას სთხოვს ზუ­რაბ ჟვა­ნი­ას სულს.

აგ­ვის­ტო­ში ყუ­რა­დღე­ბის ცენ­ტრში აღ­მოჩ­ნდადე­პუ­ტა­ტი გი­ორ­გი კარ­ბე­ლაშ­ვი­ლი. კარ­ბე­ლაშ­ვილ­მა პატ­რუ­ლის თა­ნამ­შრომ­ლებს ფი­ზი­კუ­რი და სი­ტყვი­ე­რი შე­უ­რა­ცხყო­ფა მი­ა­ყე­ნა. სა­პატ­რუ­ლო პო­ლი­ცი­ის თა­ნამ­შრომ­ლებ­მა ბორ­ჯო­მი-თბი­ლი­სის ავ­ტო­მა­გის­ტრალ­ზე მოძ­რა­ვი შავი ფე­რის ტო­ი­ო­ტას მარ­კის ავ­ტო­მან­ქა­ნა ავ­ტო­საგ­ზაო წე­სე­ბის დარ­ღვე­ვის­თვის გა­ა­ჩე­რეს. ავ­ტო­მან­ქა­ნას პარ­ლა­მენ­ტის წევ­რი გი­ორ­გი კარ­ბე­ლაშ­ვი­ლი მარ­თავ­და, რო­მელ­მაც დო­კუ­მენ­ტა­ცი­ი­სა და ალ­კო­ტეს­ტით სტან­დარ­ტუ­ლი შე­მოწ­მე­ბის მო­თხოვ­ნის პა­სუ­ხად სა­პატ­რუ­ლო ეკი­პა­ჟის წევ­რებს სი­ტყვი­ე­რი და ფი­ზი­კუ­რი შე­უ­რა­ცხყო­ფა მი­ა­ყე­ნა, რა დრო­საც ის და მისი თან­მხლე­ბი პირი ოსი­ა­ურ­ში, უახ­ლო­ეს გან­ყო­ფი­ლე­ბა­ში გა­და­იყ­ვა­ნეს. "მოგ­ვი­ა­ნე­ბით, ჩა­ტა­რე­ბუ­ლი შე­მოწ­მე­ბით დად­გინ­და, რომ პარ­ლა­მენ­ტა­რი გი­ორ­გი კარ­ბე­ლაშ­ვი­ლი ავ­ტო­მან­ქა­ნას ნას­ვამ მდგო­მა­რე­ო­ბა­ში მარ­თავ­და. კარ­ბე­ლაშ­ვილ­მა მომ­ხდა­რი პრო­ვო­კა­ცი­ად შე­ა­ფა­სა და თქვა, რომ მისი მხრი­დან შე­უ­რა­ცხყო­ფას ად­გი­ლი არ ჰქო­ნია, თუმ­ცა რამ­დე­ნი­მე დღე­ში მან სა­კუ­თა­რი გან­ცხა­დე­ბა შეც­ვა­ლა და ბო­დი­ში მო­ი­ხა­და.

სექ­ტემ­ბერ­ში სა­პა­ტიმ­რო და­ტო­ვა თბი­ლი­სის ყო­ფილ­მა მერ­მა გიგი უგუ­ლა­ვამ, თუმ­ცა მხო­ლოდ ერთი დღით. თბი­ლის­ში ხუმ­რო­ბენ - უგუ­ლა­ვამ მხო­ლოდ ერთი­ დღით "იგუ­ლა­ვაო". მარ­თლაც, ერთ სა­ღა­მოს სა­კონ­სტი­ტუ­ციო სა­სა­მარ­თლომ ან­ტი­კონ­სტი­ტუ­ცი­უ­რად ცნო სის­ხლის სა­მარ­თლის კო­დექ­სის ის მუხ­ლი, რო­მე­ლიც პი­რის 9 თვე­ზე მეტ­ხანს წი­ნას­წარ პა­ტიმ­რო­ბას ით­ვა­ლის­წი­ნებ­და. სა­ნამ სა­სა­მარ­თლო გა­და­წყვე­ტი­ლე­ბას გა­მო­ა­ცხა­დებ­და, სა­კონ­სტი­ტუ­ციო სა­სა­მარ­თლოს კო­ლე­გი­ის წევრ მე­რაბ ტუ­რა­ვას გარ­შე­მო მოვ­ლე­ნე­ბი დრა­მა­ტუ­ლად ვი­თარ­დე­ბო­და. კერ­ძოდ, მისი თქმით, შე­უძ­ლოდ იყო და დრო სჭირ­დე­ბო­და, რათა სა­ბო­ლოო გა­და­წყვე­ტი­ლე­ბას გას­ცნო­ბო­და. სა­ბო­ლო­ოდ, სა­სა­მარ­თლომ გა­და­წყვე­ტი­ლე­ბა გა­მო­ა­ცხა­და, რა­საც ტუ­რა­ვამ ხელი არ მო­ა­წე­რა. მოკ­ლედ, იმა­ვე სა­ღა­მოს უგუ­ლა­ვა გა­თა­ვი­სუფ­ლდა, თუმ­ცა მე­ო­რე დღეს მას რი­ყი­სა და "თბილ­სერ­ვი­სის" საქ­მე­ზე 4 წლი­თა და 6 თვით თა­ვი­სუფ­ლე­ბის აღ­კვე­თა მი­უ­სა­ჯეს და ცი­ხე­ში შე­აბ­რუ­ნეს (ამა­ვე საქ­მე­ზე კე­ზე­რაშ­ვი­ლი გა­ა­მარ­თლეს). შუ­ა­ლედ­ში "ნა­ცი­ო­ნა­ლებ­მა" სა­სა­მარ­თლოს­თან მი­ტინ­გი გა­მარ­თეს, სა­დაც უგუ­ლა­ვამ გა­ნა­ცხა­და: ისევ ძვე­ლი სა­არ­ჩევ­ნო სის­ტე­მით "აბა­როტს" ავი­ღებთ და გა­ვი­მარ­ჯვებ­თო.

