28
მაისიდღის ზოგადი ასტროლოგიური პროგნოზი
ბათუმში, მემედ აბაშიძის ქუჩაზე, "ნაციონალური მოძრაობის" ოფისის კედლებზე ასეთი შინაარსის პლაკატები გააკრეს - პლაკატებზე ნახევრად შიშველ მდგომარეობაში გამოსახული არიან მიხეილ სააკაშვილი, ვანო მერაბიშვილი, ნიკა გვარამია, გივი თარგამაძე და ბაჩო ახალაია. პლაკატს წარწერებიც აქვს - "დაისაჯოს ქათმიონალური მოძრაობა".
აღნიშნულ საკითხთან დაკავშირებით დღეს ბრიფინგი გამართა "ნაციონალური მოძრაობის" წევრმა, რაულ თავართქილაძემ.
მისი განცხადებით, პარტიის ოფისებზე თავდასხმები "ქართული ოცნების" მიერ არის წახალისებული:
"ქართული ოცნების" ტიტუშკების მიერ მოხდა წუხელ შეურაცხმყოფელი პლაკატების გაკვრა. ისინი უკვე ყოველდღიურ რეჟიმზე გადავიდნენ. ადრე თუ ნიღბებით მოდიოდნენ, წუხელ შეუნიღბავად მოვიდნენ. ჩვენ მივმართეთ პოლიციას, ჩვენს მიერ დაყენებული სათვალთვალო კამერებიდან ამოღებულია ვიდეო მასალა, პოლიციამ წაიღო ის და ახლა უკვე დაუფარავად მოსული პირების დადგენა უფრო ადვილი იქნება. ამჯერადაც თუ არ დასჯიან, ვიფიქრებთ, რომ თავად სამართალდამცველებიც იქნებიან ამ საქმეში ჩართული", - აღნიშნა რაულ თავართქილაძემ.
