მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
პროდუქტები, რომელთა ყიდვისას სიფრთხილე გმართებთ და მარტივი ხერხები, რომელიც ყველამ უნდა იცოდეს
00:20 / 09-11-2015
ყველასათვის ცნობილია, რომ სოფლის პროდუქტები უფრო ჯანსაღი, სუფთა და გემრიელია, თუმცა ალბათ ყველას გვქონია შემთხვევა, როდესაც სწორედ სოფლის ნობათის ყიდვისას აღმოგვიჩენია, რომ გამყიდველი ნებით თუ უნებლიედ უხარისხო ან ფალსიფიცირებულ პროდუქტს გვაძლევს, მომხმარებელმა კი, თუ კარგად არ ერკვევა ამ საკითხში, შეიძლება ძველი ან გაფუჭებული პროდუქტი იყიდოს. იმის გასარკვევად, სოფლის რომელი პროდუქტების ყიდვისას უნდა ვიყოთ ფრთხილად, AMBEBI.GE მომხმარებელთა ფედერაციის თავმჯდომარეს, მადონა კოიძეს ესაუბრა.
იხილეთ ვიდეო "პალიტრანიუსზე"
მადონა კოიძე: მომხმარებელმა უნდა იცოდეს პროდუქტის შენახვის პირობები, ანუ რა პირობებში უნდა ინახებოდეს პროდუქტები. მომხმარებელმა პროდუქტის ყიდვისას უნდა ნახოს მარკირება. მარკეტის პროდუქტი ძირითადად მარკირებულია, აქედან გამომდინარე, მომხმარებელი დაცულია, წაიკითხოს ვადები, თან ნებისმიერ პროდუქტს შესაბამისი შენახვის პირობები სჭირდება.
- ბაზარში ყიდვის დროს, სოფლის რომელ პროდუქტებს უნდა მივაქციოთ ყურადღება?
- ყველაზე მთავარია ხორცი და რძის პროდუქტები. მაგალითად, ქათამი ან ხორცი შეხების დროს არის წებოვანი გარსით მოცული, ეს იმას ნიშნავს, რომ პროდუქტი ძველია და არ უნდა ვიყიდოთ. რომელიმე პროდუქტს ცალკეულად ვერ გამოყოფ, ვინაიდან ნებისმიერ პროდუქტს თავისი სავალდებულო შენახვის პირობები აქვს, შეიძლება პროდუქტს ვადა ეწეროს, მაგრამ ვადამაც დაკარგოს არსი, თუკი პროდუქტი არასწორად არის შენახული, ის ბევრად უფრო სწრაფად ფუჭდება და ჩვენი ჯანმრთელობისთვის საშიში ხდება.
ასევე ყურადღებით უნდა იყოს ადამიანი თევზის ყიდვის დროსაც. არსებობს მარტივი ნიშნები, რომ გავიგოთ, ნამდვილია თუ არა და ახალია თუ არა თევზი. პირველ რიგში, თვალი არ უნდა ჰქონდეს ჩავარდნილი, ლაყუჩები უნდა იყოს ვარდისფერი. როდესაც თევზს კუდით დავიჭერთ, ის არ უნდა იღუნებოდეს, ანუ მკვრივი უნდა იყოს, ფხა მარტივად არ უნდა ეცლებოდეს, მომხმარებელმა ეს ელემენტარული ხერხები თუ იცის, შეუძლია, თამამად შეიძინოს პროდუქტი ბაზარში.
- როგორ უნდა მოვიქცეთ იმ პროდუქტის ყიდვის დროს, რომელსაც ასე ერთი შეხედვით ვერ გავარჩევთ კარგია თუ არა, მაგალითად ჩურჩხელა?
- ჩურჩხელა შეიძლება დამზადებული იყოს ყურძნის ბადაგით ან ტყემლის ან სხვა ხილის წვენით, მაგრამ აქ რამე რჩევის მიცემა ცოტა რთულია, ამ დროს მეც მიჭირს ხოლმე ნატურალური ჩურჩხელის განსხვავება ფალსიფიცირებულისგან.
მომხმარებელს თავად შეუძლია ნახოს, ჩურჩხელა არის თუ არა ზედმეტად გამხმარი ან გამშრალი და მკვრივი, რაც შეეხება რძის პროდუქტებს, აქ საქმე უფრო რთულადაა.
- ახლა ქალაქის ქუჩებში გარევაჭრობის ბუმია, რამდენად უსაფრთხოა ქუჩაში ნაყიდი პროდუქტი?
- როდესაც მომხმარებელი პროდუქტს ქუჩაში ყიდულობს, ეს ჩემთვისაც გაუგებარია, ვინაიდან, გარდა იმისა, რომ ვერ გავარკვევთ რამდენად ახალი და ვარგისიანია პროდუქტი, არსებობს სხვა რისკი, ეს არის მძიმე მეტალები. მანქანების გამონაბოლქვის შედეგად ეს მეტალები ილექება პროდუქტზე, ეს არის ზეთოვანი მასა, მისი მარტივად გარეცხვა რთულია, ამიტომ შესაძლებელია მომხმარებელმა საკუთარი და ოჯახის წევრების ჯანმრთელობა დაიზიანოს.
თეა ბეჟიტაშვილი
AMBEBI.GE
ფოტომონტაჟისთვის ფოტოები გამოყენებულია intsamzareulo.com, dghiurebi.blogspot.com და vinoge.com-დან
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
