22
ივნისიდღის ზოგადი ასტროლოგიური პროგნოზი
"რუსთავი2″- ის საინფორმაციო სამსახურის ხელმძღვანელი გიორგი ლაფერაშვილი, "რუსთავი 2"-თან დაკავშირებით დღეს მომხდარი მოვლენების ანალიზს აკეთებს:
"ახალი მესიჯბოქსი დარიგდა უკვე: უდუმაშვილი უარს იმიტომ ამბობს, რომ გვარამიას მძევალია - გვარამიას კი თავის მხრივ სიტუაციის განმუხტვა არ სურს.
- შეცდომაა.
სიმართლე კი ისაა, რომ მავანმა, ვინც ამ პროცესებს მართავს, გადაწყვიტა რ2-ის თანამშრომლების სრული დემონიზება მოახდინოს და ამ პროცესში უკვე ზალიკოს გასვრის მცდელობაც აქვს.
5 ნოემბრის "ღამის გადაწყვეტილებად" წოდებული განჩინება, რომელმაც სამართლებრივი ჩიხი შექმნა- ხალვაშის მხარის ინიცირებულია. ხალვაშმა თავის წარმომადგენლებად დვალი და საყევარიშვილი დაასახელა. ეს უკანასკნელები დათანხმდნენ საკუთარი უფლებამოსილების განხორციელებას იმ ფორმით, რა ფორმითაც თამაზ ურთმელიძემ განჩინებაში ჩაწერა.
ყველაფერი სხვა: "სიტუაციის განმუხტვაზე" საუბარი, კარგებად და ცუდებად ცალკეული მოთამაშეების წარმოჩენის მცდელობა და განცხადებები "კომპანიის", ან კიდევ უფრო მეტი, "ჟურნლისტებზე" ზრუნვის შესახებ- მხოლოდ მაყურებელზე გათვლილი პიარ სვლებია, რომელიც არანაირ სამართლებრივ გამოსავალს ამ სიტუაციიდან- არ გვთავაზობს.
ჟურნალისტებზე ზრუნვის რამდნეიმე კონკრეტული მაგალითი კომპანიის დროებითი მმართველებიდან უკვე ვიცით: 2004-ში ბატონი დვალის, და 2012-ში ბატონი საყევარიშვილის მხრიდან. კიდევ ერთი პასუხი აქ მომუშავე ადამიანებმა დღეს მივიღეთ- როდესაც პრესკონფერენციიდან ერთერთ ჩვენგანს კომპანიის მართვის და ფინანსური ვალდებულებების გასტუმრების ტვირთი მის დაუკითხავად აკიდეს.
პირადად ჩემთვის ეს უკვე დემონსტრირებაა იმისა, როგორ გეგმავენ მომავალში ჩემი, როგორც ათასიდან ერთ-ერთი თანამშრომლის ინტერესების დაცვას ის ადამიანები, ვინც კომპანიის მართვა საკუთარ თავზე აიღო", - წერს ლაფერაშვილი.
შეგახსენებთ, რომ სასამართლოს მიერ დანიშნულმა "რუსთავი 2"-ის დროებითმა მმართველებმა - რეზო საყევარიშვილმა და დავით დვალმა საკუთარი უფლებამოსილება არხის გენერალური დირექტორის პირველ მოადგილე ზაალ უდუმაშვილს მიანიჭეს. შესაბამისი განცხადება დვალმა და საყევარიშვილმა დღეს გამართულ პრესკონფერენციაზე გააკეთეს.
