მნიშვნელოვანი ინფორმაცია
30
მაისიდღის ზოგადი ასტროლოგიური პროგნოზი
30 მაისი, პარასკევი, მთვარის მეოთხე დღე დაიწყება 07:23-ზე, მთვარე ლომში გადაბრძანდება 23:58-ზე – ნუ აჰყვებით პროვოკაციებს, მოერიდეთ კამათსა და კონფლიქტს. კარგია ახალი ინფორმაციის შეგროვება და დამუშავება. წარმოების გაზრდა. არ არის შესაფერისი დღე მოგზაურობის დასაწყებად ან მივლინებაში წასასვლელად. დღის ენერგიამ შეიძლება გამოიწვიოს გაურკვევლობა, ადამიანებში იმატებს კომპრომისზე წასვლის უუნარობა. ასევე, არ არის მიზანშეწონილი რომანტიკული პაემანი. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა. საუკეთესოა თმის შეჭრა და შეღებვა. გაიკეთეთ თმისა და სახის ნიღაბი. მოუფრთხილდით გულს, სისხლის მიმოქცევის სისტემას, არტერიებს, ზურგს, დიაფრაგმას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
წარმატებული ქართველების სამჭედლო - კომაროვის სკოლის ნახევარსაუკუნოვანი ისტორია
04:47 / 24-12-2015
სახელმწიფო საგანმანათლებლო ბრენდს, კომაროვის სკოლას წელს საიუბილეო თარიღი შეუსრულდა - 50 წლის გახდა. იქ თავიდანვე განსაკუთრებული მათემატიკური მიდრეკილების მქონე მოსწავლეები სწავლობდნენ, ტრადიცია დღემდე გრძელდება.
ცნობილი სასწავლებელი 1965 წელს დაარსდა და მის სათავეებთან სხვა ცნობილ მათემატიკოსებთან ერთად, აკადემიკოსი ნიკო მუსხელიშვილიც იდგა, რომელიც წლების განმავლობაში სკოლის მზრუნველთა საბჭოს ხელმძღვანელობდა.
ცოტა ხნის წინ იუბილისადმი მიძღვნილი ოფიციალური მიღება გაიმართა. როგორც ამბობენ, მალე ყველა კომაროველი მშობლიურ სკოლაში პედაგოგებთან ერთად შეიკრიბება და ერთმანეთს ამ თარიღს მიულოცავს.
წლების მანძილზე სკოლა 5000-მდე მოსწავლემ დაამთავრა, რომელთა შორის უამრავი ცნობილი ადამიანია.
ივანე კვიტაშვილი, კომაროვის სკოლის დირექტორი (თვალი ერთად გადავავლეთ სკოლის ისტორიასაც და თანამედროვე ცხოვრებას):
- მეც ეს სკოლა მაქვს 1990 წელს დამთავრებული. 1998 წელს კი აქ პედაგოგად მოვედი, 2010 წლიდან უკვე დირექტორი გახლავართ.
ვისაც ეს სკოლა დაუმთავრებია, ყველა ასეა, - საკმაოდ თავდაჯერებულები ვართ და ვამაყობთ კომაროველობით. რაც ჩვენი სასწავლებელი არსებობს, ტერმინი - "კომაროველიც" არსებობს და ხუმრობით ჩვენი არაკომაროველი მეგობრები სექტასაც გვეძახიან. იმასაც გვეუბნებიან, - კომაროველი კომაროველს რომ დაელაპარაკება, თვალები სხვანაირად გინთდებათო, - ეს იმიტომ, რომ ვხვდებით, რა მოგვცა ამ სკოლამ. მას ჩვენს წარმატებასა და საქმიანობაში უდიდესი წვლილი აქვს.
- გასაგებია, რომ აქ მათემატიკა და ფიზიკა გაძლიერებულად ისწავლება. სხვა საგნებსაც გაძლიერებულად სწავლობენ?
