ჭავჭავაძის გამზირისა და წყნეთის დამაკავშირებელ მონაკვეთზე დილიდან საცობია - მერიის განმარტება

თბილისში, ჭავჭავაძის გამზირისა და წყნეთის გზატკეცილის დამაკავშირებელ მონაკვეთზე საავტომობილო მოძრაობა შეზღუდულია. ამის შესახებ ნათქვამია თბილისის მერიის მიერ გავრცელებულ განცხადებაში.

"24-25 დეკემბერს, 08:00 საათიდან 22:00 საათამდე, გზის კაპიტალური მშენებლობის გამო, ჭავჭავაძის გამზირისა და წყნეთის გზატკეცილის დამაკავშირებელ მონაკვეთზე საავტომობილო მოძრაობა შეიზღუდება. აღნიშნულ მონაკვეთზე საგზაო სამუშაოებს კომპანია "ენკო" 9 დეკემბრიდან აწარმოებს. სამუშაოების შესრულების ვადად 120 დღეა განსაზღვრული", - ნათქვამია განცხადებაში.

გზის აღნიშნულ მონაკვეთზე მძღოლებს დილიდან საათობით რიგში უწევთ დგომა, რის გამო მოქალაეები უკმაყოფილებას გამოთქვამენ.

"ინტერპრესნიუსი"