რა თაღ­ლი­თუ­რი სქე­მით მუ­შა­ო­ბენ ბა­თუ­მის ღა­მის ბა­რე­ბი, რა ძა­ლა­დობ­რი­ვი გზით სძა­ლა­ვენ თან­ხებს კლი­ენ­ტებს და რა სა­ხით არის ჩარ­თუ­ლი ბა­თუ­მის პო­ლი­ცი­ის ხელ­მძღვა­ნე­ლო­ბა თაღ­ლი­თურ სქე­მა­ში?

"ალი­ას" არა­სამ­თავ­როო ორ­გა­ნი­ზა­ცია "ან­ტი­კო­რუფ­ცი­უ­ლი კავ­ში­რის" თავ­მჯდო­მა­რე, გია ბურ­ჯა­ნა­ძე ესა­უბ­რა:

- ჩვენს ორ­გა­ნი­ზა­ცი­ა­ში, 2006 წლი­დან მუ­შა­ობს კონ­კრე­ტუ­ლი კო­მი­სია ტრე­ფი­კინ­გი­სა და პროს­ტი­ტუ­ცი­ის თე­მა­ზე. სექ­ტემ­ბერ­ში, დაგ­ვი­კავ­შირ­და თურ­ქე­თის ორი და აზერ­ბა­ი­ჯა­ნის ერთი მო­ქა­ლა­ქე, რომ­ლე­ბიც გვიყ­ვე­ბოდ­ნენ ერ­თსა და იმა­ვე პრობ­ლე­მა­ზე, რო­მე­ლიც ხდე­ბო­და, ასე­ვე ერ­თსა და იმა­ვე ად­გილ­ზე. ამ­ბა­ვი კი ასე­თი იყო: ბა­თუმ­ში არ­სე­ბობს ერთ-ერთი ღა­მის კლუ­ბი (კლუბს შეგ­ნე­ბუ­ლად არ ვა­სა­ხე­ლებთ, რად­გან ჯერ გა­მო­ძი­ე­ბა მიმ­დი­ნა­რე­ობს და მტყუ­ან-მარ­თა­ლი გარ­კვე­უ­ლი არ არის. - რედ.), სა­ი­და­ნაც და­ახ­ლო­ე­ბით 120 მეტრში მდე­ბა­რე­ობს პო­ლი­ცი­ის გან­ყო­ფი­ლე­ბა და ასე­ვე, და­ახ­ლო­ე­ბით 10 მეტრში მდე­ბა­რე­ობს სა­ცხოვ­რე­ბე­ლი კორ­პუ­სე­ბი.

ამ კლუბ­ში შე­ვიდ­ნენ ეს მო­ქა­ლა­ქე­ე­ბი ე. წ. ქა­ლე­ბის მომ­სა­ხუ­რე­ბის მი­სა­ღე­ბად და რო­გორც გვიყ­ვე­ბი­ან, სა­მი­ვეს შემ­თხვე­ვა­ში მოხ­და იდენ­ტუ­რი რამ - დას­ხდნენ მა­გი­დას­თან, და­ახ­ლო­ე­ბით 15 წუთ­ში მათ მა­გი­დას­თან მი­ვიდ­ნენ გარ­კვე­უ­ლი რა­ო­დე­ნო­ბის ქალ­ბა­ტო­ნე­ბი, სექსმუ­შა­კე­ბი. უცებ გა­თა­მაშ­და სცე­ნა­რი, თით­ქოს ამ სექსმუ­შაკ­თა­გან ერთ-ერ­თის და­ბა­დე­ბის დღეა (მერე, რო­გორც აღ­მოჩ­ნდა, ამ სექსმუ­შაკ­თა­გან ერთ-ერთი იხ­დის და­ბა­დე­ბის დღეს ყო­ველ­დღე). ამ სცე­ნა­რის გა­თა­მა­შე­ბა რომ დას­რულ­და, გა­უ­რიგ­დნენ ქალ­ბა­ტო­ნებს და სას­ტუმ­რო­ში ას­ვლა გა­და­წყვი­ტეს, ან­გა­რი­შის მო­თხოვ­ნის დროს წარ­მო­უდ­გი­ნეს და­ახ­ლო­ე­ბით 1500-1800-ლა­რი­ა­ნი ან­გა­რი­შე­ბი, რაც მი­ღე­ბულ მომ­სა­ხუ­რე­ბას­თან აბ­სო­ლუ­ტუ­რად შე­უ­სა­ბა­მო იყო. ამ ინ­ფორ­მა­ცი­ას გვაწ­ვდიდ­ნენ და გვე­უბ­ნე­ბოდ­ნენ, რომ მო­ტყუ­ე­ბუ­ლი ვართ და იქ­ნებ და­ინ­ტე­რეს­დეთ ამ სა­კი­თხი­თო. ასე­ვე, ეს ადა­მი­ა­ნე­ბი სა­უბ­რობ­დნენ ზე­წო­ლა­ზე. შე­მუ­შა­ვე­ბუ­ლი აქვთ გა­მო­ძალ­ვის მე­ქა­ნიზ­მი, რო­მელ­ზეც ქვე­მოთ დაწ­ვრი­ლე­ბით ვი­სა­უბ­რებ.

