დედოფლისწყაროში "ნაციონალური მოძრაობის" ოფისი დაცხრილეს

დედოფლისწყაროში "ნაციონალური მოძრაობის" ოფისი დაცხრილეს, - ამის შესახებ "ინტერპრესნიუსს" თავად პარტიაში განუცხადეს.

მათივე განმარტებით, შემთხვევა, სავარაუდოდ, წუხელ ღამით მოხდა.

"დედოფლისწყაროში "ნაციონალური მოძრაობის" ოფისს თავს დაესხნენ და ცეცხლსასროლი იარაღიდან დაცხრილეს – ჩალეწილია შუშები. ასეთი ვითარება პარტიის წარმომადგენლებმა დილით აღმოაჩინეს, გამოიძახეს პატრული, რომელიც ერთი საათის შემდეგ მივიდა, თუმცა ამ დროისთვის ადგილზე მუშაობს", - განაცხადეს პარტიაში.

"ნაციონალების" აღნიშნულ ოფისში პარტიის მაჟორიტარი დეპუტატის, ზაზა კედელაშვილის ბიუროცაა განთავსებული. კედელაშვილი პარტიის ერთ-ერთ ლიდერ ზურაბ ჭიაბერაშვილთან ერთად დედოფლისწყაროში იმყოფება.

"ინტერპრესნიუსი"

გამოგვყევით, თუ დაინტრესებული ხართ მხოლოდ საზოგადოებრივი თემებით და არ გსურთ, მიიღოთ სხვა, თქვენთვის უინტერესო ინფორმაცია.

გამოიწერეთ საზოგადოების სიახლეები და იხილეთ ის თქვენს Newsfeed-ში!

AMBEBI.GE/საზოგადოება