რუსთავში 7 ავტომობილი გაქურდეს. როგორც "ინტერპრესნიუსს" შინაგან საქმეთა სამინისტროში განუცხადეს, შემთხვევა გვიან ღამით, მე-8 მიკრორაიონში მოხდა.
მათივე განმარტებით, გამოძიება სისხლის სამართლის კოდექსის 177-ე მუხლით მიმდინარეობს, რაც ქურდობას გულისხმობს.
უწყება დეტალებზე არ საუბრობს, თუმცა გავრცელებული ინფორმაციით, ავტომანქანებიდან აკუმულატორები და მაგნიტოფონები წაიღეს.