- გაძლიერებულად არა მარტო ფიზიკა-მატემატიკურ საგნებს სწავლობენ, არამედ ზოგადად აზროვნებას, ეჩვევიან შრომას და იძენენ საუკეთესო სამეგობრო წრეს. რაც მთავარია, სულ ასე იყო. "კომაროვი" წარმატებული ადამიანების სამჭედლოა... ჩვენს კურსდამთავრებულებს თითქმის ყველა დარგში მიუღწევიათ წარმატებისთვის.
სკოლის პირველი დირექტორი ვალერიან მელაძე იყო, მისი ხელმძღვანელობით ჩვენმა სკოლამ მალევე დაიკავა საგანმანათლებლო სისტემაში პირველი ადგილი და დღემდე ერთადერთი საჯარო სკოლაა, რომელიც ამხელა შანსს აძლევს ადამიანს, ანუ მაღალი ხარისხის განათლებას.
კომაროვი არა მარტო საქართველოს უმაღლეს სასწავლებლებში, მსოფლიოს ნებისმიერი უმაღლესი სკოლისკენ თამამად უხსნის გზას. ეს არის ტრადიცია და რა თქმა უნდა, პედაგოგების დამსახურება. მოსწავლეებიც ძალიან ინდომებენ. რაც მთავარია, ერთიან ეროვნულ გამოცდებზე მუდმივად საუკეთესო შედეგებზე არიან ორიენტირებულები. ჩვენები ოლიმპიადებსა და საერთაშორისო კონკურსებზეც ლიდერობენ.
- საქართველოს ყველა კუთხიდან გყავთ ხომ მოსწავლეები?
- კი, აქ სოციალური წარმომავლობისა და საცხოვრებელი ადგილის მიუხედავად, - როგორც დედაქალაქის, ასევე საქართველოს ყველა პატარა სოფლის წარმომადგენელიც კი სწავლობს და გათვალისწინებულია მათი სურვილი, მონდომება და შრომისმოყვარეობა. აქაური შეძენილი გარემო სწავლასა და თანადგომაზეა ორიენტირებული. პანსიონში მცხოვრები ბაშვები ერთმანეთს გამოცდებისთვის ეხმარებიან, ამეცადინებენ, მხარში უდგანან.
დიახ, ჩვენი კურსდამთავრებულები დამოუკიდებელი პიროვნებები ხდებიან, რომლებიც არ უშინდებიან სირთულეებს. თითოეული მზად არის დამოუკიდებელი გადაწყვეტილებების მისაღებად და თავადვე ირჩევს პროფესიას.
- პედაგოგები სტაბილურად არიან სკოლაში დასაქმებულები?
- ყველა მიმართულებით საუკეთესო პედაგოგები გვყავს, რომლებიც მუდმივად მუშაობენ საკუთარ თავზე და ისიც მნიშვნელოვანია, რომ უმეტესობა კომაროველია - ეს სკოლა აქვს დამთავრებული.
- რა ეტაპების გავლა სჭირდებათ მოზარდებს, რომ თქვენი მოსწავლეები გახდნენ?
- მისაღები გამოცდების ჩაბარებაა საჭირო და საკმაოდ მაღალი კონკურსია, მაგრამ ვისაც მათემატიკა უყვარს, შეუძლია ჩააბაროს ტესტი, რომელიც ეროვნული გამოცდების სტანდარტს ექვემდებარება, სადაც ყოველი მოსწავლის შესაძლებლობის მაქსიმუმია ჩადებული, რომ მათი რეალიზება მოხდეს. როდესაც მოსწავლე შრომობს, აქვს აბსოლუტური შესაძლებლობა კლასიდან კლასში გადასასველელად, მას პერსპექტივაც აქვს და სამომავლო გარანტიაც.
- რადგანაც სკოლის 50-წლიან მოღვაწეობას ვაფასებთ, ისიც ვთქვათ, 90-იანმა წლებმა რა გავლენა იქონია მასზე?
