"სახეზეა ძალიან დიდი ფინანსები" - ინგა გრიგოლია კიევის ყოფილი მერის ქართულ პოლიტიკაში მოსვლას ეხმაურება
რამდენიმე დღის წინ, კიევის ყოფილმა მერმა ლეონიდ ჩერნოვეცკიმ საკუთარი პოლიტიკური ორგანიზაციის" ბედნიერი საქართველოსთვის" ჩამოყალიბების შესახებ ამცნო საზოგადოებას. ამასთან, მან ხაზგასმით აღნიშნა, რომ მწამებლებთან არ ითანამშრომლებს. თუმცა, ვინ იგულისხმა მწამებლებში არ დაუკონკრეტებია.
ჩერნოვეცკიმ ასევე განაცხადა, რომ ის, ვინც მეგის ქარდავას პოლიციაში მიიყვანს, პირადად უკრაინელი პოლიტიკოსისგან საჩუქრად მიიღებს 150 000 დოლარს.
"ვინც მეგის ქარდავას იპოვის და ჩააბარებს პოლიციას, პირადად ჩემგან გადაეცემა 150 000 დოლარი, თუ უფრო მეტს მოითხოვს, მეტსაც გადავუხდი", - განაცხადა ჩერნოვეცკიმ.
კიევის ყოფილი მერის ქართულ პოლიტიკაში გამოჩენას ჟურნალისტი ინგა გრიგოლიაც ეხმაურება:
"პაატა ბურჭულაძის გამოჩენა ქართულ პოლიტიკაში ალბათ ბევრ რაღაცეებს გადაალაგებს დეკემბრიდან, რასაც "გირჩის" სატელევიზიო აქტიურობებს ვუყურებ, მათი რიგების გაზრდაც მგონია მოხდება წინასაარჩევნოდ... აი, ვის თამაშს თამაშობს ჩერნოვეცკი, თქვენი აზრით? ამ შემთხვევაში, მისი პოლიტიკური გუნდი არ იკვეთება, მაგრამ სახეზეა ძალიან დიდი ფინანსები... ვისია და რა უნდა"? - წერს გრიგოლია.
შეგახსენებთ, რომ ჩერნოვეცკი ხუთი წელია ქობულეთში ცხოვრობს, მან საქართველოს მოქალაქეობაც მიიღო.
"ჩემი ლედი" - ლელა წურწუმიას და "მამულიჩას" ემოციური ფოტო კონცერტის კულისებიდან
ჰააგაში, უძველესი ტაძრის სამრეკლოდან გია ყანჩელის მელოდიები მისი ხსოვნის პატივსაცემად აჟღერდა
