ქუთაისში, ქმრის თაღლითობის მსხვერპლი ქალი თვითმკვლელობით იმუქრება
ქუთაისში მცხოვრები ლეილა ლომიძე საცხოვრებლის გარეშე დარჩა. ქალბატონი საკუთარი სახლიდან მეუღლის მოთხოვნის საფუძველზე გამოასახლეს. როგორც ლეილა ლომიძე ამბობს, ის მეუღლესთან 17 წლის განმავლობაში ცხოვრობდა.
"წვალებით შევიძინე ბინა, რომლიდანაც ყოფილმა ქმარმა ასე უმოწყალოდ გამომასახლა. დავრჩი ძაღლივით, რომელიც უკვე დაბერდა და პატრონს აღარ სჭირდება. აღარაფერი გამაჩნია. ჯანმრთელობაც და ასაკიც კი არ მიწყობს ხელს, რომ ცხოვრება რაღაც ეტაპზე გავაგრძელო. როდემდე ვიარო ქუჩაში? ორი დღე მეზობელმა შემიფარა. მეზობლებს უკვე ვეღარ ვაწუხებ, მრცხვენია. საკუთარი ოჯახის წევრს და მეუღლეს თუ არ ენდე ადამიანი, სხვას ვის უნდა დაუჯერო? მე რა ვიცოდი, თუ კაცს, რომელთანაც 17-წლიანი თანაცხოვრება მაკავშირებდა, შეეძლო ჩემთვის ასეთი რაიმე გაეკეთებინა. აღარ ვიცი, რა გავაკეთო. ქალაქის პოლიციის მეოთხე განყოფილებაში მივედი და დახმარებაზე უარი მითხრეს. ვთხოვე, რომ პოლიციის თბილ შენობაში გაჩერების უფლება მოეცათ, მაგრამ დამცინავად დამიწყეს ყურება", - ამბობს ლეილა ლომიძე.
ლეილა ლომიძე თვითმკვლელობით იმუქრება.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