- აქ სასწავლო პროცესი არასდროს შეწყვეტილა და არც სწავლის ხარისხი დაცემულა. ჩვენი მასწავლებლები 90-იან წლებში, როგორც სხვაგან, აქაც ნავთქურებზე მუშაობდნენ და სწორედ მაშინ ბევრმა დღეს უკვე წარმატებულმა ადამიანმა დაამთავრა "კომაროვი". აქ სწავლობდნენ: საგარეო საქმეთა მინისტრი - გიორგი კვირიკაშვილი, ეკონომიკის მინისტრი - დიმიტრი ქუმსიშვილი, თიბისი ბანკის გენერალური დირექტორი - ვახტანგ ბუცხრიკიძე, საქართველოს ბანკის გენერალური დირექტორი - მურთაზ კიკორია, გამოცდების ეროვნული ცენტრის დირექტორი - მაია მიმინოშვილი და სხვები...
ჩვენს სკოლას წარმატებული ხალხის ნაწილი, ვინც ეს სკოლა დაამთავრა, მხარში უდგას. ეს არის კლუბი "კომაროველები" - "ალუმნის" კლუბი, რომლებთან ერთადაც დაიგეგმა კიდეც ჩვენი საიუბილეო ღონისძიებები.
- პირადად თქვენ მჭიდროდ ხართ ამ სკოლასთან დაკავშირებული, რადგანაც მისი კურსდამთავრებული ხართ, მისი პედაგოგიც და ამავე დროს დირექტორიც. ალბათ, სხვადასხვა ეტაპზე სხვადასხვა ემოცია გქონდათ.
- როდესაც მეგობრები, სხვადასხვა თაობის კომაროველები, თანაკასელები ვმსჯელობთ, თუ რა მოგვცა სწავლის პერიოდში ამ სკოლამ, - მნიშვნელოვანია, რომ აქ იყო სხვანაირი ღირებულებათა სისტემა, რომელიც ორიენტირებული გახლდათ ერთმანეთთან გვერდში დგომის სისტემაზე. ამასთან, ტვირთის აღებასა და მუდმივ შრომაზე, იყო საკუთარი თავის მუდმივი გამოცდა. თუკი დღეს რამეს ვაკეთებ, უბრწყინვალესი პედაგოგების დამსახურებაა.- დღემდე მუშაობენ სკოლაში თქვენი პედაგოგები?
- კი, ნაწილი არის... ჩვენი მიზანია, მოსწავლის შრომისა და მოტივაციის მიმართ ყურადღებით ვიყოთ და მშობელთან ერთად, მივიღოთ ის გადაწყვეტილება, რაც მას სამომავლოდ გამოადგება.
- ახლანდელი თაობა რომ შევაფასოთ, - რამდენად იძლევა თავისი პოტენციალით იმის საშუალებას, რომ თანამედროვე ტექნოლოგიების ფონზე განვითარდნენ?
- ეს არის განვითარებული, ნიჭიერი, მოტივირებული და მიზანდასახული თაობა. აქვთ ყველანაირი ხელშეწყობა და საშუალება ნებისმიერი კარი გააღონ... მეტი უნარები აქვთ, ვიდრე ჩემს თაობას ჰქონდა. ეს ცხოვრებამ, ტექნოლოგიების განვითარების ეპოქამ განსაზღვრა და მოიტანა, ანუ ღია სივრცე და მეტი განვითარების შესაძლებლობა გააჩნიათ. ეს ეხება მათ სამოქალაქო აქტივობას, განათლების მიღებას, საერთაშორისო კონკურსებში უპრობლემოდ წარმატებას. "ემაიტის" (მასაჩუსეცის უნივერსიტეტი) კონკურსში 4 გამარჯვებულიდან, პირველ-მეორე ადგილზე გასული ჩვენი ორი მოსწავლე აღმოჩნდა. სხვადასხვა ტურნირში მონაწილეობის პარალელურად, კარგ სწავლასაც ახერხებენ და ჩვენი სახელიც ასე გადის საერთაშორისო მასშტაბით.
AMBEBI.GE
ლალი ფაცია
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
