მნიშვნელოვანი ინფორმაცია
3
ივნისიდღის ზოგადი ასტროლოგიური პროგნოზი
სამშაბათი, მთვარის მერვე დღე დაიწყება 13:13-ზე, მთვარე ქალწულშია – დღეს დაწყებული და დაგეგმილი ყველაფერი გაცილებით ნელა მიმდინარეობს, ვიდრე ჩვენ გვსურს. შესაძლებელია მოვლენების მოულოდნელი შემობრუნება, კონფლიქტები და საგანგებო სიტუაციები. რეკომენდებულია კრეატიული მიდგომები ძველი პროექტების განსახორციელებლად. მოაგვარეთ მხოლოდ მცირე ფინანსური საკითხები. მოძებნეთ ახალი პარტნიორები. ინდივიდუალურად იმუშავეთ. შეზღუდეთ კოლექტიური მუშაობა. შეგიძლიათ დაიცვათ მარხვა, შესაფერისია მსუბუქი საკვები, მარცვლეული და თევზი. ალკოჰოლი და ნიკოტინი უკუნაჩვენებია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ყველა სკანდალი, რომელიც კალაძის ცოლის ძმას თანამდებობამ მოუტანა - გიორგი არეშიძის პროფესიული და პირადი
02:26 / 04-11-2015
თბილისის მერიაში საკადრო ცვლილებებია. დედაქალაქის მერი დავით ნარმანიას გადაწყვეტილებით, თანამდებობებს ტოვებენ სპორტისა და ახალგაზრდობის საქმეთა სამსახურის უფროსი გიორგი არეშიძე და ეკოლოგიისა და გამწვანების სამსახურის ხელმძღვანელი ბიძინა გიორგობიანი.
გიორგი არეშიძის თანამდებობაზე დანიშვნას თავიდანვე სკანდალი მოჰყვა. "ნაციონალური მოძრაობა" ამბობდა, რომ მისი დანიშვნით "ქართულმა" ოცნებამ" ხელისუფლებაში ნეპოტიზმი გააძლიერა, ვინაიდან არეშიძე ვიცე-პრემიერისა და ენერგეტიკის მინისტრის, კახა კალაძის ცოლის ძმაა.
გათავისუფლებულ არეშიძეს დედაქალაქის მერი დადებითად მოიხსენიებს. ნარმანია ამბობს, რომ გიორგი არეშიძემ ერთი წლის განმავლობაში საკმაოდ ინტენსიურად იმუშავა, და მას როგორც მერიაში მუშაობისას, ასევე მერის არჩევნების წინაპერიოდში 24-საათიან რეჟიმში გვერდით ედგა.
როგორც დღეს გახდა ცნობილი, გიორგი არეშიძემ თანამდებობა თავად დატოვა. ჟურნალისტებთან საუბრისას ნარმანიამ თქვა, რომ არეშიძის სამომავლო გეგმები კერძო სექტორს უკავშირდება.
თანამდებობაზე ყოფნისას კი არეშიძე არაერთხელ გაეხვა სკანდალში. პირველად მასზე ხმამაღლა მაშინ ალაპარაკდნენ, როდესაც ცნობილი გახდა, რომ მისი სახით ხელისუფლებას უდიპლომო საჯარო მოხელე ჰყავდა.
უნივერსიტეტი, რომელიც კალაძის ცოლის ძმამ, გიორგი არეშიძემ დაამთავრა (წმინდა ნიკოლოზის საერთაშორისო სასწავლო უნივერსიტეტი), ავტორიზებული არ არის და შესაბამისად, აღნიშნული უნივერსიტეტის მიერ გაცემულ დიპლომებს სახელმწიფო არ აღიარებს.
