მნიშვნელოვანი ინფორმაცია
12
ივნისიდღის ზოგადი ასტროლოგიური პროგნოზი
ხუთშაბათი, მთვარის მეჩვიდმეტე დღე დაიწყება 23:57-ზე, მთვარე თხის რქაში გადავა 05:54 –
კარგად შეძლებთ მნიშვნელოვანი ამოცანების დაგეგმვასა. იმ სამუშაოს შესრულებას, რომელიც მოითხოვს სიზუსტეს, მათემატიკურ გამოთვლებს და ინსტრუქციების მკაფიო დაცვას. ადამიანი ავლენს პასუხისმგებლობას, პრაქტიკულობას და მოვალეობის გრძნობას. რეკომენდებულია კომუნიკაცია, შეხვედრები მეგობრებთან; შემოქმედებითი საქმიანობა; პრეზენტაციებისა და სარეკლამო კამპანიების ჩატარება. გუნდური მუშაობა. წარუდგინეთ პროექტები თქვენს უფროსებს განსახილველად. აქტიური ორგანოებია: მუხლები, ძვლები, სახსრები, კანი, სისხლის მიმოქცევის სისტემა. დაიცავით უმარილო დიეტა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ეკლესიებით სპეკულაცია არ დამთავრებულა საქართველოში" - რატი ამაღლობელი შეწყალებასთან დაკავშირებით ხელისუფლების პოზიციას ფარისევლობად აფასებს
08:19 / 07-12-2015
პოეტი რატი ამაღლობელი ხელისუფლების წარმომადგენელთა პოზიციას პატრიარქისთვის შეწყალების უფლების მინიჭების თაობაზე, ფარისევლობად აფასებს. როგორც ამაღლობელმა "ინტერპრესნიუსს" განუცხადა, ცალსახაა, რომ პატრიარქს შეწყალების უფლება არ უნდა ჰქონდეს.
"ყველაზე გამაოგნებელია ხელისუფლების წარმომადგენლების რეაქცია, რომლებიც იმის მაგივრად, რომ სახელმწიფოებრიობის და სეკულარიზმის პრინციპს იცავდნენ, ეწინააღმდეგებიან იმას, რის გამოც არიან საერთოდ მოწოდებულნი, რომ იყვნენ ხელისუფლებაში და დაიცვან კონსტიტუცია. ეს ძალიან უცნაური და გამაოგნებელი და ამ ყველაფერთან ერთად, არაკვალიფიციურიცაა", - განაცხადა ამაღლობელმა.
მისი აზრით, სახელისუფლებო გუნდის პოზიცია გამოწვეულია, ერთი მხრივ, წინასაარჩევნო პერიოდში ქულების ჩაწერის სურვილით და მეორე მხრივ, ეჭვიანობით, რომ შეწყალება პრეზიდენტის კონსტიტუციური უფლებაა.
"ეს არის არჩევნების წინ კონფორმიზმის გამოვლინება, ყველაფერზე წამსვლელობა... ფარისევლობა ჰქვია ამას ქრისტიანობაში. ხატებით, ჯვრებით, ეკლესიებით სპეკულაცია სამწუხაროდ არ დამთავრებულა საქართველოში და ალბათ, კიდევ კარგა ხანს არც დამთავრდება", - განაცხადა ამაღლობელმა.
რატი ამაღლობელი მიიჩნევს, რომ საპატრიარქოს განმარტების შემდეგ, პატრიარქისთვის შეწყალების უფლების მინიჭების საკითხზე მსჯელობა უნდა დასრულდეს და პოლიტიკოსებმა მსგავსი თემები მანიპულაციისთვის, ძალაუფლების გაზრდისა და პოლიტიკური დივიდენდებისთვის არ უნდა გამოიყენონ.
პატრიარქის მიერ პატიმრების შეწყალების ინიციატივასთან დაკავშირებით საქართველოს საპატრიარქომ განმარტება გუშინ გაავრცელა. "ა.წ. 5 დეკემბერს რუსთაველის თეატრში შედგა სპექტაკლი პატიმარი ქალების მონაწილეობით. ეს იყო პირველი შემთხვევა, როდესაც სახელმწიფო თეატრის სცენა და დარბაზი მჯავრდებულებს დაეთმო. წარმოდგენაც და შექმნილი გარემოც მეტად ემოციური იყო; მისმა უწმინდესობამ სწორედ ამ ფონზე ბრძანა, რომ კარგი იქნებოდა, პატრიარქსაც ჰქონოდა პატიმრების შეწყალების უფლება.
ეს იყო მათდამი სოლიდარობის, მათი დახმარებისა და თანადგომის სურვილით ნათქვამი აზრი და არა მოთხოვნა საკანონმდებლო დონეზე ამ წინადადების განხილვისა", - ნათქვამია საპატრიარქოს განცხადებაში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
