მნიშვნელოვანი ინფორმაცია
18
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ე.წ. შეწყალების საქმეზე პროკურატურაში ეკა გიგაურიც დაიკითხა
03:39 / 15-12-2015
ე.წ. შეწყალების საქმეზე პროკურატურაში დაკითხულ პირთა შორის "საერთაშორისო გამჭვირვალობა - საქართველოს" აღმასრულებელი დირექტორი ეკა გიგაურიც არის. პროკურატურაში მოწმის სახით გიგაურის დაკითხვა "ინტერპრესნიუსს" ორგანიზაციაში დაუდასტურეს, თუმცა როგორც "საერთაშორისო გამჭვირვალობა საქართველოში" აღნიშნეს, ეკა გიგაური დაკითხვის დეტალებზე გამოძიების ინტერესებიდან გამომდინარე ვერ ისაუბრებს.
შეწყალების კომისიის ყოფილი თავმჯდომარის ალეკო ელისაშვილის განცხადებების თაობაზე, რომლის მიხედვითაც "ქართული ოცნების" მაღალჩინოსნები გარკვეული პატიმრების შეწყალების საქმეზე მასზე ზეწოლას ახორციელებდნენ და ამაში ფულს იღებდნენ, გამოძიება მიმდინარეობს.
გაზეთ "კვირის პალიტრის" ინფორმაციით, საქმე, რომელზეც შეწყალების კომისიის ყოფილი თავმჯდომარე ალეკო ელისაშვილი ხელისუფლების მაღალჩინოსნებს მასზე ზეწოლაში ადანაშაულებს, ე.წ. კოკაინის საქმეა.
როგორც "კვირის პალიტრა" წყაროზე დაყრდნობით წერს, ე.წ.კოკაინის საქმის მთავარი ფიგურანტი ნუგზარ ბოჭორიშვილი თავისი მეგობარი ქალის, ანასტასია ზაუტაშვილის გათავისუფლებას ხელისუფლების ცვლილებისთანავე მისი პოლიტპატიმართა სიაში ჩასმით შეეცადა.
გამოცემის ცნობით, ალეკო ელისაშვილს ანასტასია ზაუტაშვილის შეწყალების საქმის დაძვრას დაჟინებით სთხოვდნენ პარლამენტის ვიცე-სპიკერი მანანა კობახიძე და ეკა ბესელია.
როგორც გუშინ ჟურნალისტებს მთავარმა პროკურორმა ირაკლი შოთაძემ განუცხადა, ე.წ. შეწყალების საქმეზე უკვე 20-მდე პირია დაკითხული. შოთაძეს კონკრეტული სახელები და გვარები არ დაუსახელებია, მაგრამ არსებული ინფორმაციით, დაკითხულ პირთა შორის, თავად შეწყალების კომისიის ყოფილი და მოქმედი თავმჯდომარეების – ალეკო ელისაშვილისა და ზვიად ქორიძის გარდა, არიან ადვოკატი ნიკოლოზ მჟავანაძე, პრეზიდენტის ადმინისტრაციის ყოფილი უფროსი ლაშა აბაშიძე. გარდა ამისა, გუშინ მოწმის სახით დაიკითხნენ მანანა კობახიძე და ეკა ბესელია.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
