მნიშვნელოვანი ინფორმაცია
25
ივნისიდღის ზოგადი ასტროლოგიური პროგნოზი
ხუთშაბათი, მთვარის მეორე დღე დაიწყება 04:52-ზე, მთვარე კირჩხიბშია – რეკომენდებულია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. კარგია მოგზაურობა, მივლინებები. პირი და კბილები აქტიურია. კარგია ვარჯიშის დაწყება. რაც უფრო მარტივი და მსუბუქი იქნება დღეს საკვები, მით უკეთესია. არ არის მიზანშეწონილი ალკოჰოლისა და ხორცის მოხმარება. ერთ-ერთი საუკეთესო დღეა ქორწინებისთვის. დღეს შექმნილი ოჯახი ძლიერი და მეგობრული იქნება. კარგია პაემნის მოწყობა და საყვარელი ადამიანისთვის საჩუქრის მირთმევა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დეპუტატი თემურ ჭკუასელი სექსიზმსა და ქალების შეურაცხყოფაში დაადანაშაულეს
05:37 / 24-11-2015
ადამიანის უფლებათა დაცვის კომიტეტის სხდომაზე დეპუტატი თემურ ჭკუასელი სექსიზმსა და ქალების შეურაცხყოფაში დაადანაშაულეს.
კომიტეტში განიხილავენ "საარჩევნო კოდექსში" დაგეგმილი ცვლილებების პროექტს, რომელიც პარლამენტსა და ადგილობრივი თვითმმართველობის ორგანოებში ქალთა წარმომადგენლობის გაზრდის მიზნით კვოტების შემოღებას ითვალისწინებს. პროექტის ერთ-ერთი ავტორი სწორედ თემურ ჭკუასელია.
კვოტირების მიზნებზე საუბრისას ჭკუასელმა განაცხადა, რომ "მამაკაცებს უფრო გლობალური აზროვნება აქვთ". დეპუტატის ამ ნათქვამს არასამთავრობო სექტორის წარმომადგენლის, ბაია პატარაიას პროტესტი მოჰყვა, რომლის შეფასებითაც, ქალების შეურაცხყოფა და სექსიზმია იმაზე საუბარი, რომ მამაკაცები უკეთესად ან სხვანაირად აზროვნებენ.
თავის მხრივ ჭკუასელმა განმარტა - მხედველობაში ჰქონდა ის, რომ ქალებს გლობალურ აზროვნებასთან ერთად, აქვთ თვისება, ყურადღება მიაქციონ დეტალებს, რომელსაც ხანდახან მამაკაცები ვერ ამჩნევენ.
რაც შეეხება პროექტის, პარლამენტში ინიცირებული კანონპროექტის მიხედვით, პარლამენტის არჩევნებში წარსადგენ პროპორციულ საარჩევნო სიაში, სქესთა შორის ბალანსის დაცვის მიზნით, ყოველ მომდევნო სამ კანდიდატს შორის ერთი მაინც, განსხვავებული სქესის კანდიდატი უნდა იყოს. ეს კი, ინიციატორთა აზრით, საქართველოს პარლამენტში სულ მცირე 23 განსხვავებული სქესის პარლამენტარის ყოლას უზრუნველყოფს.
ამასთან, "საარჩევნო კოდექსში" დაგეგმილი ცვლილებებით სქესის პრინციპის დაცვა გათვალისწინებულია პარლამენტის გამოკლებული წევრის ადგილმონაცვლით შეცვლისას. კერძოდ, საარჩევნო კანონმდებლობის მიხედვით, თუ პარლამენტის გამოკლებული წევრი პარტიული სიით იყო არჩეული, მის ადგილს პარლამენტში იმავე სიაში რიგით მომდევნო კანდიდატი იკავებს.
პარლამენტში ინიცირებული პროექტით, თუკი რიგით მომდევნო კანდიდატი პარლამენტის წევრობაზე უარს ამბობს, ასეთ შემთხვევაში, ვაკანტურ ადგილს სიაში მომდევნო იმავე სქესის პარლამენტის წევრობის კანდიდატი იკავებს.
კანონპროექტი ასევე ითვალისწინებს საკრებულოებში პროპორციული წესით ასარჩევ ქალთა რაოდენობის გაზრდას.
როგორც პროექტის განხილვისას კომიტეტის თავმჯდომარემ ეკა ბესელიამ აღნიშნა, კვოტირების წესის შემოღებას ყველა დეპუტატი არ იზიარებს და პარლამენტში საჭირო იქნება კონსესუსის მიღწევა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რატომ გაგიჟდა მსოფლიო labubu-ს თოჯინებზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
