1889 წელი. სირია. უსინათლო მუსლიმი მუჰამედი და უნარშეზღუდული ქრისტიანი სამირია - ემოცური ფოტოს ისტორია

საზოგადოებრივი მაუწყებლის თანამშრომელი, პროდუსერი ქეთევან სადღობელაშვილი "ფეისბუქის" პირად გვერდზე 1889 წელს სირიაში გადაღებულ ემოციურ ფოტოს აქვეყნებს...

"ეს ფოტო გუშინ ვნახე Eka Sheshaberidze-სთან და გონებიდან არ ამომდის. 1889 წელს, სირიაში გადაღებულ ფოტოზე უსინათლო მუსლიმი მუჰამედი და უნარშეზღუდული ქრისტიანი სამირია, რომელიც მუჰამედის დახმარებით გადაადგილდებოდა, მუჰამედი კი სამირის თვალების იმედით, თავისუფლად დადიოდა ქალაქის ქუჩებში. ორივე ობოლი ყოფილა და ძალები გაუერთიანებიათ, სასტიკ სამყაროში რომ გადარჩენილიყვნენ. როცა სამირი გარდაცვლილა, უსინათლოც, ერთ კვირაში, დარდით, თან გაჰყოლია.

რელიგიები იმდენად არა, რამდენადაც ასეთი ამბები მოქმედებენ ადამიანებზე. ფოტო, ხო, საერთოდ", - წერს პროდუსერი.