რობინ უილიამსის ქვრივმა მისი თვითმკვლელობის რეალური მიზეზი გაამხილა

ამერიკელი მსახიობის, რობინ უილიამსის ქვრივმა სიუზენმა განაცხადა, რომ მისი მეუღლის თვითმკვლელობის მთავარი მიზეზი არა დეპრესია, არამედ გონებასუსტობის გამომწვევი დაავადება გახლდათ.

”ის დეპრესიას არ მოუკლავს. დეპრესია 50-დან ერთ-ერთი სიმპტომი იყო, რაც მას აწუხებდა. მას ჰქონდა ჰალუცინაციები, შფოთვა, გამძაფრებული მგრძნობელობა და ა.შ. ერთხელ მან შუშის კარი ვერ დაინახა და თავით გაამტვრია”, - აცხადებს სიუზენ უილიამსი.

შეძენილი გონებასუსტობის ამ ფორმას ლევის სხეულების დემენცია ეწოდება. ამ დაავადებით მსოფლიოში მილიონზე მეტი ადამიანი იტანჯება.