"პრემიერის პოსტზე ერთ-ერთი ყველაზე რეალური კანდიდატურა გიორგი კვირიკაშვილია"
"კიდევ ერთხელ დავადასტურეთ, რომ ხელისუფლება არ არის სკამებს ჩაბღაუჭებული,"- ასე გამოეხმაურა "საპარლამენტო უმრავლესობის ლიდერი ზვიად კვაჭანტირაძე ირაკლი ღარიბაშვილის მიერ თანამდებობის დატოვებას.
ზვიად კვაჭანტირაძის განცხადებით, პრემიერ-მინისტრის პოსტზე ერთ-ერთი ყველაზე რეალური კანდიდატურა გიორგი კვირიკაშვილია, მაგრამ ამის თაობაზე გადაწყვეტილება ჯერ მიღებული არ არის და არსებობს სხვა კანდიდატურებიც.
"არანაირი პოლიტიკური წინაპირობა იმისთვის, რომ ირაკლი ღარიბაშვილს გაეკეთებინა გადადგომის შესახებ განცხადება არ არსებობდა. ამის შეფასება შეიძლება მხოლოდ ასე, ჩვენ კიდევ ერთხელ დავადასტურეთ, რომ ჩვენი ხელისუფლება არ არის სკამებს ჩაბღაუჭებული და გარკვეულწილად ყველა ჩვენგანი ვართ თავისუფალი ჩვენს არჩევანში. ამის მაგალითი ნამდვილად მისცა ბიძინა ივანიშვილმა ჩვენს მოსახლეობას და საერთაშორისო თანამეგობრობას. დღეს ძალიან ბევრი ზარი მივიღეთ ჩვენი უცხოელი კოლეგებისგან, რომლებიც ნამდვილად არიან გაოცებულები და ნახევრად ხუმრობით ამბობენ, რომ თქვენ ქართველები მართლა გვასწავლით დემოკრატიის გაკვეთილებსო", - განაცხადა ზვიად კვაჭანტირაძემ.
გამოგვყევით, რომ არ გამოტოვოთ პოლიტიკის ყველაზე მნიშვნელოვანი ამბები.
გამოიწერეთ პოლიტიკური სიახლეები და იხილეთ ის თქვენს Newsfeed-ში.
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
უკრაინის პროკურატურამ მიხეილ სააკაშვილის მიმართვაზე საქმე აღძრა
