სოფელ გოდოგანში მცხოვრებ ოჯახს საკუთარ სახლში არ უშვებენ
სოფელ გოდოგანში მცხოვრებმა კვიმსაძეების ოჯახმა საკუთარ სახლში შესვლის უფლება სამი თვის წინ დაკარგა. ვინაიდან წასასვლელი არასად აქვთ, ცხოვრება ღია ცის ქვეშ, დაკარგული სახლის აივანზე უწევთ. ოჯახმა ორსართულიანი სახლი იპოთეკით 2010 წელს 15 ათასი დოლარის სანაცვლოდ დატვირთა. ეკონომიკური პრობლემების გამო, თანხის გადახდა ვერ შეძლეს. აღსრულების ბიურომ კი სახლი კვიმსაძეებს იძულებით დაატოვებინა და შენობა დალუქა.
"3 თვეა ცხოვრება ჯოჯოხეთად მექცა. ვცხოვრობ იმ სახლის აივანზე, რომელი სახლის მშენებლობას და მოწყობას მე და ჩემმა მეუღლემ მთელი ცხოვრება შევწირეთ. სახლში შესვლის და ტანსაცმლის გამოტანის უფლებაც კი არ მაქვს. რაც გვეცვა სამი თვის წინ, როცა სახლი დაგვატოვებინეს, ის მაცვია ახლაც. ზამთარი მოდის. ალბათ გავიყინებით მე და ჩემი მეუღლე", - აცხადებს ლამარა კვიმსაძე.
არასამთავრობო ორგანიზაცია "იმერეთის იპოთეკით დაზარალებულთა" ხელმძღვანელი ამბობს, რომ კვიმსაძეების ოჯახის მსგავსად, ქუთაისში საკუთარი სახლი 500-ზე მეტმა ოჯახმა დაკარგა.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
