ხაშმში საპატრიაქოსთვის გაცემული შენობა მამა მიქალ ბოტკოველმა შეიძინა შემდეგ კი კვლავ საპატრიარქოს აჩუქა
"პოსტსკრიპტუმს" ინფორმირებულმა წყარომ მიაწოდა დოკუმენტაცია, რომელიც საპატრიარქოს კუთვნილი ხაშმის ღვინის ქარხნის გაკოტრებას, გაყიდვას და შემდეგ ისევ საპატრიარქოსათვის ჩუქებას ეხება.
1992 წელს საქართველოს რესპუბლიკის მაშინდელი პრემიერმინისტრის მოვალეობის შემსრულებლის თენგიზ სიგუას ბრძანებით, სოფელ ხაშმში მდებარე ღვინის ქარხანა, მიწით და შენობა-ნაგებობებით, საქართველოს საპატრიარქოს უსასყიდლოდ გადაეცა.
ბრძანებაში წერია, რომ ქონების გადაცემა სახელმწიფოს თავად საპატრიარქომ სთხოვა. ეს ქონება საქართველოს საპატრიარქოს საკუთრება იყო 2006 წლამდე, ვიდრე ქარხანას სახელმწიფოს მიმართ ვალები არ დაუგროვდა და მისი გაკოტრება არ დაიწყო.
2008 წლის 7 ოქტომბერს ქარხანა საგარეჯოს რაიონულმა სასამართლომ გაკოტრებულად გამოაცხადა და სახელმწიფომ ოდნავ მოგვიანებით ის აუქციონზე გასაყიდად გაიტანა.
აუქციონზე საპატრიარქოს უკვე გაკოტრებული ქარხანა კი საქართველოს პატრიარქის მდივანმა მამა მიქაელ ბოტკოველმა შეიძინა.
აუქციონის გამართვამდე ცოტა ხნით ადრე ბოტკოველმა, როგორც კერძო პირმა, დააფუძნა კომპანია მმბ, რაც ნიშნავს მამა მიქაელ ბოტკოველს და სწორედ მის საკუთრებაში გადავიდა ეს ქარხანა.
დაახლოებით 8 000 კვადრატული მეტრის ფართში, რომელიც მოიცავს მიწის ნაკვეთსა და შენობა-ნაგებობებს, პატრიარქის მდივნის კომპანიამ 81 000 ლარი გადაიხადა.
2009 წლის 5 დეკემბერს ანუ ქარხნის შეძენიდან რამდენიმე თვეში, პატრიარქის მდივანი ქორეპისკოპოს დიმიტრი ჭუაძესთან ერთად ნოტარიუსთან მივიდა და მისი კომპანიის მმბ-ს წილის 100 % საპატრიარქოს აჩუქა.
რატომ გააკოტრეს საპატრიარქოს ქარხანა, შემდეგ რატომ იყიდა ის აუქციონზე პატრიარქის მდივანმა და რატომ აჩუქა ისევ საპატრიარქოს. ამ კითხვებზე პასუხის გასაცემად პოსტსკრიპტუმი პატრიარქის მდივანს მამა მიქაელ ბოტკოველს დაუკავშირდა.
"თავის დროზე არასწორი მოპყრობის გამო ეს ქარხანა აღმოჩნდა ასეთ მძიმე მდგომარეობაში. ხაშმის ქარხანასთან დაკავშირებით ეს საკითხები, როგორ გახდა ის ჩემი და როგორ დავუბრუნე საპატრიარქოს ეს ყველაფერი მასალები არის სასამართლოში, ეს ინფორმაცია საჯაროა, შეგიძლიათ გამოითხოვოთ", - აცხადებს მამა მიქაელ ბოტკოველი.
"პოსტსკრიპტუმის" კითხვაზე გადაიხადა თუ არა მან პირადი თანხა ღვინის ქარხნის შესაძენად, მამა მიქაელ ბოტკოველმა განაცხადა, რომ ეს არ იყო არა მისი პირადი თანხა, არამედ "კეთილი ადამიანების დახმარება, რომლებსაც უნდოდათ, რომ საპატრიარქოს არ დაეკარგა ვღვინის ქარხანა".
დოკუმენტები მოცულობითია, ქარხნის გაკოტრების სქემა კი საკმაოდ ჩახლართული, ამიტომ "პოსტსკრიპტუმმა" გადაწყვიტა ამ თემაზე ჟურნალისტური გამოძიება მოამზადოს.
მამა მიქაელ ბოტკოველმა სატელევიზიო კომენტარზე უარი განაცხადა, თუმცა "პოსტსკრიპტუმი" პატრიარქის მდივანს შეუთანხმდა, რომ ჟურნალისტური გამოძიების დასრულების შემდეგ ის პირდაპირ ეთერში ისაუბრებსდა იმ კითხვებს უპასუხებს, რომლებიც ამ საქმის გარშემო არსებობს.
"რუსთავი 2"-სთვის მოწოდებული დოკუმენტებით კითხვები ჩნდება არა მხოლოდ ქარხნის გაკოტრების, შემდეგ მისი გაყიდვის და ისევ საპატრიარქოსთვის ჩუქების შესახებ, არამედ გაკოტრებამდე არსებულ მდგომარეობაზეც, მაგალითად, რატომ დაუგროვდა ქარხანას ვალები? იყო თუ არა გამოტანილი კრედიტი საპატრიარქოს ქონების დაგირავების სანაცვლოდ და რა საერთო ბიზნესინტერესები ჰქონდა საპატრიარქოს ქარხანას და ღვინისა და ალკოჰოლური სასმელების კომპანიას, რომელსაც ლევან გაჩეჩილაძე ფლობდა.
გამოიწერეთ საზოგადოების სიახლეები და იხილეთ ის თქვენს Newsfeed-ში!
AMBEBI.GE/საზოგადოება
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
