ტუბა ბუიუკუსტუნი მსოფლიოში ცნობილი თურქი მოდელი და მსახიობია. თურქეთში ერთ-ერთ ყველაზე ნიჭიერ, წარმატებულ და მაღალანაზღაურებად მსახიობად ითვლება.
ტუბა 1982 წლის 5 ივლისს სტამბოლში დაიბადა. გოგონამ სკოლა წარმატებულად დაასრულა და სამხატვრო აკადემიაში ჩააბარა. დასრულების შემდეგ დეკორაციებისა და კოსტიუმების მხატვარი გახდა.
საზოგადოების ყურადღება ტუბამ ჯერ კიდევ სტუდენტობის პერიოდში მიიპყრო. მან კარგად იცოდა მისი ფიზიკური მონაცემების ფასი. ერთ-ერთ სარეკლამო კომპანიაში მივიდა, სადაც სამსახური მაშინვე შესთავაზეს. მოგვიანებით კონტრაქტი გააფორმა ცნობილ ბრენდებთან - Molped, Maximum Cart, მალე კომპანია Pantene-ს სახე ხდება. ასე ტუბა საკმაოდ კარგ შემოსავალს იღებდა, რაც მომავალი ინტერესების განხორციელებაში დაეხმარა.