- კონ­კრე­ტუ­ლად რა სქე­მას­თან გვაქვს საქ­მე?

- სქე­მა ასე­თია - დარ­ბაზ­ში დგას ათე­უ­ლო­ბით მა­გი­და. სტუ­მარს სვა­მენ პი­რო­ბი­თად, პირ­ველ მა­გი­დას­თან, ხოლო ქალ­ბა­ტო­ნე­ბი სხვა მა­გი­დებ­თან სხდე­ბი­ან. ეს ქალ­ბა­ტო­ნე­ბი, დრო­თა გან­მავ­ლო­ბა­ში გად­მო­დი­ან პირ­ველ მა­გი­დას­თან, ანუ იქ, სა­დაც ჯდე­ბა სტუ­მა­რი და თა­ვის­თა­ვად, სა­ბო­ლოო ან­გა­რი­ში მი­დის პირ­ველ მა­გი­დას­თან, რაც ჯა­მუ­რად აღ­წევს კა­ტას­ტრო­ფულ მაჩ­ვე­ნე­ბელს. რო­გორც აღ­მოჩ­ნდა, მსგავ­სი სი­ტუ­ა­ცი­აა მა­სობ­რი­ვად, იგი­ვე სქე­მა მოქ­მე­დებს და­ბა­დე­ბის დღი­სა და ტორ­ტე­ბის სცე­ნა­რის გა­რე­შეც. ამ ინ­ფორ­მა­ცი­ის მი­ღე­ბის შემ­დეგ, გა­დავ­წყვი­ტეთ თვი­თონ მოგ­ვეკვლია ამ ამ­ბის ნამ­დვი­ლო­ბა.

- ეს გა­და­წყვე­ტი­ლე­ბა თქვენ რა­ტომ მი­ი­ღეთ, ად­გი­ლობ­რი­ვი პო­ლი­ცია რა­ტომ არ ჩა­ა­ყე­ნეთ საქ­მის კურ­სში, თუ თაღ­ლი­თურ სქე­მას­თან გქონ­დათ საქ­მე?

- ად­გი­ლობ­რი­ვე­ბის­გან გვქონ­და ინ­ფორ­მა­ცია, რომ ამ ღა­მის ბა­რებს თა­ვად პო­ლი­ცია "კრი­შავ­და" და რა აზრი ჰქონ­და?! ამი­ტო­მაც, 20 სექ­ტემ­ბერს ჩა­ვა­ტა­რეთ გას­ვლა. ბა­თუმ­ში ჩა­ვიყ­ვა­ნე ჯგუ­ფი 2 კა­ცის შე­მად­გენ­ლო­ბით. და­ვა­ლე­ბა მი­ვე­ცი. შე­ნიღ­ბუ­ლი იყ­ვნენ, რო­გორც უცხო ქვეყ­ნის მო­ქა­ლა­ქე­ე­ბი. ყვე­ლა­ფე­რი ასე და­ი­წყო: ტაქ­სისტს უთხრეს, რომ იყ­ვნენ უცხო­ე­ლე­ბი და უნ­დო­დათ გარ­თო­ბა. ამ ტაქ­სის­ტმა, ორი ფე­ხის ნა­ბიჯ­ზე, რად­გან ნახა, რომ უცხო­ე­ლე­ბი იყ­ვნენ, მოს­თხო­ვა 20 ლარი, რაც მი­ი­ღო კი­დეც.

