ბიძინა გიორგობიანის პირველი განცხადება თანამდებობის დატოვების შემდეგ
მე მაქვს ჩემი პირადი გეგმები, რომელთა განხორციელებასაც ძალიან ბევრი დრო სჭირდება, - ამის შესახებ თბილისის მერიის ეკოლოგიისა და გამწვანების სამსახურის ყოფილმა ხელმძღვანელმა ბიძინა გიორგობიანმა ჟურნალისტებს იმ კითხვის საპასუხოდ განუცხადა, რომლის თანახმადაც მედიის წარმომადგენლები დაინტერესდნენ რატომ დატოვა გიორგობიანმა თანამდებობა. როგორც ბიძინა გიორგობიანმა აღნიშნა, ეს გადაწყვეტილება მან პირადად მიიღო.
"გადაწყვეტილება მივიღე ბევრი მიზეზის გამო. მაქვს ჩემი პირადი გეგმები, რომელსაც სჭირდება ძალიან ბევრი დრო და მინდა, რომ ჩემი სამომავლო გეგმები იყოს ჩემზე დამოკიდებული. ამ წელიწადნახევრის განმავლობაში თბილისის მერიაში ბევრი რამ გავაკეთეთ, ახლა მინდა, რომ იმ გეგმების განხორციელებას შევუდგე რომელიც მე გამაჩნდა საქართველოში დაბრუნებისას და ამისთვის მჭირდება დრო", - განაცხადა გიორგობიანმა.
ბიძინა გიორგობიანს არ დაუკონკრეტებია რას ეხება მისი გეგმები. მან მხოლოდ ის აღნიშნა, რომ ეს არის მისი პირადი გეგმები.
კითხვაზე, ხომ არ ფიქრობს, რომ მისი საქმიანობით უკმაყოფილო იყო თბილისის მერი, გიორგობიანმა აღნიშნა, რომ ასე არ ფიქრობს.
"არა, ასე არ ვფიქრობ და თვითონაც არ ფიქრობენ ასე", - განაცხადა გიორგობიანმა.
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
უკრაინის პროკურატურამ მიხეილ სააკაშვილის მიმართვაზე საქმე აღძრა
