Anonymous: ქალაქების ჩამონათვალი, სადაც 22 ნოემბრიდან ტერაქტები იგეგმება

ჰაკერების ჯგუფი Anonymous, რომელმაც საფრანგეთში მომხდარი მასობრივი ტერორისტული აქტის შემდეგ,"ისლამურ სახელმწიფოს" "ტოტალური ომი" გამოუცხადა, ავრცელებს ინფორმაციას, რომ ტერორისტული დაჯგუფება "ისლამური სახელმწიფო" 22 ნოემბერს, რამდენიმე ტერორისტული თავდასხმის მოწყობას გეგმავს.

როგორც გამოცემა International Business Times წერს, ჰაკერები იმ ქვეყნების სიას აქვეყნებენ, სადაც ტერორისტები თავდასხმებით იმუქრებიან. ქვეყნებს შორისაა საფრანგეთი, ამერიკის შეერთებული შტატები, იტალია, ინდონეზია და ლიბანი.

გთავაზობთ ადგილების ჩამონათვალს, სადაც Anonymous-ის თქმით, ტერაქტები იგეგმება:

• პარიზი - ადგილი დაკონკრეტებული არ არის
• აშშ, ატლანდა, ფილიპსის არენა - WWE Survivor Series-ის ღონისძიება
• იტალია, მილანი - A Five Finger Death Punch-ის კონცერტი
• ლიბანი - University Pastoral Day
• ინდონეზია - ჯაზის დღე და კათოლიკური ეკლესიის დღესასწაული"ქრისტე - მეფე"

 

"ჩვენი მიზანია დავრწმუნდეთ, რომ მთელმა მსოფლიომ, ან თუნდაც იმ ადამიანებმა, რომელბიც ამ ღონისძიებებზე წასვლას აპირებენ იციან, რომ ტერორისტული აქტის საფრთხე არსებობს. გარდა ამისა, გვინდა"ისლამური სახელმწიფო" დავარწმუნოთ, რომ მსოფლიომ იცის და აღკვეთავს ამ შეტევებს, რომელიც ცოტა ხნით მათ დეზორიენტაციას გამოიწვევს" - ნათქვამია Anonymous განცხადებაში.

შეგახსენებთ, რომ საფრანგეთის დედაქალაქში განხორცილებული შეტევების შემდეგ, YouTube- ის საშუალებით Anonymous-ის განცხადება გავრცელდა. მიმართვაში, ჰაკერი აქტივისტი, რომელსაც გაი ფოქსის საკულტო ნიღაბი ეკეთა, აცხადებდა, რომ "იწყება ყველაზე დიდი ოპერაცია"ისლამური სახელმწიფოს" წინააღმდეგ, რაც კი აქამდე ჩაუტარებიათ".

განცხადებაში ნათქვამი იყო რომ ჰაკერები "ისლამური სახელმწიფოს" ყველა ონლაინწევრს იპოვნიან.

ისინი პირობას იძლეოდნენ, რომ "საზოგადოების გაერთიანებით" "ისლამური სახელმწიფო" უნდა ელოდოს ყველაზე დიდ და მასობრივ კიბერთავდასხმებს.

"ანონიმები, მთელი მსოფლიოს მაშტაბით გიპოვიან თქვენ...

გიპოვით და არ მოგცემთ თავის დაღწევის საშუალებას".

Anonymous hackers uncovers plans by Isis to attack Paris, Indonesia, Italy and Lebanon