რომელმა პარტიამ რამდენი ფული იშოვა 2015 წელს - შემოწირულობების რეიტინგი
პოლიტიკურმა პარტიებმა მიმდინარე წლის განმავლობაში ჯამში 1 409 319 ლარის შემოწირულობა მიიღეს. როგორც AMBEBI.GE-ს პარტიების ფინანსური საქმიანობის მონიტორინგის სამსახურში განუცხადეს, აქედან ყველაზე მეტი შემოწირულობა – 536 355 ლარი პარტია "ქართულ ოცნება-დემოკრატიულ საქართველოზე" მოდის.
მათივე ინფორმაციით, მმართველი პარტიის მიერ მიღებული შემოწირულობიდან 526 000 ლარი ფულადი, 10 095 ლარი კი არაფულადი შემოწირულობაა.
1-ელი იანვრიდან დღემდე მიღებული შემოწირულობის თვალსაზრისით პარტიებს შორის 279 710 ლარით მეორე ადგილზე - "თავისუფალი დემოკრატები," 260 240 ლარით მესამეზე - "ერთიანი ნაციონალური მოძრაობაა".
რაც შეეხება სხვა პოლიტიკური ძალების მიერ წლის განმავლობაში მიღებულ შემოწირულობებს, ასე გამოიყურება: "პატრიოტთა ალიანსი" – 171 170 ლარი, "დევნილთა პარტია" – 52 151 ლარი, "თავისუფალი საქართველო" – 34 546 ლარი, "რესპუბლიკური პარტია" – 29 368 ლარი (აქედან 27 988 ლარი საწევროა), "ქრისტიან-კონსერვატიული პარტია" – 23 360 ლარი, "ქრისტიან-დემოკრატიული სახალხო პარტია" – 14 120 ლარი, პარტია "განახლებული საქართველოსთვის" – 2 875 ლარი, "კონსერვატიული პარტია" – 1 320 ლარი, "ხალხის პარტია" – 1 135 ლარი, "ეროვნულ-დემოკრატიული პარტია" – 1 107 ლარი, "ქართული პარტია" – 1 000 ლარი, "ქართული დასი" – 861 ლარი.
პარტიების მიერ ჯამურად მიღებული შემოწირულობიდან – 1 409 319 ლარიდან 1 341 031 ლარი ფულადი, 39 965 ლარი არაფულადი, 28 323 ლარი კი საწევროა.
გამოგვყევით, რომ არ გამოტოვოთ პოლიტიკის ყველაზე მნიშვნელოვანი ამბები.
გამოიწერეთ პოლიტიკური სიახლეები და იხილეთ ის თქვენს Newsfeed-ში.
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
უკრაინის პროკურატურამ მიხეილ სააკაშვილის მიმართვაზე საქმე აღძრა
