მნიშვნელოვანი ინფორმაცია
4
ივნისიდღის ზოგადი ასტროლოგიური პროგნოზი
4 ივნისი, ოთხშაბათი, მთვარის მეცხრე დღე დაიწყება 14:30-ზე, მთვარე სასწორში გადავა 17:41-ზე – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება, პრეზენტაციებსა და გასართობ ღონისძიებებზე დასწრება, ხელშეკრულებების გაფორმება. საბუთების შედგენა. აქტიური ორგანოებია: თირკმელები, შარდის ბუშტი, გამომყოფი სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
საიდუმლო შეხვედრა სააკაშვილს, ივანიშვილსა და კიწმარიშვილს შორის "რუსთავი 2"-ის ბედის გადასაწყვეტად
05:54 / 07-11-2015
სტუდია "მონიტორის" 2012 წლის დოკუმენტურ ფილმში, სახელწოდებით "მედია ვარდების რევოლუციის შემდეგ", ეროსი კიწმარიშვილი "რუსთავი 2"-ის პოსტრევოლუციურ მდგომარეობაზე საუბრობს. კიწმარიშვილი ყვებოდა, რომ მიხეილ სააკაშვილის პირველ საპრეზიდენტო ინაუგურაციამდე ის პრეზიდენტის რეზიდენციაში სააკაშვილსა და ბიძინა ივანიშვილს შეხვდა, რათა განეხილათ "რუსთავი 2"-ის საზოგადოებრივ მაუწყებლად გარდაქმნის იდეა. გთავაზობთ ტექსტურ ფრაგმენტს სტუდია "მონიტორის" დოკუმენტური ფილმიდან.
***
2003 წლის მოვლენების ინტენსიური გაშუქება და მიტინგების პირდაპირ ეთერში გადაცემა ვარდების რევოლუციით დასრულდა. საზოგადოება დღეს მიიჩნევს, რომ "რუსთავი 2" ამ პროცესებში თავად იყო მხარე და არა მედია. ახალ ხელისუფლებასთან ახლობლობის გამო, თანდათან ნომერ პირველ მედიასაშუალებას რეიტინგში პრობლემები შეექმნა. ტელევიზიის გადასარჩენად მისმა მფლობელებმა გადაწყვიტეს, "რუსთავი 2"-ის საზოგადოებრივ ტელევიზიად გარდაქმნაზე დაეწყოთ ფიქრი.
ეროსი კიწმარიშვილი: "ჩვენ მზად ვიყავით, რომ "რუსთავი 2" გადაგვეცა ჟურნალისტებისათვის და საზოგადოების აქტიური წევრებისთვის, რომლებიც, ერთი მხრივ არ იქნებოდნენ პოლიტიკურად ანგაჟირებულები და მეორე მხრივ მოახერხებდნენ არხის შემდეგი განვითარების შენარჩუნებას. ეს იყო, ასე ვთქვათ, მთავარი კონცეფცია, რომელიც რევოლუციიდან რამდენიმე კვირის შემდეგ გაგვიჩნდა და დავიწყეთ ამ მიმართულებით მუშაობა. ამ თემაზე მე მიშას რამდენჯერმე ვესაუბრე. ერთ დღეს კი მისგან კრწანისის რეზიდენციაში მივიღე მოპატიჟება, ეს ხდება მისი ინაუგურაციის პერიოდამდე, და როდესაც მივედი, დამხვდა მიხეილ სააკაშვილი და ბიძინა ივანიშვილი და საუბარი შეეხო სწორედ ამ თემას".
ამავე ინტერვიუში კიწმარიშვილი ამბობს, რომ ბიძინა ივანიშვილი "რუსთავი 2"-ის მფლობელებისგან გამოისყიდდა საკონტროლო პაკეტს, რომელიც შემდგომში ჩუქებით გადაეცემოდა სამოქალაქო საზოგადოების აქტიურ წევრებსა და ჟურნალისტებს.
"ეს უნდა ყოფილიყო აბსოლუტურად სიმბოლური კომპენსაცია, რადგან ჩვენ არხისაგან მოგებისთვის აღარ ვმუშაობდით, ვინაიდან იმ პერიოდში გაჩნდა სხვა შესაძლებლობები; ჩვენ გვქონდა ძალიან საინტერესო სატელეკომუნიკაციო პროექტები და ვხედავდით, რომ ეს პროექტები ძალიან კარგად იმუშავებდა. ამიტომ იქ საუბარი არ იყო არხის ღირებულების სრულ კომპენსაციაზე, ბიძინა ივანიშვილი პირობითი კომპენსაციის პირობებში ყველა დანარჩენ დანახარჯებს იღებდა თავის თავზე", - აცხადებდა კიწმარიშვილი "მონიტორისთვის" მიცემულ ინტერვიუში.
"მონიტორის" დოკუმენტურ ფილმში კიწმარიშვილი იმ ადამიანების გვარებსაც ასახელებს, ვისაც განიხილავდნენ არხის სამომავლო მმართველობაში.
ეროსი კიწმარიშვილი: "სხვათა შორის, ამ სიაში იყვნენ ლევან რამიშვილი, გიგი თევზაძე, ის ადამიანები, ვისაც იმ დროს ლიბერალებად ვთვლიდი. იყვნენ ჩვენი ჟურნალისტებიც, მათ შორის აკაკი გოგიჩაიშვილი, ეკა ხოფერია... დაახლოებით 30-კაციან ჟურნალისტთა სიაზე იყო საუბარი. ეს არ იყო ვიწრო წრე და სანდოობის რეჟიმით არჩეული ადამიანები, თუ რამდენად შეასრულებდნენ ისინი ჩვენს შეკვეთებს".
კიწმარიშვილის თქმით, მთავარი პირობა იყო, რომ ინფორმაცია ბიძინა ივანიშვილის მონაწილეობის შესახებ არ უნდა გავრცელებულიყო, მაგრამ ეს პირობა რამდენიმე დღეში დაირღვა და "რუსთავი 2"-ის საზოგადოებრივ ტელევიზიად გადაქცევის იდეაც ჩაიშალა. ეროსი კიწმარიშვილი აღნიშნულ ინტერვიუში აცხადებდა, რომ ინფორმაცია მოლაპარაკებაში ივანიშვილის ჩართულობაზე ქვეყნის იმ დროინდელმა პრეზიდენტმა, მიხეილ სააკაშვილმა გაამხილა, ვინაიდან სააკაშვილს ეს პროექტი აღარ აწყობდა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აფეთქება, ამჯერად წყალქვეშ - თავდასხმა ყირიმის ხიდზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
