24
მაისიდღის ზოგადი ასტროლოგიური პროგნოზი
მომღერალი დათუნა მგელაძე მიიჩნევს, რომ საკმაოდ აქტიური ცხოვრების წესი აქვს. ამბობს, რომ ჯერჯერობით, მის პირად ცხოვრებაში საინტერესო არაფერი ხდება და იმედოვნებს, რომ მალე შეხვდება იმ ერთადერთს, რომელსაც ცხოვრებას დაუკავშირებს.
"შუბლშეკრული" ბავშვობა
- საკმაოდ ჯიუტი ვიყავი. იშვიათად ვიცინოდი, სულ შუბლშეკრული დავდიოდი და ყველაფერთან ერთად, უკარებაც ვიყავი.
- მშობლები ყველაზე ხშირად, რის გამო გიბრაზდებოდნენ?
- მშობლები თითქმის არასდროს მიბრაზდებოდნენ. გაგებით ეკიდებოდნენ ჩემს ბავშვურ სიცელქეს. თანაც, 90-იანებში რა შენიშვნა უნდა მიმეღო, როცა შუქი ჩვენ არ გვქონდა, გათბობა და ერთადერთი გასართობი ეზოში თამაში იყო. მშობლები ცდილობდნენ, ჩემთან მეგობრული ურთიერთობა ჰქონოდათ. სხვათა შორის, ბავშვთან მეგობრობა საკმაოდ მომგებიანია - ეს ყველა მშობელმა უნდა გაითვალისწინოს (იღიმის).
- როგორი მოსწავლე იყავი?
- ძალიან გამიმართლა, რომ სკოლაში არაჩვეულებრივი მასწავლებლები მყავდა. თითოეული მათგანი ძალიან მიყვარდა და დღემდე ასეა. მათ დიდ პატივს ვცემ, მუდამ ვეფერები... ალბათ, პედაგოგებს ვაბრაზებდი კიდეც, მაგრამ უზრდელი არასდროს ვყოფილვარ. რაც შეეხება სწავლას, ამ მხრივ გამორჩეული ნამდვილად არ ვიყავი.
- რა პროფესიაზე ოცნებობდი?
- ბავშვობიდან სცენაზე ვდგავარ და მთელი ჩემი ფიქრებიცა და ოცნებებიც მუდამ სცენას უკავშირდებოდა.
- შენს პირველ სიყვარულზე რას გვეტყვი?
- საბავშვო ბაღში შემიყვარდა გოგონა, რომელსაც ია ერქვა. ძალიან მომწონდა და მისი ხათრით დავდიოდი ბაღში. ჩემი დის სათამაშოებს ვიპარავდი და მასთვის მიმქონდა. მეორე შეყვარებულიც მყავდა, რომელსაც დედაჩემის ბრილიანტის ბეჭედი ვაჩუქე. ის გოგო ორ ბიჭს ერთდროულად გვიყვარდა. ვინაიდან ჩემმა მეტოქემ უბრალო ბეჭედი მიუტანა, ჩემი ჭკუით, "გადავუჯოკრე" და დედას სამკაული ამიტომაც მოვიპარე... თუმცა, რა თქმა უნდა, იმ გოგოს მშობელმა ბეჭდი დედას დაუბრუნა, რის გამოც თავი შეურაცხყოფილად ვიგრძენი (იცინის).
- დედა არც ამის გამო არ გაგიბრაზდა?
- არა, საყვედური არ უთქვამს. ამ თემაზე ოჯახში ბევრს ხალისობდნენ
(იღიმის).
პირველი წარმატება
- სკოლის დამთავრების შემდეგ სწავლა სად გააგრძელე?
- თეატრალურ უნივერსიტეტში, დრამისა და კინოს ფაკულტეტზე ჩავაბარე. კარგი სტუდენტობის წლები გამოვიარე. ეს ერთ-ერთი საუკეთესო პერიოდია ადამიანის ცხოვრებაში.
- პირველი პროფესიული წარმატების შესახებ მომიყევი...
- ჩემი პირველი პროფესიული წარმატება თეატრალურ უნივერსიტეტს უკავშირდება. საკურსო სპექტალი დავდგით, სადაც ერთ-ერთი მთავარი როლი შევასრულე.
- მიზანდასახული ხარ?
- ნამდვილად მიზანდასახული ადამიანი ვარ. ბოლომდე ვიბრძვი და არასდროს ვნებდები.
- შრომისმოყვარე თუ ხარ? სიზარმაცე რა შემთხვევაში გიპყრობს?
- შრომისმოყვარე ვარ, მაგრამ იმასაც ვაღიარებ, რომ ზოგჯერ, რაღაც დოზით ზარმაციც ვარ. თუმცა, ამ მხრივ საკუთარ თავს ვებრძვი და ვცდილობ, ამ თვისებამ არ დამაზარალოს.
- ვინ არის შენი ყველაზე დიდი გულშემატკივარი?
- ჩემი ყველაზე დიდი გულშემატკივარი, პირველ რიგში, დედა, მამა და ჩემი დაიკო არიან. ჩემს გულშემატკივრად ვთვლი ასევე, მეგობრებს, რომელთა აზრს ხან ვეთანხმები, ხან უბრალოდ - ვითვალისწინებ და ამით ჯერ არაფერი წამიგია.
- როგორ იწყება შენი დილა?
- გააჩნია, რა მაქვს დაგეგმილი. ძილი ძალიან მიყვარს, მაგრამ თუ საქმეს სჭირდება, არც ადრიანად ადგომა მიჭირს. გამიმართლა, რომ ყოველ დილით ადრე გაღვიძება და სამსახურში წასვლა არ მიწევს.
ჯანსაღი ცხოვრების წესი ... განაგრძეთ კითხვა
