მნიშვნელოვანი ინფორმაცია
4
ივნისიდღის ზოგადი ასტროლოგიური პროგნოზი
4 ივნისი, ოთხშაბათი, მთვარის მეცხრე დღე დაიწყება 14:30-ზე, მთვარე სასწორში გადავა 17:41-ზე – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება, პრეზენტაციებსა და გასართობ ღონისძიებებზე დასწრება, ხელშეკრულებების გაფორმება. საბუთების შედგენა. აქტიური ორგანოებია: თირკმელები, შარდის ბუშტი, გამომყოფი სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ძალიან თბილი და რომანტიკული ადამიანია" - "ვოისელმა" ანი ღონღაძემ ცხოვრება ''ლოკომოტივის'' ფეხბურთელს დაუკავშირა
04:10 / 24-11-2015
ანი ღონღაძე პირველი ქართული "ვოისის" შემადგენლობაში, დათო ფორჩხიძის ჯგუფში იყო. პროექტმა ის მოუტანა, რომ თავისი საყვარელი საქმიანობით მეტი მუშაობის საშუალება მიეცა, ხალხმა გაიცნო, როგორც ამბობს, "ქუჩის ბიჭებთანაც" ჩაწერა სიმღერები და მათთან ერთად კლიპიც გადაიღო...
გასულ კვირას ანიმ ჯვარი დაიწერა. მისი მეუღლე თბილისის "ლოკომოტივის" ნახევარმცველი, 25 წლის გიორგი თექტურმანიძეა. სხვათა შორის, მათ სიყვარულსაც სწორედ "ვოისმა" დაუდო საფუძველი, მიუხედავად იმისა, რომ ისინი ერთმანეთს მანამდეც იცნობდნენ.
ანი ღონღაძე:
- ერთმანეთი ჯერ კიდევ თეატრალურ უნივერსიტეტში გავიცანით, როდესაც "ხელოვნებათმცოდნეობაზე" ჩავაბარე. გიორგი ჩემზე 2 კურსით წინ იყო, ისიც იმავე ფაკულტეტზე სწავლობდა, მაგრამ მაშინ ახლო ურთიერთობა არ გვქონია. უბრალოდ, ერთმანეთს გამარჯობით ვიცნობდით. დაახლოებით, 2 წელიწად-ნახევარია, რაც შეყვარებულები ვართ. "ვოისში" რომ გამოვჩნდი, იმის მერე განახლდა ჩვენი ურთიერთობა, პირველად მაშინ მომწერა... მოკლედ, დავმეგობრდით, დავახლოვდით და ასე ვიყავით 2 წელი, კვირას კი, საგურამოში ჯვრისწერა გვქონდა. მერე ყაზბეგში, ჩვენს მეჯვარეებთან, უახლოეს ადამიანებთან ერთად წავედით. ფოტოსესია იქ გვქონდა.
- როგორც ჩანს, თავიდანვე გქონდა გიორგის მიმართ სიმპათია...
- მაშინ, როცა ურთიერთობა დავიწყეთ, სრულიად წარმოუდგენელი იყო, თუ ჩვენი ამბავი ასე განვითარდებოდა, საქმე აქამდე მივიდოდა. არც მიფიქრია, მაგრამ ყველაფერი სხვაგვარად მოხდა. გიორგი ისეთი ადამინია, რომ მალევე გავიგეთ, ერთად რომ ვიქნებოდით.
- ფეხბურთი გიყვარს?
- აზრზე არ ვიყავი, საერთოდ ქართული ფეხბურთი თუ არსებობდა, არადა, ამდენი კლუბი და ამდენი ფეხბურთელი ყოფილა... ამ სპორტში უკვე კარგად გავერკვიე ისე, რომ თვითონ ვეკითხები მეუღლეს რაღაცებს, - მინდა, ფეხბურთის შესახებ ბევრი რამ შევიტყო. თამაშებზეც დავდივარ. ფეხბურთელებს დიდი ხელშეწყობა სჭირდებათ და ვცდილობ, გიორგის ხელი შევუწყო.
- გიორგი ფეხბურთელიც არის და ხელოვნებათმცოდნეც?
- კი, ფეხბურთის გარდა უნდოდა, რომ კიდევ რაღაც პროფესია ჰქონოდა და "თეატრალურში" ამიტომ ჩააბარა. ჩემზე 2 წლით ადრე დაამთავრა.
- როგორც თქვი, ქორწილი ვიწრო წრეში გადაიხადეთ. ხალხმრავალი ქორწილი არ გიყვართ?
- 300-კაციანი და რაღაც ასეთი ხალხმრავალი შეკრებები პირადად მე არ მიყვარს, ასეთ სიტუაციებში იქ სტუმრის სტატუსითაც არ დავდივარ, თავს ვარიდებ. ამიტომ, პატარა ქორწილი მინდოდა, ვიწრო წრეში, ღია ცის ქვეშ, მაგრამ ამისთვის, იმ პერიოდში კარგი ამინდები არ დაგვემთხვა. მოკლედ, არ გამომივიდა. არადა, ჩემი ყველა მეგობარი მომღერალია, რომლებიც იქ იმღერებდნენ, ცოცხალი ბენდი დაუკრავდა, მინდოდა, ეს დღე ასე გაგველამაზებინა...
ახლა ჯვარი იმისთვის დავიწერეთ, რომ საცხოვრებალდ ცალკე გადავსულიყავით. ამისთვის ბინა ვიყიდეთ და ბოლო სამი თვე იმაზე ვიყავით გადართულები, რომ გაგვერემონტებინა და იქაურობა ორივემ საკუთარი გემოვნებით მოვაწყვეთ.
რაც შეეხება ჩვენს ჯვრისწერას, გვინდოდა, ლამაზ ადგილას წავსულიყავით და ყაზბეგი ავირჩიეთ. თან, გიორგი წარმოშობით იქიდან არის, სახლიც აქვს იქ...
ხელისმოწერას და უფრო დიდ ქორწილს თუ არ დაგვეზარა, თავს მერე მოვაბამთ. უფრო გავზრდით სტუმრების რაოდენობას, რომ ჩვენი სიხარული ბევრმა გაიზიაროს.
- რაც შეეხება სიმღერას, ამ მხრივ ახლა რას აკეთებ?
- ახალი სიმღერების ჩაწერას ვაპირებ, თუ შევძელი, კლიპსაც აუცილებლად გადავიღებ, მინდა, რომ თავიდან დავიწყო ყველაფერი, სანამ ჯერ კიდევ ხალხს ჩემი სახელი ახსოვს. ყველაფრის განახლება მინდა, თუმცა კონცერტები პერიოდულად სულ მაქვს ხოლმე. ძალიან მიყვარს სიმღერა და ყველაფერი უნდა გავაკეთო იმისთვის, რომ ის გამომივიდეს, რაც მინდა.
- მეუღლე მხარს გიჭერს?
- კი, ჩემზე მეტად ის არის მოწადინებული და მეუბნება, რომ არ გავჩერდე და დამეხმარება. ძალიან თბილი და რომანტიკული ადამიანია.
ლალი ფაცია
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აფეთქება, ამჯერად წყალქვეშ - თავდასხმა ყირიმის ხიდზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
