მნიშვნელოვანი ინფორმაცია
9
ივნისიდღის ზოგადი ასტროლოგიური პროგნოზი
ორშაბათი, მთვარის მეთოთხმეტე დღე დაიწყება 21:02-ზე, მთვარე მშვილდოსანში იქნება 18:53-დან, უკურსო მთვარის პერიოდი იქნება 16:06-დან 18:55-მდე – მიიღეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. თუ შესაძლებელია, გადადეთ ყველაფერი, დაისვენეთ და ისიამოვნეთ ცხოვრებით. ფიზიკური აქტივობა სასარგებლოა. გაუფრთხილდით მხედველობას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ტარიელ ფოცხვერიას მეუღლე ქმრის გათავისუფლებას ითხოვს: "ჩემთვის დღეებსაც მნიშვნელობა აქვს, რომ სიცოცხლე შევუნარჩუნო"
06:26 / 06-10-2015
კანონიერი ქურდობისთვის მსჯავრდებული ტარიელ ფოცხვერიას ჯანმრთელობის მდგომარეობა დამძიმდა. ოჯახი და ადვოკატები მისი მდგომარეობის საფუძველზე, ჯანდაცვისა და სასჯელაღსრულების სამინისტროების ერთობლივ კომისიას ფოცხვერიას გათავისუფლების მოთხოვნით მიმართავენ. ოჯახისა და ადვოკატების მტკიცებით, კომისია თითქმის ერთი თვეა, საკითხს იგნორირებას უკეთებს.
AMBEBI.GE ტარიელ ფოცხვერიას მეუღლეს ირინა ასათიანს ესაუბრა, რომელიც უკვე მეორე წელია, ტარიელ ფოცხვერიასთან ერთად, მარდალეიშვილის სახელობის ონკოლოგიურ კლინიკაში ცხოვრობს.
- როგორია თქვენი მეუღლის ჯანმრთელობის მდგომარეობა?
- ძალიან რთული მდგომარეობაა, - უმძიმესი. დაავადება პროგრესირებს და არ ვიცი, რამდენ ხანს იცოცხლებს. 5 წლის წინ ხორხის კიბო აღმოაჩნდა და ხორხი მთლიანად ამოაცალეს. მეტასტაზები წავიდა და ახლა მეოთხე სტადიაში აქვს. გარდა ამისა, კიბო ფილტვზეც გადავიდა. საჭმელი ფაფისებრად უნდა იყოს დამუშავებული, ღეჭვა არ შეუძლია. ადამიანს რომ აპატიმრებ, ხომ უნდა მოიხადოს სასჯელი? მას ეს არ შეუძლია. მივმართეთ სასჯელაღსრულების და ჯანდაცვის სამინისტროებს, რომ განიხილონ ტარიელის გათავისუფლების საკითხი, რომ გადავიყვანოთ საზღვარგარეთ რომელიმე კლინიკაში, 1 თვით მაინც რომ გავუხანგრძლივოთ სიცოცხლე. მე მინდა, რომ ყველაფერი ვცადო. რაღაც დროით მაინც, რომ მოხდეს ამ პროცესის შეჩერება და ცოტა ხნით შევუნარჩუნო სიცოცხლე. საქართველოში ყველანაირი მკურნალობა ამოწურულია. აქ ხდება მხოლოდ სიმპტომატური მკურნალობა. კანონში რაც დევს, ყველა ადამიანისთვის ერთნაირად უნდა მოქმედებდეს. ასეთ მდგომარეობაში, ადამიანებს სასჯელს უხსნიან, რათა ოჯახის წევრებთან შეძლოს ურთიერთობა.
- თქვენს გარდა, კლინიკაში ვის შეუძლია თქვენი მეუღლის ნახვა?
