27
მარტიდღის ზოგადი ასტროლოგიური პროგნოზი
22 წლის ანა ფიცხელაური 8 წელია, დედასთან ერთად მადრიდში ცხოვრობს. თბილისელმა გოგონამ თავდაუზოგავი შრომით შესაშურ წარმატებას მიაღწია. ანას უკვე სამი დიპლომი აქვს, მეექვსე უცხო ენას სწავლობს და მადრიდის პოლიციაში თარჯიმნად მუშაობს.
ანა ფიცხელაური: - თბილისში გავიზარდე. 2008 წელს, რვა კლასის დამთავრების შემდეგ, მე და დედამ ესპანეთში გადავწყვიტეთ წასვლა. მანამდე ესპანური ენა შევისწავლე. ჩამოვედით მადრიდში და ალკობენდასში ვიქირავეთ ბინა. ამ დასახლებაში უამრავი ქართველი ცხოვრობს. აქ პატარა საქართველო გვაქვს...
დავიარე სკოლები და რადგან ენა ვიცოდი, ისეთ ინსტიტუტში გამანაწილეს, სადაც სკოლის მასალასთან ერთად პროფესიასაც დავეუფლებოდი. დამრიგებელს ძალიან შევუყვარდი. წიგნების ყიდვის საშუალება არ მქონდა და ჩამწერა სახელმწიფო დახმარების სამსახურში, სადაც ყველაფრით უზრუნველმყვეს, ბინის ქირასაც მიხდიდნენ და სამი წლის განმავლობაში მეხმარებოდნენ. დედა ინვალიდია, წლების წინ დაიწვა და ცალ ხელს ვერ ამოძრავებს, ამიტომ სამსახური ვერსად იშოვა... სკოლის დამთავრების შემდეგ, მადრიდის მირასიერას უნივერსიტეტში ადმინისტრირების ფაკულტეტზე ჩავირცხე. დილით ვსწავლობდი, საღამოს ვმუშაობდი - ქუჩაში ფლაერებს ვარიგებდი. უნივერსიტეტი წელს დავამთავრე. იანვრიდან პრაქტიკა მექნება ბანკში და დიპლომს მერე მომცემენ...
- პოლიციაში როგორ მოხვდი?
- კომისარიატში (პოლიციაში) ქართველ ბიჭებს რამდენჯერმე გავყევი თარჯიმნად. ინგლისური, ესპანური, რუსული და თურქული ენებიც ვიცი, ახლა გერმანულს ვსწავლობ. კომისარმა შემომთავაზა, თუ დიპლომი გაქვს, პოლიციაში გაგაფორმებთო. დღესდღეობით კანონის ფარგლებში ვეხმარები ქართველებს...
გამოიწერეთ საზოგადოების სიახლეები და იხილეთ ის თქვენს Newsfeed-ში!
AMBEBI.GE/საზოგადოება