სა­ვა­რა­უ­დოდ, ძა­ლი­ან უნდა გა­უ­ჭირ­დეთ გა­მარ­ჯვე­ბა, რად­გან ოქ­ტომბერში უკ­რა­ი­ნულ­მა ვებგ­ვერდმა Tube.ua-მ წინა ხე­ლი­სუფ­ლე­ბის დროს სა­მეგ­რე­ლო­ში აღ­მო­ჩე­ნი­ლი წა­მე­ბის ამ­სახვ­ელი ვი­დე­ო­მა­სა­ლა გა­მო­აქ­ვეყ­ნა, სა­თა­უ­რით "რო­გორ აწა­მე­ბენ რე­ფორ­მა­ტო­რე­ბი ადა­მი­ა­ნებს ჩვე­ნე­ბის მი­ღე­ბის მიზ­ნით". გა­მოქ­ვეყ­ნე­ბულ ვი­დე­ო­ში ასა­ხუ­ლია მა­მა­კაც­ზე სექ­სუ­ა­ლუ­რი ძა­ლა­დო­ბის ფაქ­ტე­ბი, რის შემ­დე­გაც და­კა­ვე­ბუ­ლი გა­მომ­ძი­ე­ბელს "აღი­ა­რე­ბით" ჩვე­ნე­ბას­ აძ­ლევს. ვებ-გვერდს არა აქვს მი­თი­თე­ბუ­ლი წყა­რო, რო­მელ­მაც­ ვი­დე­ო­მა­სა­ლა მი­ა­წო­და. მა­სა­ლა ქარ­თულ ვებ-გვერ­დებ­ზეც სწრა­ფად გავ­რცელ­და და სა­ზო­გა­დო­ე­ბის აღ­შფო­თე­ბა გა­მო­იწ­ვია. ფი­რის გავ­რცე­ლე­ბას "ნა­ცი­ო­ნა­ლურ მოძ­რა­ო­ბა­სა" და გუნ­დის ყო­ფილ წევ­რებს, "მას­ტე­რა­სა" (კუდ-ის ყო­ფი­ლი მა­ღალ­ჩი­ნო­სა­ნი გია დგე­ბუ­ა­ძე)­ და მე­გის ქარ­და­ვას უკავ­ში­რებ­დნენ. სა­ვა­რა­უ­დოდ, ყო­ფილ­მა მა­ღალ­ჩი­ნოს­ნებ­მა ქვეყ­ნი­დან გა­ტა­ნი­ლი ჩა­ნა­წე­რე­ბის ორი­გი­ნა­ლე­ბი უკ­რა­ი­ნა­ში სა­ა­კაშ­ვი­ლის ერთ-ერთ მთა­ვარ ოპო­ნენტს, უკ­რა­ი­ნელ­ ოლი­გარქ კო­ლო­მო­ის­კის მიჰ­ყი­დეს, ქარ­და­ვას და დგე­ბუ­ა­ძის ქმე­დე­ბა "ნა­ცი­ო­ნა­ლურ მოძ­რა­ო­ბა­ზე" შუ­რის­ძი­ე­ბად მო­ნათ­ლეს. ბოლო პე­რი­ოდ­ში ქვეყ­ნი­დან გაქ­ცე­უ­ლი მე­გის ქარ­და­ვა და "მას­ტე­რა" "ნა­ცი­ო­ნა­ლურ მოძ­რა­ო­ბას" და­უ­პი­რის­პირ­დნენ - იმის გამო, რომ პარ­ტია მათ სა­თა­ნა­დო ყუ­რა­დღე­ბას არ აქ­ცევ­და, შე­საძ­ლოა, ქარ­და­ვამ და "მას­ტე­რამ" თა­ნა­გუნ­დე­ლებ­ზე შუ­რის­ძი­ე­ბა გა­და­წყვი­ტეს. "მას­ტე­რა" ჰო­ლან­დი­ის ცი­ხე­ში ზის და ქარ­თუ­ლი მხა­რე მის ექ­სტრა­დი­ცი­ას ითხოვს, მე­გის ქარ­და­ვა კი დღემ­დე თა­ვი­სუ­ფა­ლია.

