მნიშვნელოვანი ინფორმაცია
28
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დნმ-ის კვალი "VTB ბანკის" დაყაჩაღებაში ბრალდებულის კვალს არ დაემთხვა
08:17 / 01-12-2015
"ვითიბი ბანკის" დაყაჩაღებაში ბრალდებული ზაქარია აბუაშვილის "დნმ"-ის კვალი გამოძიების მიერ ნიმუშად მოპოვებულ ნივთიერებებს არ დაემთხვა. ქიმიური, დაქტილოსკოპიური და გენეტიკური ექსპერტიზის პასუხები ბრალდებულის სასარგებლოდ დაიდო. საქმეში პოლიცია ამჯერად, მხოლოდ, ბანკის თანამშრომლის ჩვენებას და უცნობი ძაღლის ყნოსვასღა ეყრდნობა.
"ვითიბი ბანკის" გორის ფილიალი 2015 წლის 25 აგვისტოს საღამოს 17:35 საათზე დააყაჩაღეს. დამყაჩაღებელს, რომელმაც მოლარე ოპერატორს მაკა აღდგომელაშვილს თანხა მოსთხოვა, კეპკა ეხურა, ხოლო პირზე სამედიცინო ბადე ჰქონდა აფარებული. მოლარე-ოპერატორის დაშინებისა და უჯრიდან თანხის ამოღების შემდეგ, უცნობი პიროვნება ჯდება ტაქსიში, შემდეგ ქალაქის ტერიტორიაზე იცვლის ტაქსის მძღოლს და მიმართულებას, რამდენიმე ქუჩის გავლის შემდეგ ტოვებს მანქანას და უჩინარდება. 25 აგვისტოდან 4 ოქტომბრამდე პოლიცია მას ვერ პოულობს.
პიროვნებას, რომელმაც პოლიციამ 2 თვე ვერ მიაგნო, მოულოდნელად მოლარე-ოპერატორი ბაზარში "ამოიცნობს".
კერძოდ, 2015 წლის 4 ოქტომბერს მაკა აღდგომელაშვილი ურეკავს თავის მეუღლეს, ყოფილ სამხედრო პოლიციელს და ეუბნება, რომ მისი დამყაჩაღებელი ბაზარში შეხვდა და იცნო. ყოფილი სამხედრო პოლიციელი, საგამოძიებო მასალების მიხედვით, უკავშირდება მეგობარ მოქმედ პოლიციელს, ხოლო სასწრაფო პატაკის შემდეგ იწყება საგამოძიებო მოქმედებები. ზაქარია აბუაშვილს პოლიციაში იბარებენ.
ზაქარია აბუაშვილის დაკითხვამდე, პოლიციის თანამშრომლები იღებენ სინჯებს, ანაბეჭდებს, ტანსაცმლიდან ქიმიურ ნივთიერებებს, ხოლო 2 საათისა და 30 წუთის გასვლის შემდეგ, ჰკითხავენ მოწმის სტატუსით. მტკიცებულებების მოკვლევის პერიოდში კანონით მინიჭებული უფლება, დამცველის ყოლის საშუალება არ მისცეს.
ექსპერტიზა
სინჯების აღებიდან ერთი თვის შემდეგ, ქიმიური, დაქტილოსკოპიური და გენეტიკური ანალიზის პასუხებით ცნობილი ხდება, რომ ბანკის უჯრასთან, ასევე პირველ და მეორე ტაქსის მანქანიდან აღებული სინჯები დაკავებულ ზაქარია აბუაშვილის კვალს არ დაემთხვა - არც ტანსაცმლის კვალი და არც ხელის ანაბეჭდები. სხვათა შორის, სალარო უჯრასთან და ტაქსის მანქანებიდან აღებული სინჯები ერთმანეთის იდენტურია, ხოლო ზაქარია აბუაშვილის დნმ-ის მონაცემები - მათგან განსხვავებული.
ამის გამო, ზაქარია აბუაშვილის ადვოკატმა ნოდარ ცინცაძემ გორის რაიონულ სასამართლოს მოსთხოვა, რომ დაკავებულისთვის აღკვეთის ღონისძიების სახით შეფარდებული წინასწარი პატიმრობა გირაოთი შეცვლილიყო, რაც მოსამართლე შალვა კაკაურიძემ არ დააკმაყოფილა.
ნოდარ ცინცაძე ირწმუნება, რომ საგამოძიებო ორგანოებმა ყველა ფარული და ღია საგამოძიებო მოქმედებები ჩაატარეს, დაკითხეს მოწმეები, ჩაატარეს ექსპერტიზები და, ამიტომ, მიზანშეწონილია, რომ უდანაშაულო პირი გათავისუფლდეს. პროკურატურა კი გამოძიების გაგრძელებას მოითხოვს.
გორის რაიონული პროკურატურის პროკურორი ია მეფარიშვილი აცხადებს, რომ გამოძიება სისტემატიურად ყოველდღიურად მიმდინარეობს და საჭიროა ბრალდებულის პატიმრობა, რათა ხელი არ შეეშალოს გამოძიებას.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შინაგან საქმეთა მინისტრად გელა გელაძე დაინიშნა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
