მნიშვნელოვანი ინფორმაცია
5
ივნისიდღის ზოგადი ასტროლოგიური პროგნოზი
ხუთშაბათი, მთვარის მეათე დღე დაიწყება 15:45-ზე, მთვარე სასწორშია – რეკომენდებულია საოჯახო ბიზნესის დაწყება. ოჯახთან დაკავშირებული ფინანსური საკითხების მოგვარება. მოლაპარაკებების წარმოება, კონტაქტების დამყარება. გააძლიერეთ კავშირები. გააუმჯობესეთ ოჯახური ურთიერთობები, აღადგინეთ ოჯახური ტრადიციები. კარგია სახლის აშენება ან გარემონტება. დღეს დაწყებული მოგზაურობა აუცილებლად წარმატებით დასრულდება. ზედმეტი არ მიირთვათ. კარგია მცენარეული ჩაის, ნატურალური წვენების დალევა და ბოსტნეულის კერძების ჭამა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორ გამოიყურებოდნენ ცნობილი ქართველები სკოლის ბანკეტზე და როგორ ემზადებოდნენ ამ დღისთვის
04:07 / 10-12-2015
სკოლის დამთავრებას ჯერ ბოლო ზარით, შემდეგ კი ბანკეტით აღვნიშნავთ. ბანკეტისთვის მოსწავლეები განსაკუთრებულად ემზადებიან, ცდილობენ ჩაიცვან განსხვავებულად, ამზადებენ მუსიკალურ ნომრებს, გოგონების უმეტესობა პირველად სწორედ ბანკეტზე იცვამს ქუსლიან ფეხსაცმელს და იკეთებს მაკიაჟს. როგორ გამოიყურებოდნენ ცნობილი ადამიანები სკოლის ბანკეტზე და როგორ ემზადებოდნენ ამ დღისთვის, ამას თავად გვიამბობენ. აღსანიშნავია, რომ ბევრმა მათგანმა სკოლის ბანკეტზე საუბრისგან და მითუმეტეს, ფოტოს მოწოდებისგან თავი შეიკავა.
ნინო გაჩეჩილაძე (მსახიობი): მეასე საშუალო სკოლა დავამთავრე, ახლა ეს სკოლა აღარ არსებობს, რის გამოც გული დამწყდა. მიუხედავად იმისა, რომ კარგად ვსწავლობდი, რატომღაც არ მომწონდა ჩემი სკოლა. უბედნიერესი ვიყავი სკოლას რომ ვამთავრებდი. ყველა განსაკუთრებულად ემზადებოდა ბანკეტისთვის, კაბებს იკერავდნენ, მარგალიტის მძივები და საყურეები შეიძინეს. მე კი წავედი და თმა ბიჭურად შევიჭერი. ვიყიდე სალათისფერი შარვალი და ზედატანი, შევაგროვეთ თანხა და ერთ-ერთ პრესტიჟულ რესტორანში აღვნიშნეთ ბანკეტი. პირველად მაკიაჟი ბანკეტისთვის გავიკეთე. ყველა გაპრანჭული, რომ მიდიოდა ბანკეტზე, მეც ამიტომ გავიკეთე მაკიაჟი. ერთი სული მქონდა, როდის ჩავაბარებდი თეატრალურში, არასდროს მომნატრებია სკოლა. ჩემს სამ კლასელთან ვმეგობრობ. ჩემი კლასელი იყო მსახიობი გუგა კახიანი, თეატრალურშიც ერთად ვსწავლობდით.
ანუნა მდივნიშვილი (მომღერალი): 2012 წელს დავამთავრე 53-ე სკოლა. ბანკეტი ერთ-ერთ რესტორანში აღვნიშნეთ. ძალიან ვეცადეთ, რომ კარგი გამოსულიყო. მთელი კლასი ჩაბმული ვიყავით, ბანკეტის და ბოლო ზარის ორგანიზებაში. შეკრული კლასი ვიყავით, ბიჭებმა გამოგვიარეს, ერთად წავედით რესტორანში და კარგი ბანკეტი გამოვიდა. ჩვენი ბიჭები კარგად მღერიან და ერთად ვიმღერეთ. რაც შეეხება კაბას, რამდენიმე დიზაინერთან ვიყავი, საბოლოოდ კი ისეთი კაბა შევიკერე, რომლის დიზაინიც მე მეკუთვნის.
რუსა ჩაჩუა (მოდელი): ჩემი სკოლის ბანკეტი კარგად არ მახსოვს, რადგან მნიშვნელოვანი არაფერი ხდებოდა ჩემს ბანკეტზე, კაბა შევიკერე, მაშინ მოდური იყო ტაფტის კაბები, ძვირფასი ნაჭერი შევიძინე და სხვადასხვაფერის კაბები გვეცვა.
მანიკა ასათიანი (ტელეწამყვანი): სკოლა 2010 წელს დავამთავრე. ბანკეტი ერთ-ერთ რესტორანში გადავიხადეთ, მიხაროდა სკოლის დამთავრება, სპეციალურად ბანკეტისთვის ირაკლი რუსაძესთან შევიძინე კაბა. ყველასგან განსხვავებული კაბა მეცვა. ძალიან გავერთეთ ბანკეტზე, ორი თვის გათხოვილი ვიყავი და მოგვიანებით ბაკეტზე ჩემი მეუღლე, ბექაც მოვიდა. სკოლის დამთავრების შემდეგ რამდენჯერმე შევიკრიბეთ კლასელები, მაგრამ ვიღაც ყოველთვის გვაკლია. ბანკეტზე კი მთელი კლასი ვიყავით.
თამარ ბოჭორიშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კიტ კელოგი - მჯერა, რუსეთის წინააღმდეგ აშშ-ის ახალი სანქციები მზადაა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
