მნიშვნელოვანი ინფორმაცია
18
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ეკა ზღულაძე ბორისპოლის აეროპორტში 4 მლნ დოლარის გატანის მცდელობისას დააკავეს? - გიორგი ვაშაძის კომენტარი
07:04 / 15-12-2015
საპარლამენტო უმცირესობის წევრი, "ნაციონალური მოძრაობის" ერთ-ერთი ლიდერი გიორგი ვაშაძე ბორისპოლის აეროპორტში უკრაინის შს მინისტრის მოადგილე ეკა ზღულაძის დაკავების შესახებ უკრაინის შს ყოფილი მინისტრის მიერ გავრცელებულ ინფორმაციას "გაქცეული კორუმპირებული ჩინოვნიკების მხრიდან რეფორმების შეჩერების სურვილად აფასებს".
როგორც "ინტერპრესნიუსს" გიორგი ვაშაძემ განუცხადა, მათ უკრაინას 80 კონკრეტული რეფორმების პაკეტი შეთავაზეს, რაც სრულიად ახალი თაობის რეფორმებს მოიცავს.
"დღეს უკრაინაში არის ასეთი სიტუაცია, რომ ერთი მხრივ, მიხეილ სააკაშვილი ასახელებს ყველა იმ ადამიანს, რომელიც კორუფციულ ქსელშია ჩართული, მეორე მხრივ, ჩვენ 80 კონკრეტული რეფორმების პაკეტი გვაქვს შეთავაზებული, როგორ არ უნდა არსებობდნენ კორუმპირებული ბიუროკრატები. ეს არის საგადასახადოდან დაწყებული, სერვისებით დამთავრებული, პროკურატურით და ყველა მიმართულებით. ეს არის სრულიად ახალი თაობის რეფორმები", - განაცხადა ვაშაძემ.
რაც შეეხება ვიტალი ზახარჩენკოს მიერ "ფეისბუქის" საკუთარ გვერდზე გავრცელებულ განცხადებას, გიორგი ვაშაძე მას რეფორმების პროცესის მიმართ კორუმპირებული ჩინოვნიკების პასუხად აფასებს.
"რაც შეეხება ყველა ასეთ სტატიას, რა თქმა უნდა, ეს არის პასუხი იმ კორუმპირებული ჩინოვნიკების და იმ გაქცეული თუნდაც იანუკოვიჩისდროინდელი ჩინოვნიკების, რომლებსაც უნდათ, რომ ეს რეფორმების პროცესი შეაჩერონ, თუმცა ვფიქრობ, რომ ისინი ვერაფერს ვერ შეძლებენ", - განაცხადა ვაშაძემ.
რაც შეეხება უკრაინის შს ყოფილი მინისტრის ვიტალი ზახარჩენკოს მიერ გავრცელებულ ინფორმაციას, ის ფეისბუქის" საკუთარ გვერდზე წერს, რომ ეკა ზღულაძე ბორისპოლის აეროპორტში 4 მილიონი დოლარის გატანის მცდელობისას დააკავეს.
"ორი კვირის წინ უკრაინის შს მინისტრის პირველი მოადგილე ეკა ზღულაძე საფრანგეთში ქმართან მიემგზავრებოდა, რადგან ფეხმძიმედ არის და ორ თვეში უნდა იმშობიაროს. ბორისპოლში საბაჟოზე ის დააკავეს ფულით სავსე ჩემოდნით, რომელშიც არც მეტი, არც ნაკლები 4 მილიონი აშშ დოლარი იყო. შესაბამისი ორგანოების კითხვაზე, მადამ ზღულაძემ ღიმილით უპასუხა, რომ ეს მისი პირადი ნივთებია, ფული კი პარიზში სამედიცინო პროცესის ორგანიზებისთვის სჭირდებოდა", - წერს ზახარჩენკო.
მისი თქმით, ზღულაძემ ბორისპოლში 4 საათი გაატარა, რა დროსაც თავის ხელმძღვანელს, მინისტრ არსენი ავაკოვს ურეკავდა, რომელმაც ყოფილი მინისტრის თქმით, თავისი გავლენა გამოიყენა იმისთვის, რომ ეკა ზღულაძე "ლაჟვარდოვან სანაპიროზე გაეცილებინა".
ზახარჩენკო წერს, რომ უკრაინის უსაფრთხოების სამსახურის ხელმძღვანელს ვასილი გრიცაკს მოახსენეს, რომ 10 (სხვა მონაცემებით 14) მილიონი დოლარი ეკა ზღულაძესა და ავაკოვს სამართალდამცავი ორგანოების რეფორმირებისთვის გადასცეს, მაგრამ, მისი თქმით, შსს-ს ხელმძღვანელობამ ნაცვლად იმისა, რომ თანხა დანიშნულებისამებრ გამოეყენებინათ, მიითვისეს.
გამოგვყევით, რომ არ გამოტოვოთ პოლიტიკის ყველაზე მნიშვნელოვანი ამბები.
გამოიწერეთ პოლიტიკური სიახლეები და იხილეთ ის თქვენს Newsfeed-ში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
