მნიშვნელოვანი ინფორმაცია
6
ივნისიდღის ზოგადი ასტროლოგიური პროგნოზი
შაბათი, მთვარის მეთორმეტე დღე დაიწყება 18:20-ზე, მთვარე მორიელში იქნება 06:22-დან –რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. დღეს მაქსიმალური სიყვარული და მზრუნველობა გამოიჩინეთ პარტნიორის მიმართ და ეცადეთ, არ გაანაწყენოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
პირველი ქართველი მუსიკოსი, რომელიც Grammy-ს კონკურსში მონაწილეობდა - ლიკა შუბითიძის ამერიკული ცხოვრება
04:31 / 17-12-2015
Grammy მუსიკოსებისთვის საოცნებო ჯილდოა, ქართველ შემოქმედებს მასზე ხელი არ მიუწვდებათ, თუმცა ფილადელფიაში მცხოვრებმა ჩვენმა თანამემამულემ, ნიჭიერმა მუსიკოსმა ლიკა შუბითიძემ ბედი სცადა და განაცხადი ერთი კვირის წინ შეიტანა, მაგრამ როგორც ახლახან გაირკვა, დააგვიანა. ხმის მიცემა შეწყდა და მას ნახევარფინალში გადასასვლელად ხმები არ ეყო, რადგანაც მათ დასაგროვებლად დრო მცირე აღმოჩნდა.
შეგახსენებთ, რომ ლიკა წლებია, ამერიკაში ცხოვრობს, მანამდე კი საზოგადოებამ სხვადასხვა კონკურსით გაიცნო, როგორც ერთ-ერთი საინტერესო მუსიკოსი. ცოტა ხნის წინ საქართველოში იყო მეუღლესთან ერთად ჩამოსული, რადგანაც აქ შვილი გააჩინა და პარალელურად, "X ფატორის" კონკურსანტობაც მოასწრო. გასულ ზაფხულს კი ოჯახი ისევ ამერიკაში დაბრუნდა.
ჩვენ მომღერალს დავუკავშირდით.
- ამ კონკურსის შესახებ მუსიკოსი მეგობრებისგან გასულ კვირას შევიტყვე. მიუხედავად იმისა, რომ პირველი რაუნდის დასრულებამდე, ცოტა დრო იყო დარჩენილი, მაინც გავწევრიანდი, რადგანაც მასში მონაწილეობა ჩემთვის ძალიან მნიშვნელოვანი იყო, თუმცა ნახევარფინალში გადასასვლელად საჭირო ხმების დასაგროვებლად დრო არ აღმოჩნდა საკმარისი.
მიუხედავად ამისა, ჩემთვის დიდი სტიმულისმომცემი იყო ის დიდი მხარდაჭერა და სიყვარული, რაც მივიღე და რაც ნათლად მაჩვენებს, რომ გამარჯვების რეალური შესაძლებლობა გვაქვს. სამწუხაროდ, დაგვაკლდა სულ რამდენიმე დღე.
- მოკლედ, დამთავრდა ხმის მიცემა და ხმები არ გეყო ნახევარფინალში გადასასვლელად.
- კი, თორემ თვითონ კონკურსი თებერვლამდე გრძელდება. ხომ ვამბობ, რომ გვიან შევიტანე განაცხადი და ხმების დასაგროვებლად დრო არ მეყო.
უღრმესი მადლობა მინდა გადავუხადო ყველას, ვინც ასე აქტიურად დამიჭირა მხარი – ეს იყო მოსალოდნელზე ბევრად მეტი და გამარჯვებაზე უფრო მნიშვნელოვანი. მომავალ წელს, Grammy-ს შემდეგ კონკურსზე აუცილებლად მივიღებ მონაწილეობას და ერთად გავიმარჯვებთ!!!
- მას მერე, რაც ამერიკაში დაბრუნდით, უკვე რამდენი დრო გავიდა და როგორ მიდის ზოგადად თქვენი ცხოვრება ოკეანის გაღმა?
- შტატებში ივლისში დავბრუნდით. იმის გამო, რომ ეს ჩვენი, როგორც ოჯახის, პირველი ჩამოსვლა იყო აქ, ბევრი საორგანიზაციო და ტექნიკური საკითხი დაგვხვდა მოსაგვარებელი და მათ მოგვარებაში გავიდა დრო აქამდე. მიუხედავად ამისა, მაინც ვახერხებთ მუსიკისთვის დროის გამონახვას. ამ ეტაპზე კონტაქტებს ვამყარებთ ადგილობრივ მუსიკოსებთან. უკვე გვქონდა რამდენიმე გამოსვლა ფილადელფიის კლუბებში. გარდა ამისა, მე და ტატო (ჩემი მეუღლე) ვმუშაობთ ახალ სიმღერებზე, რომლებსაც მსმენელი მალე მოისმენს.
- საახალწლოდ როგორ ემზადებით ფილადელფიაში? როგორია იქაურობა სადღესასწაულოდ?
- ფილადელფია წინასაახალწლოდ ძალიან ლამაზია, ჩვენც შესაბამისი განწყობა გვაქვს. ახალ წელს ტატოსთან, ალექსანდრასთან და მეგობრებთან ერთად შევხვდები სახლში. ეს განსაკუთრებული და პირველი ახალი წელია ჩემთვის და ტატოსთვის, რადგანაც ვართ ალექსანდრასთან ერთად. 1-ელ იანვარს ნიუ-იორკში მეგობრებთან ერთად წავალთ, მათთან ერთად ყოფნას დავიბედებთ და შემდეგ რა მოხდება, მერე გეტყვით...…
ლალი ფაცია
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
