რამდენი მილიონი ჯდება 5-ვარსკვლავიანი სასტუმროს მშენებლობა "იმელის" შენობასთან, რომელიც პრეზიდენტებისთვის, VIP-კლიენტებისა და კაზინოს მოყვარულებისთვის შენდება

ე. წ. იმელის შენობის უკან "მილენიუმის" 5-ვარსკვლავიანი სასტუმროს მშენებლობა, სავარაუდოდ,  2016 წლის დასაწყისში დასრულდება. პროექტს არაბული კომპანია "დაბი ჯგუფი" ახორციელებს. სასტუმროს გარდა კომპლექსში სავაჭრო ცენტრი განთავსდება, მის 34-ე სართულზე კი ქართული და შუააზიური რესტორანი გაიხსნება.

ცნობილია ასევე ისიც, რომ "მილენიუმში" მსოფლიოში ყველაზე თანამედროვე კაზინოს გახსნიან. სასტუმრო, თავისი მაღალი სტანდარტებიდან გამომდინარე, თბილისში ვიზიტად მყოფ პრეზიდენტებს, მაღალი რანგის თანამდებობის პირებსა და VIP-კლიენტებს მოემსახურება.

სასტუმროს მშენებლობაში "დაბი ჯგუფი" 140 მილიონი დოლარის ინვესტირებას განახორციელებს.

ქრისტინე გამთენაძე

AMBEBI.GE

ასევე დაგაინტერესებთ| რა ჯდება საქართველოში სასტუმროს გახსნა და რა ფული იშოვნება ამ ბიზნესში