"პოლიციაში მთელი ღამე და დღისით მცემდნენ... მცემეს სახეში და თავში" - მაგდა პაპიძის პირველი კომენტარი სასამართლოდან

შვილისა და მეუღლის მკვლელობაში ბრალდებულ მაგდა პაპიძის თქმით, მასზე პოლიციაში ძალადობის ფაქტი განხორციელდა. ამის შესახებ პაპიძემ სასამართლო პროცესზე განაცხადა.

"პოლიციაში მთელი ღამე და დღისით მცემეს. გამხადეს ტანსაცმელი და ძალადობას შეეცადნენ. ვინმე ნოკა რომ არ ყოფილიყო, პოლიციის თანამშრომლები სასტიკად მაწამებდნენ. მცემეს სახეში და თავში, ასევე თირკმელებში და ფეხებზე. მე ამ პირებს ამოვიცნობ, თუმცა სახელი და გვარები არ ვიცი..", - განაცხადა მაგდა პაპიძემ.

მოსამართლე არსენ კალატოზიშვილმა პროკურატურის წარმომადგენლებს განცხადებაზე ადეკვატური რეაგირებისაკენ მოუწოდა. პროკურორის თქმით, ისინი მაგდა პაპიძის განცხადებებს შეისწავლიან.

"ინტერპრესნიუსი"

იხილეთ ასევე:

• "ყველანი ვართ ცოცხალი, მოსიარულე მკვდრები" - მაგდა პაპიძის და ტრაგედიის შესახებ წერს
• "არსებობს მტკიცებულებები, რომ ის უდანაშაულოა" - მაგდა პაპიძის ადვოკატის ახალი კომენტარი