მნიშვნელოვანი ინფორმაცია
7
ივნისიდღის ზოგადი ასტროლოგიური პროგნოზი
შაბათი, მთვარის მეთორმეტე დღე დაიწყება 18:20-ზე, მთვარე მორიელში იქნება 06:22-დან –რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. დღეს მაქსიმალური სიყვარული და მზრუნველობა გამოიჩინეთ პარტნიორის მიმართ და ეცადეთ, არ გაანაწყენოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა შეიცვლება საქართველოში 2016 წლის 1 იანვრიდან ასოცირების ხელშეკრულების დირექტივების შედეგად?
02:33 / 01-12-2015
საქართველოსა და ევროკავშირს შორის ასოცირების შესახებ შეთანხმებაზე ხელმოწერის შემდეგ, საქართველოში წლების განმავლობაში ისეთი სფეროები უნდა განვითარდეს, როგორიც არის ვაჭრობა, გარემოს დაცვა, სოფლის მეურნეობა, ტურიზმი, ენერგეტიკა, ტრანსპორტი და განათლება. ამ სფეროებს საქართველო ევროკავშირის სტანდარტებს დაუახლოვებს.
გარკვეული რეგულაციები უკვე ამოქმედდა 2015 წლიდან, თუმცა დირექტივები, რამაც უნდა გამოიწვიოს ცვლილებების განხორციელება სხვადასხვა სფეროში, რამდენიმე წელზეა გაწერილი. კონკრეტულად რომელ სფეროში და რა მიმართულებებზე განხორციელდა 2015 წელს ცვლილება ასოცირების ხელშეკრულების მიხედვით, და რა რეგულაციები ამოქმედდება 2016 წლის 1 იანვრიდან, ამის გასაგებად AMBEBI.GE ფონდ "ღია-საზოგადოება - საქართველოს" ევროინტეგრაციის პროგრამის მენეჯერს, ვანო ჩხიკვაძეს ესაუბრა:
"2015 წელს ასოცირების ხელშეკრულებით გათვალისწინებული რამდენიმე მნიშვნელოვანი ნაბიჯი გადაიდგა. მაგალითად, მნიშვნელოვანი წინსვლაა ბავშვთა უფლებების დაცვის თვალსაზრისით, თუმცა კიდევ ბევრი პრობლემაა მოსაგვარებელი და ეს 2016 წელს გაკეთდება.
რაც შეეხება შრომის სტანდარტებს, გადაიდგა გარკვეული ნაბიჯები, მაგალითად, შემუშავდა ახალი კოდექსი, წინა წლებთან შედარებით გაიზარდა დასაქმებულთა უფლებებიც, მაგრამ აქაც ძალიან მნიშვნელოვანია სამმხრივი კომისიის ამუშავება - პროფკავშირები, დამსაქმებლები და სახელმწიფო უნდა მუშაობდეს ერთად და იმ საკითხებზე იმსჯელონ, რაც ამ პერიოდში ეფექტურად არ ამოქმედებულა", - ამბობს ვანო ჩხიკვაძე.
მისი თქმით, 2015 წელს მომზადდა კოდექსი საჯარო სამსახურის შესახებ, რომელიც მომავალ წელს ამოქმედდება.
"ამას გარდა, შეიქმნა ქონებრივი დეკლარაციების ვერიფიკაციის მექანიზმი. როდესაც საჯარო მოხელეები ქონებრივ დეკლარაციას ავსებდნენ, არ მოწმდებოდა, თუ რამდენად სწორი იყო ჩანაწერი, რაც მათ ჰქონდათ შევსებული და ასოცირების დღის წესრიგით, სწორედ ეს მექანიზმი შეიქმნა. მაგრამ ჯერჯერობით, იმის გამო, რომ არ არის შესაბამისი ადამიანური და ფინანსური რესურსი, ის 2017 წლის 1 იავნრიდან ამოქმედდება", - ამბობს ჩხიკვაძე.
რაც შეეხება იმ ცვლილებებს, რომელიც 2016 წლის 1 იანვრიდან უნდა ამოქმედდეს, ვანო ჩხიკვაძის თქმით, მომავალ წელს საქართველო-ევროკავშირის ურთიერთობებში ქალებისა და ბავშვების უფლებების დაცვა იქნება ერთ-ერთი პრიორიტეტი.
"მნიშვნელოვანი ცვლილება იქნება გენდერული თანასწორობის კუთხით - ქალების მონაწილეობა პოლიტიკაში და მათი აქტიური ჩართულობა, ბავშვთა უფლებების უზრუნველყოფა.
რაც შეეხება ვაჭრობის ნაწილს, აქ მნიშვნელოვანია რამდენიმე მომენტი, - პირველი არის გარემოს დაცვა, სადაც ჩვენი კანონები ევროკავშირის ათამდე დირექტივასთან შესაბამისობაში მოვა.
კიდევ არის საკითხი, რაც უკავშირდება მაგალითად, საწვავის ხარისხს, კერძოდ საწვავში გოგირდის შემცველობის კონტროლს; ამ დირექტივის ამოქმედება მოგვიწევს მომავალი წლიდან. ამას გარდა, საუბარია მომხმარებლთა უფლებების დაცვაზე და სურსათის უვნებლობაზე.
ჯამში არის 330-მდე დირექტივა, რაც საქართველოს წლების განმავლობაში აქვს მისაღები. 2016 წელს კი, დაახლოებით 20-30-მდე დირექტივისა და რეგულაციის ჰარმონიზება მოგვიწევს ჩვენს კანონმდებლობასთან", - ამბობს ვანო ჩხიკვაძე.
თეა ბეჟიტაშვილი
AMBEBI.GE
გამოგვყევით, რომ არ გამოტოვოთ პოლიტიკის ყველაზე მნიშვნელოვანი ამბები.
გამოიწერეთ პოლიტიკური სიახლეები და იხილეთ ის თქვენს Newsfeed-ში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