შე­ვიდ­ნენ ამ კლუბ­ში, აი­ღეს ლუდი "ეფე­სი", ერთი ჩიპ­სი, ერთი მი­წის თხი­ლი და წყა­ლი. გა­თა­მაშ­და ის სცე­ნა, რა­ზეც უცხო ქვეყ­ნის მოქ­ლა­ქე­ე­ბი გვიყ­ვე­ბოდ­ნენ. მო­ვიდ­ნენ მან­დი­ლოს­ნე­ბი და იზე­ი­მეს და­ბა­დე­ბის დღე. ამ ყვე­ლაფ­რის მერე, ჩე­მებ­მა მი­მარ­თეს ად­მი­ნის­ტრა­ცი­ას - წა­სას­ვლე­ლე­ბი ვართ და ან­გა­რი­ში წარ­მოგ­ვიდ­გი­ნე­თო. წარ­მო­ად­გი­ნეს ან­გა­რი­ში, რომ­ლის თა­ნახ­მა­დაც უნდა გა­და­ე­ხა­დათ 350 ლარი. ერთი ლუდი, წყა­ლი, ჩიპ­სი და მი­წის თხი­ლი რომ 350 ლარს არ მო­ი­ცავს, ამას რა ლა­პა­რა­კი უნდა, ამი­ტო­მაც ად­მი­ნის­ტრა­ცი­ის წარ­მო­მად­გე­ნელს უთხრეს, - რა­ღაც შეც­დო­მაა, ესა და ეს მომ­სა­ხუ­რე­ბა მი­ვი­ღეთ, რაც ან­გა­რიშ­თან შე­უ­სა­ბა­მოა და იქ­ნებ გა­და­ა­მოწ­მოთ, რა­ღაც შეც­დო­მა­აო. პა­სუ­ხად მი­ი­ღეს, - თქვე­ნი მა­გი­დი­დან ქა­ლე­ბის შეკ­ვე­თებს ხომ ვი­ღებ­დით და ეს არის ან­გა­რიშ­ში მოქ­ცე­უ­ლიო. ჩე­მებ­მა უთხრეს, ეს შეკ­ვე­თე­ბი ჩვენ არ მოგ­ვი­ცია და ვერ გა­და­ვიხ­დი­თო. ამის მერე გა­მო­ი­ძა­ხეს პო­ლი­ცია, რო­მე­ლიც ოპე­რა­ტი­უ­ლად გაჩ­ნდა ად­გილ­ზე. ამ ბი­ჭებ­მა მა­შინ­ვე და­მი­რე­კეს და ჩა­მა­ყე­ნეს საქ­მის კურ­სში. ანუ, თა­ვი­დან ბო­ლომ­დე მოხ­და ის, რა­საც ის და­ზა­რა­ლე­ბუ­ლი მო­ქა­ლა­ქე­ე­ბი გვიყ­ვე­ბოდ­ნენ.

