კომპანია Menu Group UK Limited-მა, რომელიც ფლობს საქართველოში რესტორნებიდან საჭმლის მიტანის სერვისს menu.ge, ინვესტიციის სახით 720 000 აშშ დოლარი მიიღო კომპანიისგან Granatus Ventures.
რესტორნებიდან მზა კერძების შეკვეთის პოპულარული პლატფორმა menu.ge, რომელიც ამჟამად მხოლოდ თბილისში ოპერირებს, მიღებული ინვესტიციით გეგმავს მომსახურების ხარისხის საგრძნობლად გაუმჯობესებას. გარდა კერძებისა, კომპანია მომხმარებელს სთავაზობს ყვავილების, სადღესასწაულო ტორტების, ალკოჰოლური და უალკოჰოლო სასმელების, ფასტფუდის შეკვეთასაც.
"რამდენიმე დღის წინ ხელი მოვაწერეთ კონტრაქტს ვენჩურულ ფონდთან და მივიღეთ 720 000 დოლარის ინვესტიცია ბაზრის განვითარებისთვის კავკასიის რეგიონში. ბიუჯეტი დიდი ნაწილი საქართველოში დაიხარჯება. ეს ნიშნავს, რომ მუდმივად გავაუმჯობესებთ მომსახურების ხარისხს, უფრო მრავალფეროვანს გავხდით ჩვენს ასორტიმენტს, გავზრდით რესტორნებისა და თანამშრომლების რაოდენობას, ასევე იმ ქალაქებს, სადაც Menu.ge იმუშავებს," - განაცხადა Menu.ge-ს დირექტორმა.
ამ ეტაპზე Menu.ge 150 -ზე მეტ რესტორანს, მაღაზიასა და ფასტფუდის წერტილებს აერთიანებს. საიტზე მომხმარებელს შეუძლია შეუკვეთოს ყველაფერი, რაც რესტორნებში იყიდება, ასევე სასმელები, ყვავილები და ტკბილეულობა. უახლოეს ხანებში დაემატება შინაური ცხოველების კვებაც. განხორციელებული ინვესტიციის საშუალებით , კომპანია ასევე გეგმავს მომავალში ისარგებლობს პროგრამით, რომლის მეშვეობითაც შეძლებს თავი აარიდოს საცობებს და უამინდობას.
Menu.ge-ზე შეკვეთები ხორციელდება ონლაინ და მობილური აპლიკაციების მეშვეობით, ასევე ტელეფონით. Menu.ge -დან შეკვეთისას გადახდა ხდება როგორც ნაღდი ფულით, ასევე საკრედიტო ბარათით როგორც საიტზე, ასევე ტერმინალით მიტანისას. საიტზე შესული მომხმარებელი ირჩევს სასურველ კერძს, რესტორანს, გადახდის საშუალებას და აძლევს შეკვეთას. სხვათა შორის, კომპანიის კლიენტებს შორის საკმაოდ აქტიური ადგილი უკავიათ უცხოეთში მცხოვრებ ქართველებსაც, რომლებიც ხშირად სარგებლობენ ადგილზე მიტანის სერვისით. ისრაელში, საფრანგეთში, აშშ-ში, დსთ-ს ქვეყნებში და ევროპის სხვა ქალაქებში მცხოვრები ქართველები ხშირად უკვეთავენ თბილისში მცხოვრები ახლობლებისა და მეგობრებისთვის ყვავილებსა თუ სადღესასწაულო ტორტებს. როგორც კომპანიის დირექტორი აცხადებს, შეკვეთებს menu.ge ავსტრალიიდანაც ღებულობს.
კომპანია უზრუნველყოფს საჭმლისმიტანასპირდაპირთქვენს ბინაში, ოფისში ან სასტუმროს ნომერში. მიღებული ინვესტიციით menu.ge გაცილებით კომფორტულს გახდის აღნიშნულ სერვისს.
R