ოდესის ოლქის სახელმწიფო ადმინისტრაციის თავმჯდომარის მოადგილე მარია გაიდარი მალე დედა გახდება. ამის შესახებ მან გადაცემა "მამაკაცი და ქალის" წამყვანებს უამბო. ინფორმაცია კი მედიაში რადიო Вести Україна-ს ჟურნალისტმა მატვეი განაპოლსკიმ გაავრცელა.
"მარია არ მალავს, რომ ორსულობის მეხუთე თვეშია და რომ აპრილში "ოდესის პატარა გუბერნატორს" ელოდება, რომლის მამაც მიხეილ სააკაშვილია. მარია გაიდარის თქმით: "მიშასგან მშვენიერი მამა დადგება და ის ძალიან ბედნიერია ჩვენი ბავშვის გამო, რომლის სქესსაც არ გეტყვით".
კითხვაზე, აპირებენ თუ არა ოფიციალურ საქორწინო რეგისტრაციას მიხეილ სააკაშვილი და მარია გაიდარი, მარიამ განაცხადა: "ჯერჯერობით ეს საკითხი დღის წესრიგში არ დგას."
რუსეთის ყოფილი პრემიერ-მინისტრის, იგორ გაიდარის შვილი მარია გაიდარი თავის თანაშემწედ საქართველოს ექს-პრეზიდენტმა ზაფხულში დანიშნა. 32 წლის მარიას უკრაინის მოქალაქეობა თანამდებობაზე დანიშვნის შემდეგ მიენიჭა.
მომზადებულია hollivizor.ru-ს მიხედვით