26
ივნისიდღის ზოგადი ასტროლოგიური პროგნოზი
სრულიად საქართველო დიდი მოლოდინით ელის თბილისის ოპერისა და ბალეტის სახელმწიფო თეატრის გახსნას. ხუთწლიანი პაუზის შემდეგ ის სრულიად განახლებული იერსახით წარდგება საზოგადოების წინაშე. მაყურებელს ელის ბევრი სიურპრიზი და დიდი ემოცია, რომელიც შეუძლებელია ვერ გამოხატოთ, როდესაც განახლებულ ოპერისა და ბალეტის თეატრს ნახავთ.
თბილისის ოპერისა და ბალეტის სახელმწიფო თეატრს ძალიან საინტერესო ისტორია აქვს. თბილისის პირველი საოპერო თეატრი საზეიმოდ, 1851 წლის 8 ნოემბერს გაიხსნა. ის ძველი მერიის ტერიტორიაზე, თავისუფლების მოედანზე მდებარეობდა. შენობა 1874 წელს ხანძარმა გაანადგურა, პრაქტიკულად არ გადარჩა არცერთი დეკორაცია, კოსტიუმი თუ რეკვიზიტი, ვერ მოხერხდა მდიდარი სანოტო ბიბლიოთეკის გადარჩენაც. ხანძარს შეეწირა გიგანტური, ტონანახევრიანი ჭაღიც, რომელიც ვორონცოვმა პარიზიდან 9 400 ფრანკად გამოიწერა. ეს ჭაღი მარსელიდან წამოსულა გემით, ქართველები მას ფოთში დახვდნენ. ჭაღი 12 დიდ ყუთში იყო გადანაწილებული და თბილისისკენ ურმებით წამოიღეს. ცნობილია, რომ გზაში ჭაღის ნაწილი დაიფშვნა და ის მეორედ გამოიწერეს. ასევე სრულიად განადგურდა თეატრის დარბაზი, ფოიე და ფარდა, რომელიც მხატვრის, გრიგოლ გაგარინის მიერ იყო გაფორმებული.
ოპერისა და ბალეტის თეატრის მუზეუმის დირექტორმა, ქალბატონმა რუსუდან დაუშვილმა ახლანდელი ჭაღის შესახებ ძალიან საინტერესო ფაქტები გვიამბო: - ჭაღი ავსტრიაში, ბროლის ქარხანაში შეუკვეთეს.
განაგრძეთ კითხვა
