თელავში თავდამსხმელებმა "ლექსუსის" ჯიპი მოიპარეს

გვიან ღამით, თელავში რესტორან "ხერგილის" მეპატრონე დავით ახპატენოვი დააყაჩაღეს. ყაჩაღობაში ხუთი შეიარაღებული ნიღბიანი პირი მონაწილეობდა. წინასწარი ინფორმაციით, მუქარის შედეგად ყაჩაღებმა სახლიდან "ლექსუსის" მარკის ჯიპი და თანხა წაიღეს.

მომხდართან დაკავშირებით გამოძიება სისხლის სამართლის კოდექსის 179-ე მუხლით მიმდინარეობს, რაც ყაჩაღობას გულისხმობს და 8-დან 12 წლამდე თავისუფლების აღკვეთას ითვალისწინებს.

წყარო: კახეთის საინფორმაციო ცენტრი