15
ივლისიდღის ზოგადი ასტროლოგიური პროგნოზი
პრემიერ-მინისტრმა ძალიან კარგად იცის, ფედერიკა მოგერინის თბილისში ვიზიტისას, რა მძიმე საუბარი წარიმართა "რუსთავი2"-თან და სხვა პრობლემებთან დაკავშირებით , - ამის შესახებ "ინტერპრესნიუსს" დეპუტატმა მიხეილ მაჭავარიანმა პრემიერ-მინისტრის იმ განცხადებების კომენტირებისას განუცხადა, რომლის მიხედვითაც, "ერთიანი ნაციონალური მოძრაობის" წევრები დავით ბაქრაძე და გიორგი კანდელაკი ევროკავშირში ითხოვენ, საქართველოს ვიზალიბერალიზაცია არ მისცენ.
მაჭავარიანის მტკიცებით, მათი თხოვნა ევროკავშირის მიმართ არის ის, რომ საქართველოს მთავრობის შეცდომების მიუხედავად, ვიზა-ლიბერალიზაციის პროცესს ხელი არ შეეშალოს, რადგან ევროპული არჩევანი არის ქართველი ხალხის არჩევანი.
პრემიერ-მინისტრის ბრალდებას მაჭავარიანი ილია ჭავჭავაძის ლექსით პასუხობს და ირაკლი ღარიბაშვილს მიმართავს, მხოლოდ ილია ჭავჭავაძის ძეგლებს კი ნუ აღადგენს, მისი ლექსებიც წაიკითხოს.
"ჩემზედ ამბობენ, ის სიავეს ქართვლისას ამბობს, ჩვენს ცუდს არ მალავს, ეგ ხომ ცხადი სიძულვილია!" ბრიყვნი ამბობენ, კარგი გული კი მაშინვე სცნობს -ამ სიძულვილში რაოდენიც სიყვარულია!" ჩვენი ქვეყნის მთავრობა, როცა ამ რთულ მდგომარეობაში ქვეყნის და საზოგადოების გაერთიანებაზე უნდა ფიქრობდეს, ყოველი მისი განცხადება არის ქვეყნის დაყოფა, მტრების ძებნა და აბსოლიტურად არადეკვატური დამოკიდებულება შექმნილ მდგომარეობაზე. პრემიერ-მინისტრმა ძალიან კარგად იცის, რა მძიმე საუბარი წარიმართა, როცა მოგერინი იყო თბილისში "რუსთავი2"-თან და სხვა პრობლემებთან დაკავშირებით, რომელიც აქვს მთავრობას პოლიტიკური ოპონენტების წინააღმდეგ, თავისუფალი მედიის წინააღმდეგ. იცის მან, რა მძიმე საუბარი იყო. ეს საუბარი რა თქმა უნდა, კაბინეტში დარჩა, მაგრამ ძალიან ბევრი მეგობარი გვყავს, რომელმაც მოგვიყვა, რა მძიმე საუბარი იყო და როგორ შეუშლიდა ხელს მთავრობის არადეკვატური პოლიტიკა ერთ-ერთი პროდასავლური არხის წინააღმდეგ, საქართველოს ევროინტეგრაციას. რაც შეეხება ჩვენს ვიზიტებს, ჩვენ დავდივართ იმ პრობლემების მოსაგვარებლად, რომელიც უკავშირდება საქართველოს მოქალაქეებს ნატოსთან დაახლოებას, ევროკავშირთან დაახლოებას. ვიზა ლიბერალზიაცია ჩვენი ხელისუფლების მიერ არის დაწყებულია და მიგვაჩნია, რომ ეს იქნება წარმატება საქართველოსთვის.
თუ მთავრობამ თავისი გაიტანა და რუსების ვიზების საკითხი უფრო სწრაფად გადაწყდა, რისთვისავ აბაშიძე მის მეგობარ კარასინთან არის წასული, ეს ჩვენი მოქალააქეებისთვის დიდი იმედგაცრუება იქნება. ჩვენი თხოვნაა, საქართველოს მთავრობის შეცდომების მიუხედავად, ევროკავშირმა გაითვალისწინოს, რომ ეს არის ქართველი ხალხის არჩევანი და მთავრობის შეცდომებმა ვიზა-ლიბერალიზაციის პროცესს ხელი არ შეუშალოს", - განაცხადა მიხეილ მაჭავარიანმა.
