თამარ ბერუჩაშვილი დიდ ბრიტანეთში საქართველოს ელჩად დაინიშნა
საგარეო საქმეთა ყოფილი მინისტრი თამარ ბერუჩაშვილი დიდ ბრიტანეთში საქართველოს ელჩად დაინიშნა. შესაბამის განკარგულებას პრეზიდენტმა გიორგი მარგველაშვილმა ხელი უკვე მოაწერა. ამასთან, როგორც "ინტერპრესნიუსს" საქართველოს პრეზიდენტის ადმინისტრაციიდან აცნობეს, გიორგი მარგველაშვილმა თამარ ბერუჩაშვილი დღეს პრეზიდენტის სასახლეში მიიღო.
"საქართველოს პრეზიდენტმა ხელი მოაწერა განკარგულებას დიდ ბრიტანეთისა და ჩრდილოეთ ირლანდიის გაერთიანებულ სამეფოში საქართველოს საგანგებო და სრულუფლებიანი ელჩის თანამდებობაზე, ასევე საერთაშორისო საზღვაო ორგანიზაციაში საქართველოს მუდმივ წარმომადგენლად თამარ ბერუჩაშვილის დანიშვნის შესახებ", - აცხადებენ პრეზიდენტის ადმინისტრაციაში.
რაც შეეხება უშუალოდ შეხვედრას, ოფიციალური ინფორმაციით, გიორგი მარგველაშვილმა და თამარ ბერუჩაშვილმა საქართველოსა და დიდ ბრიტანეთს შორის არსებული ურთიერთობა და თანამშრომლობის პერსპექტივა განიხილეს.
"საქართველოს პრეზიდენტმა ახალდანიშნულ ელჩს მის შემდგომ საქმიანობაში წარმატებები უსურვა", - აღნიშნავენ პრეზიდენტის ადმინისტრაციაში.
თამარ ბერუჩაშვილი ახალ თანამდებობაზე მუშაობას 2016 წლის 1 მარტიდან შეუდგება.
გამოგვყევით, რომ არ გამოტოვოთ პოლიტიკის ყველაზე მნიშვნელოვანი ამბები.
გამოიწერეთ პოლიტიკური სიახლეები და იხილეთ ის თქვენს Newsfeed-ში.
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
უკრაინის პროკურატურამ მიხეილ სააკაშვილის მიმართვაზე საქმე აღძრა