"დიპლომის სკანდალი" არაფერია იმასთან, რის გამოც პასუხისგება გიორგი არეშიძეს მერიაში მუშაობის მომდევნო პერიოდში მოუწია. ოპონენტების ბრალდება ძალიან მწვავე იყო და ის საბიუჯეტო თანხების უკანონო ხარჯვას გულისხმობდა. უფრო დეტალურად, არასამთავრობო ორგანიზაცია "მედიატორის" დამფუძნებელმა გიგი კუბლაშვილმა იგი თანხების უკანონო ხარჯვაში დაადანაშაულა და ბანაკის მომსახურებისთვის მისი მეგობრის აიპისთვის თანხის უკანონო გადარიცხვაში დასდო ბრალი. კუბლაშვილი აცხადებდა, რომ გიორგი არეშიძის სამსახურს შეეძლო ბანაკის სამუშაოებისთვის მერიაში არსებული აიპი სამსახურის მომსახურებით ესარგებლა. მაშინ არეშიძემ განმარტა, რომ მის მიმართ წაყენებული ბრალდებები უსაფუძვლოა და მისი ოჯახის დისკრედიტაციას ისახავდა მიზნად. დამაჯერებლობისთვის კი ბანაკის დანახარჯების დეტალური ანგარში წარადგინა.
რაც შეეხება ნეპოტიზმის ბრალდებას, რომლის მოსმენა მას გაუთავებლად უწევდა, გიორგი არეშიძე ასე პასუხობდა:
"ნეპოტიზმს რაც შეეხება, მე ხშირად აღვნიშნავ, რომ ჩემი კარიერა დავიწყე აბსოლუტურად დამოუკიდებლად, მაშინ ოპოზიციაში ვიყავი, ბატონი დავით ნარმანიას გუნდში, "ქართულ ოცნებაში." რაც შეეხება კახასთან კავშირს, იმის გარდა, რომ კახა ჩემი ნათესავია და ერთი და იგივე პერიოდში მოგვიწია ერთი და იგივე პარტიაში საქმიანობა, მეტი შეხება ჩვენ არ გვქონია. მე სადმე დავინიშნებოდი თუ არ დავინიშნებოდი, კონტაქტი ამ კუთხით კახასთან არასდროს მქონია.
რეკომენდაცია კახას არ გაუწევია. მე მერის არჩევნების დროს ბატონი ნარმანიას გუნდში ვიყავი. ჩვენ, ახალგაზრდები საარჩევნო პრობლემებიდან გამომდინარე ვმუშაობდით. არჩევნების მეორე ტურის დამთავრების შემდეგ, ბატონმა დავითმა შემომთავაზა, წამოვსულიყავი მის გუნდში მერიაში და მე დავთანხმდი ამ წინადადებას. წამოვედი, ვუდგავარ გვერდში და ყველაფერს გავაკეთებ იმისთვის, რომ 2015 წლიდანვე დაიწყოს მერის საარჩევნო პროგრამის იმ ნაწილის შესრულება, რომელიც ეხება სპორტსა და განათლების მხარეს. ჩემი აქ წამოსვლა პირადად ჩემსა და მერს შორის გადაწყდა, სხვა არავინ ჩარეულა ამ გადაწყვეტილების მიღებაში".
რაც შეეხება გიორგი არეშიძის პირად ცხოვრებას, მან 2013 წელს იქორწინა. წყვილმა მოკრძალებული ცერემონია გადაიხადა და ჯვრისწერას მხოლოდ ოჯახის წევრები და ახლობლები ესწრებოდნენ.
როგორც დღეს თბილისის მერმა, დავით ნარმანიამ აღნიშნა, გიორგი არეშიძე, რომელიც დღეიდან უკვე აღარ არის მერიის თანამშრომელი, და შესაბამისად, აღარ შეუქმნის უხერხულობას ვიცე-პრემიერის ცოლის ძმის სტატუსი, სამომავლოდ კერძო სექტორში განაგრძობს მუშაობას.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთ-უკრაინის პირდაპირი სამშვიდობო მოლაპარაკებების მეორე რაუნდი დღეს, კვლავ სტამბოლში შედგება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
