12
ივნისიდღის ზოგადი ასტროლოგიური პროგნოზი
"ტიფლისის" მეორე სეზონის წარმატებული პრემიერის შემდეგ, საქართველოს კინოეკრანებს, სატელევიზიო პრემიერამდე ერთი კვირით ადრე - "ქერჩი-დაკარგული გმირები" დაიპყრობს.
კინომოყვარულებს ეძლვათ შანსი ექსკლუზიურად იხილონ, ყველაზე მასშტაბური ორიგინალური ქართული დრამის პირველი სეზონის პირველი და მეორე სერია გაერთიანებულ სრულმეტრაჟიან ფილმად.
HBO-ს ქართული ანალოგის, GDS-ის ახალი, რეალურ ფაქტებზე დაფუძნებული სერიალის პრემიერა, "კავეა აიმაქსის" ეკრანზე 26 ნოემბერს შედგება, რის შემდეგაც "დაკარგული გმირები" საქართველოს სხვადასხვა კინოეკრანებზე გადაინაცვლებენ და თითო-თითო სეანსს შესთავაზებენ ქართული დრამის მოყვარულებს.
"ქერჩი - დაკარგული გმირები" მეორე მსოფლიო ომის ერთ-ერთ ყველაზე სასტიკ ბრძოლაზე მოგვითხრობს, რომელიც მთელი საქართველოს ტრაგედიად იქცა. აქ დიდი ალბათოთ გაიგებთ თქვენი წინაპრის გვარს, რომელიც პერსონაჟის სახით მოგევლინებათ.
ისტორია იმ 100 000-მდე ქართველი ჯარისკაცის გმირულ ბრძოლას ეხება, რომლებიც მეორე მსოფლიო ომიდან სამშობლოში აღარ დაბრუნებულან. მათი მთავარი დანიშნულება ყირიმის ნახევარკუნძულზე დესანტირება და ქალაქ ფეოდოსიის გზაზე მდებარე სოფლების გერმანელებისგან გაწმენდა იყო.
"არასოდეს ისე არ მინერვიულია, როგორც ამ პროექტზე მუშაობისას. ვფიქრობ, სათანადოდ უნდა დავაფასოთ ჩვენი წინაპარები, რადგან თუ დღეს გვაქვს დამოუკიდებლობა და გვაქვს კულტურა, ეს მათ დამსახურებად მიმაჩნია", - ამბობს ფილმის რეჟისორი ლევან დაბრუნდაშვილი.
სერიალი შვიდ ეპიზოდს მოიცავს. ერთი სერიის ქრონომეტრაჟი 60 წუთია.
"ქერჩი-დაკარგული გმირების" სატელევიზიო პრემიერა 2 დეკემბერს, 23:00-ზე GDS-ის ეთერში შედგება.