მი­ვე­დი ად­გილ­ზე და შე­ვე­ცა­დე, პო­ლი­ცი­ას­თან გა­მერ­კვია, რა­ტომ გა­დაჰ­ყავ­დათ. ამავდრო­უ­ლად, ავუხ­სე­ნი სი­ტუ­ა­ცია, რო­მელ­შიც ჩემი ორ­გა­ნი­ზა­ცი­ის წევ­რე­ბი აღ­მოჩ­ნდნენ. სხვა­თა შო­რის გუ­შინ შე­ვე­დი მა­ღა­ზი­ა­ში, იმ პრო­დუქ­ცი­ა­ში, რა­შიც ჩემს ჯგუფს უნდა გა­და­ე­ხა­და 350 ლარი, იგი­ვე პრო­დუქ­ცი­ის სა­კონ­ტრო­ლო შეს­ყიდ­ვა მო­ვახ­დი­ნე და ეს ერთი ლუდი "ეფე­სი", წყა­ლი, მი­წის თხი­ლი და ჩიპ­სი და­მიჯ­და 4 ლარი და 23 თეთ­რი. შე­სა­ბა­მი­სად, ყვე­ლას უჩ­ნდე­ბა ეს შე­კი­თხვა, რა­ტომ უნდა გა­და­ი­ხა­დონ ამ­დე­ნი? ელე­მენ­ტა­რულ და­ინ­ტე­რე­სე­ბას და შე­კი­თხვას უთ­ვლი­ან წი­ნა­აღ­მდე­გო­ბის გა­წე­ვა­ში, იძა­ხე­ბენ პო­ლი­ცი­ას, რო­მე­ლიც ოპე­რა­ტი­უ­ლად მი­დის ად­გილ­ზე და გა­დაჰ­ყავს ეს ხალ­ხი გან­ყო­ფი­ლე­ბა­ში. ასე მოხ­და ჩემი ჯგუ­ფის შემ­თხვვა­შიც, გა­და­იყ­ვა­ნეს გან­ყო­ფი­ლე­ბა­ში და ხურ­და­ში მი­მა­ყო­ლეს მეც, იმი­ტომ, რომ ჯერ ვერ ხვდე­ბოდ­ნენ, ვის­თან ჰქონ­დათ საქ­მე. მე სა­პატ­რუ­ლო პო­ლი­ცია გა­მო­ვი­ძა­ხე, რად­გან ვი­ცო­დი, საქ­მე საქ­მე­ზე რომ წა­სუ­ლი­ყო, ჩა­ნა­წე­რე­ბი გაქ­რე­ბო­და. მარ­თლაც, მო­ვი­და პატ­რუ­ლი, მაგ­რამ, სა­ნამ პატ­რუ­ლი მო­ვი­დო­და, მა­ნამ­დე, 3 წუ­თით ადრე, ად­გილ­ზე გაჩ­ნდა ქა­ლაქ ბა­თუ­მის სამ­მარ­თვე­ლოს უფ­რო­სი, ლაშა გოგ­ნი­აშ­ვი­ლი, თა­ვის მო­ად­გი­ლეს­თან ერ­თად. თან თავი წარ­მოგ­ვიდ­გი­ნეს: მე ქა­ლა­ქის სამ­მარ­თვე­ლოს უფ­რო­სი ვარ, მე - მო­ად­გი­ლეო. ლო­გი­კუ­რი კი­თხვა გა­მიჩ­ნდა და ვკი­თხე, ასეთ გა­მო­ძა­ხე­ბებ­ზე, ბა­ტო­ნო ლაშა, ყო­ველ­დღე და­დი­ხართ-მეთ­ქი?! დაც­ვის სამ­სა­ხუ­რი, კრი­მი­ნა­ლუ­რი პო­ლი­ცია, სა­პატ­რუ­ლო პო­ლი­ცია - ყვე­ლა ად­გილ­ზე იყო მო­ბი­ლი­ზე­ბუ­ლი.

