დიღომში მომხდარი საზარელი მკვლელობის ახალი დეტალები გახდა ცნობილი
მოკლა თუ არა 27 წლის მეუღლე და 5 წლის შვილი ახალგაზრდა ქალმა? - გარდაცვლილების მეზობლები "პალიტრასთან" პირად საუბარში ჰყვებიან, რომ მცირეწლოვანი ბავშვის დედამ მეუღლისა და შვილის მკვლელობა აღიარა.
მკვლელობა გამთენიისას, ფერაძის ქუჩაზე მოხდა. მამაკაცი და 5 წლის ბავშვი მათივე საცხოვრებელი სახლის სადარბაზოს შესასვლელთან ნახეს. წინასწარი ინფორმაციით, ბავშვი გაგუდულია, მამაკაცი კი თავში დარტყმის შედეგად დაიღუპა.
მეზობლების განცხადებით, მათ ხმაური გაიგეს, გარეთ გამოსულებმა კი მოკლული მამა-შვილი ნახეს.
5 წლის ბავშვის დედა და ოჯახის სხვა წევრები დაკითხვაზე იმყოფებიან. ცხედრებს კი ექსპერტიზა უტარდებათ.
მომხდართან დაკავშირებით შინაგან საქმეთა სამინისტროს პრესსამსახურში მხოლოდ იმას აცხადებენ, რომ საქმე "სისხლის სამართლის კოდექსის" 109-ე მუხლით აღიძრა, რაც პასუხისმგებლობას დამამძიმებელ გარემოებაში ჩადენილ განზრახ მკვლელობაზე აწესებს.
დაუდასტურებელი ინფორმაციით, ადგილობრივები ვარაუდობენ, რომ მკვლელი ცხედრების გადამალვას ცდილობდა.
საზარელი მკვლელობა თბილისში: მოკლული მამა-შვილი საკუთარ სადარბაზოსთან იპოვეს
მოკლული მამა-შვილის მეზობლები დანაშაულის ჩადენის ვერსიებს ასახელებენ
კორონავირუსის 133 ახალი შემთხვევა და 12 გარდაცვლილი - ბოლო 24 საათში ქვეყანაში 10 678 ტესტი ჩატარდა
"იმედი გვაქვს, ზაფხულისთვის გეგმას არა მხოლოდ დავეწევით, არამედ გავასწრებთ" - პაატა იმნაძე ვაქცინაციაზე