ნო­ემ­ბრის მთა­ვა­რი თემა ტე­ლე­კომ­პა­ნია "რუს­თა­ვი 2"-ის გარ­შე­მო ატე­ხი­ლი ამ­ბე­ბი იყო, რო­მე­ლიც თით­ქმის მთე­ლი წლის მან­ძილ­ზე გრძელ­დე­ბო­და, თუმ­ცა პიკს ნო­ემ­ბერ­ში მი­აღ­წია. ტე­ლე­კომ­პა­ნი­ის ირ­გვლივ მოვ­ლე­ნე­ბი, ფაქ­ტობ­რი­ვად, ყო­ველ­დღი­უ­რად იც­ვლე­ბო­და: სა­მო­ქა­ლა­ქო სა­სა­მარ­თლომ ქი­ბარ ხალ­ვა­შის სარ­ჩე­ლი და­აკ­მა­ყო­ფი­ლა და მას ტე­ლე­კომ­პა­ნი­ის 100%-იანი წილი მი­ა­კუთ­ვნა, თუმ­ცა თა­მაზ ურ­თმე­ლი­ძის გა­და­წყვე­ტი­ლე­ბა­ და­უ­ყოვ­ნებ­ლივ ვერ აღ­სრულ­და - სა­კონ­სტი­ტუ­ციო სა­სა­მარ­თლომ "რუს­თა­ვი 2"-ის სარ­ჩე­ლის დაკ­მა­ყო­ფი­ლე­ბით და­უ­ყოვ­ნებ­ლი­ვი აღ­სრუ­ლე­ბის მუხ­ლის მოქ­მე­დე­ბა შე­ა­ჩე­რა და ტე­ლე­კომ­პა­ნი­ას შე­საძ­ლებ­ლო­ბა მის­ცა, სა­მო­ქა­ლა­ქო სა­სა­მარ­თლო­ში მი­ღე­ბუ­ლი გა­და­წყვე­ტი­ლე­ბა­ ზედა ინ­სტან­ცი­ებ­შიც გა­ე­სა­ჩივ­რე­ბი­ნა­. "რუს­თა­ვი 2"-ის უკვე უფ­ლე­ბა­შე­ჩე­რე­ბუ­ლი დი­რექ­ტო­რი ნიკა გვა­რა­მია დავ­ის­ არ­ჩევ­ნე­ბამ­დე გა­ჭიმ­ვა­ზე უკვე ღიად სა­უბ­რობ­და,­ რო­დე­საც მო­უ­ლოდ­ნე­ლად ცნო­ბი­ლი გახ­და, რომ ურ­თმე­ლი­ძემ ტე­ლე­კომ­პა­ნი­ას ახა­ლი დრო­ე­ბი­თი მე­ნე­ჯმენ­ტი, და­ვით დვა­ლი და რე­ვაზ სა­ყე­ვა­რიშ­ვი­ლი და­უ­ნიშ­ნა. სა­ა­პე­ლა­ციო სა­სა­მარ­თლომ მო­სა­მარ­თლე თა­მაზ ურ­თმე­ლი­ძის 5 ნო­ემ­ბრის გან­ჩი­ნე­ბა, რო­მე­ლიც "რუს­თა­ვი 2"-ში დრო­ე­ბი­თი მმარ­თვე­ლე­ბის და­ნიშ­ვნას ეხე­ბო­და, სრუ­ლი­ად გა­ა­უქ­მა. ასე­ვე არ დაკ­მა­ყო­ფილ­და და­ვით დვა­ლის მო­თხოვ­ნა დრო­ე­ბი­თი მმარ­თვე­ლე­ბის სი­ი­დან ამო­ღე­ბის შე­სა­ხებ. სა­ა­პე­ლა­ციო სა­სა­მარ­თლო კო­ლე­გი­ამ ნა­წი­ლობ­რივ და­აკ­მა­ყო­ფი­ლა "რუს­თა­ვი 2"-ის იუ­რის­ტე­ბის მო­თხოვ­ნა ყა­და­ღის გა­უქ­მე­ბას­თან და­კავ­ში­რე­ბით.

დე­კემ­ბერ­ში ბევ­რი თემა იყო აქ­ტუ­ა­ლუ­რი, თუმ­ცა პრე­მი­ერ ღა­რი­ბაშ­ვი­ლის მო­უ­ლოდ­ნელ­მა გან­ცხა­დე­ბამ თა­ნამ­დე­ბო­ბის და­ტო­ვე­ბის შე­ხა­ებ ყვე­ლა­ფე­რი გა­და­წო­ნა. პრე­მი­ე­რის პოს­ტი გი­ორ­გი კვი­რი­კაშ­ვილ­მა და­ი­კა­ვა. ამ­გვა­რად, 2016 წელს ახა­ლი პრე­მი­ე­რი­თა და ახა­ლი მი­ნის­ტრთა კა­ბი­ნე­ტით შევ­ხვდე­ბით. ბედ­ნი­ე­რი წელი გვქო­ნო­დეს.

ლადო გო­გო­ლა­ძე

AMBEBI.GE