წაგ­ვიყ­ვა­ნეს პო­ლი­ცი­ის გან­ყო­ფი­ლე­ბა­ში, ყვე­ლა­ფე­რი ჩა­ტარ­და პრო­ცე­დუ­რუ­ლად. 8 სა­ა­თის გან­მავ­ლო­ბა­ში გრძელ­დე­ბო­და ოფი­ცი­ა­ლუ­რი ძა­ლის დე­მონ­სტრი­რე­ბა და ჩვე­ნი ტან­ჯვა-წა­მე­ბა. ბო­ლოს, როცა გა­ი­გეს, ვინც ვართ, სამ­სა­ხუ­რის "ქსი­ვე­ბი" დაგ­ვა­ტო­ვე­ბი­ნეს და გა­მოგ­ვიშ­ვეს. მე­ო­რე დღეს და­მი­რე­კა გა­მომ­ძი­ე­ბელ­მა, რო­მე­ლიც მე­უბ­ნე­ბა, - საქ­მის პრო­კუ­რო­რი შე­იც­ვა­ლა და ახლა გი­ორ­გი რა­მიშ­ვი­ლია და გი­ბა­რებ­თო.

- რა­ტომ გი­ბა­რებ­დათ?

- შე­მა­ტყო­ბი­ნეს, რომ ჩემს ამ ორ თა­ნამ­შრო­მელ­ზე აღ­ძრეს სის­ხლის სა­მარ­თლის საქ­მე 185-ე მუხ­ლის მე­ო­რე "გ" პუნ­ქტით, რაც ით­ვა­ლის­წი­ნებს ქო­ნე­ბის, მე­სა­კუთ­რის, ან მფლო­ბე­ლის და­ზი­ა­ნე­ბას მო­ტყუ­ე­ბით, რა­მაც მნიშ­ვნე­ლო­ვა­ნი ზი­ა­ნი გა­მო­იწ­ვია, რო­მე­ლიც ის­ჯე­ბა ჯა­რი­მით, ან თა­ვი­სუფ­ლე­ბის აღ­კვე­თით 1-დან 3 წლამ­დე.

მოხ­და ასე­თი რამ - ჩვენ შე­ვე­ხეთ ისეთ თე­მას, რო­მელ­საც არ უნდა შე­ხე­ბო­და არა­ვინ. მარ­ტო ამ ერთი კლუ­ბის შემ­თხვე­ვა­ში სა­უ­ბა­რია რამ­დე­ნი­მე ასე­უ­ლო­ბით ათას ლარ­ზე თვის გან­მავ­ლო­ბა­ში და ამ ყვე­ლაფ­რით მოხ­და იმის დე­მონ­სტრი­რე­ბა, რომ არა­ვის არ აქვს უფ­ლე­ბა, ამ თე­მას შე­ე­ხოს. ჩვე­ნი ინ­ფორ­მა­ცი­ით, პო­ლი­ცი­ე­ლე­ბი­საა ეს ბიზ­ნე­სი და ისი­ნი "კრი­შა­ვენ" ამ "პუ­ტან­კებს". თვის გან­მავ­ლო­ბა­ში და­ახ­ლო­ე­ბით ნა­ხე­ვა­რი მი­ლი­ო­ნი ნა­წილ­დე­ბა ამ სეგ­მენ­ტში მა­ღა­ლი რან­გის ჩი­ნოვ­ნი­კებ­ზე.

- რას აპი­რებთ?

- ამ ეტაპ­ზე ვარ ასეთ სი­ტუ­ა­ცი­ა­ში - ჩემს ორ თა­ნამ­შრო­მელს ემუქ­რე­ბა და­ჭე­რა. მათ­ზე აღ­ძრუ­ლია სის­ხლის სა­მარ­თლის საქ­მე. და რის გამო? იმის გამო, რომ და­ინ­ტე­რეს­დნენ, რა­ტომ უნდა გა­და­ე­ხა­დათ ზედ­მე­ტი თან­ხა. ვინც არ იხ­დის, რა ხდე­ბა იცით? წიხ­ლა­ვენ დაც­ვი­სა და პო­ლი­ცი­ის თა­ნამ­შრომ­ლე­ბი. "მწვა­ნე" აქვთ ამა­ზე ან­თე­ბუ­ლი, ცემა-ტყე­პაა გა­მარ­თუ­ლი და ასე იღე­ბენ მათ­გან ფულს. ამას ფაქ­ტებ­ზე დაყ­რდნო­ბით გე­უბ­ნე­ბით. ეს ყვე­ლა­ფე­რი შე­მიძ­ლია, მი­ნი­მუმ მო­გას­მე­ნი­ნოთ, მაქ­სი­მუმ გა­ყუ­რე­ბი­ნოთ. იმ დარ­ბაზ­ში ათე­უ­ლო­ბით მა­გი­და დგას. ამ მა­გი­დებ­ზე რამ­დე­ნი არი­ფი ზის, წარ­მო­იდ­გი­ნეთ და რამ­ხე­ლა თან­ხე­ბის ამო­ღე­ბა ხდე­ბა მათ­გან ამ ძა­ლა­დობ­რი­ვი გზით. 15-30-50 ათას ლარს აკე­თე­ბენ დღე­ში და ეს არ­სად არ ტარ­დე­ბა, ჩეკს არ იძ­ლე­ვი­ან. ჩვენ­თან იმი­ტომ მო­ი­ტა­ნეს იმ ღა­მეს, რომ მო­ვი­თხო­ვეთ, მაგ­რამ ზო­გა­დად, იმ უცხო ქვეყ­ნის მო­ქა­ლა­ქეს რომ გა­ძუყ­ნი­ან, ჩეკი კი არა, თავი აღარ ახ­სოვთ. ამი­ტომ სა­გა­და­სა­ხა­დოც უნდა და­ინ­ტე­რეს­დეს ამ სა­კი­თხით.

ჩვენ უკვე მივ­მარ­თეთ შს სა­მი­ნის­ტროს გე­ნინ­სპექ­ცი­ას და ვა­პი­რებთ, მივ­მარ­თოთ პრო­კუ­რა­ტუ­რას, რომ შე­ის­წავ­ლოს აღ­ნიშ­ნუ­ლი ქმე­დე­ბე­ბი. ყვე­ლა სა­მარ­თლებ­რივ გზას გა­მო­ვი­ყე­ნებთ, რომ ჩვე­ნი უფ­ლე­ბე­ბი და­ვიც­ვათ.

გია ბურ­ჯა­ნა­ძის მიერ მო­თხრო­ბი­ლი ამ­ბის საქ­მის კურ­სში შს სა­მი­ნის­ტროს პრეს­სამ­სა­ხუ­რი ჩა­ვა­ყე­ნეთ:

"აღ­ნიშ­ნულ შემ­თხვე­ვა­ში პო­ლი­ცი­ამ ერთ-ერთი ბა­რის მე­პატ­რო­ნის­გან მი­ი­ღო შე­ტყო­ბი­ნე­ბა, რომ ბა­რის სტუმ­რე­ბი არ იხ­დიდ­ნენ ან­გა­რიშ­ში მი­თი­თე­ბულ თან­ხას, რა­ზეც სა­მარ­თალ­დამ­ცვე­ლებ­მა მო­ახ­დი­ნეს რე­ა­გი­რე­ბა და და­ი­წყო გა­მო­ძი­ე­ბა. ორ პი­როვ­ნე­ბას სსკ-ის 185-ე მუხ­ლით წა­რედ­გი­ნა ბრა­ლი.

თუ მო­ქა­ლა­ქეს აქვს ინ­ფორ­მა­ცია პო­ლი­ცი­ე­ლის მხრი­დან რა­ი­მე სა­ხის გა­დაც­დო­მა­ზე, მას შე­უძ­ლია, ამის თა­ო­ბა­ზე მი­მარ­თოს შსს-ს გე­ნე­რა­ლურ ინ­სპექ­ცი­ას, რათა მათ მო­ახ­დი­ნონ რე­ა­გი­რე­ბა და კონ­კრე­ტუ­ლი ფაქ­ტის შეს­წავ­ლა", - გვი­თხრეს შს სა­მი­ნის­ტრო­ში.

დი­ა­ნა ლი­პარ­ტე­ლი­ა­ნი

გა­ზე­თი "ალია"