- არავის, მხოლოდ მე. 2 შვილი და 3 შვილიშვილი გვყავს. ასეთ მძიმე ავადმყოფს იმის საშუალებაც არ მისცეს, რომ ისინი თუნდაც 15 წუთით ენახა. რაც არ უნდა ძლიერი იყოს ადამიანი სულიერად, როგორიც არ უნდა იყოს, ასეთ ვითარებაში კანონით არის გათვალისწინებული, რომ მას სჭირდება უახლოესი ადამიანების გარემოცვა, რათა დარჩენილი სიცოცხლე მშვიდად გაატაროს. პალატაში კი, მუდმივად არის 7 წარმომადგენელი სასჯელაღსრულების დეპარტამენტიდან, მათ შორის სპეცრაზმელები.
- რაც შეეხება მკურნალობის ხარჯებს, სამინისტრო ანაზღაურებს?
- არა, ხარჯებს მხოლოდ მე ვფარავ. წინა მთავრობის დროსაც ასე იყო. ოპერაცია ჩვენი ხარჯებით გავაკეთეთ. ტარიელი ვეღარც სუნთქავდა, ვეღარც წყალს სვამდა და ვერც საჭმელს ჭამდა. დაავადება იმდენად იყო გავრცელებული, რომ ფაქტობრივად, ადამიანი იღუპებოდა და არ მქონდა იმის დრო, დამეცადა, როდის გაიღებდნენ თანხებს. ამისთვის რომ მეცადა, მეუღლე დამეღუპებოდა.
- 2012 წელს, როდესაც ტარიელ ფოცხვერიას ამნისტია შეეხო და გათავისუფლდა, რატომ არ დატოვა ქვეყანა?
- ამნისტია სანამ შეეხებოდა, ერთი თვით ადრე ჰქონდა ოპერაცია გაკეთებული. ოპერაციის დროს ვერ იკვებებოდა და ძალიან დაუძლურდა. ვინაიდან მძიმედ იყო, მოგვცეს 2 კვირა, რომ დაგვეტოვებინა ქვეყანა. რომ გათავისუფლდა, კლინიკაში გადავიყვანეთ. ამასობაში ღვიძლმაც განიცადა ტრავმა. მე-12 დღე იყო, რომ შემოგვიცვივდნენ. თოფურიძის დროს რომ ხდებოდა, ისე. 20 კაცი შემოვარდა პალატაში და ეს გადაიღეს. ვიკითხე - თოფურიძე დაბრუნდა-თქო? იქ იყო სახმო აპარატი და ის დაიკარგა, რაც ნივთმტკიცება იყო იმ საქმეში, რასაც ახლა ედავებიან. ახლა მაგაზე ვერ ვისაუბრებ, ჩემი ამოცანაა, ეს ადამიანი გავიყვანო აქედან და მცირე დროით გავუხანგრძლივო ცხოვრება. საერთოდ, რა საჭიროა ეს ერთობლივი კომისია, სადაც ყველაფერს წყვეტს სასჯელაღსრულება. რა კვლევებიც ტარიელს ჩატარებული აქვს, რომელი ექიმი დატოვებს პატიმრობაში. ამათმა ტარიელს წაართვეს დღეები და თვეების სიცოცხლე. ეს არის ადამიანის მიზანმიმართულად მოკვლა.
- რას უკავშირებთ ერთობლივი კომისიის მხრიდან, გათავისუფლების საკითხის განხილვის გაჭიანურებას?
- წინა მთავრობის დროს, მოხდა ის, რომ სხვისი დანაშაულის გადასაფარად დააკავეს და ჩამოიყვანეს ჩემი მეუღლე უკრაინიდან. დღეს ის ადამიანი - ბაჩო ახალაია ბუნტის გამო სასჯელს იხდის. დიდი იმედი მქონდა, შეიცვლებოდა ეს ყველაფერი. 9 წელი იმის ოცნებით ვიცხოვრე, ადამიანები დანაშაულისთვის აგებდნენ პასუხს და არა, ვიღაცის მინიჭებული სტატუსის ან ვიღაცის ნათქვამის გამო. ციხიდან გათავისუფლების შემდეგ, კატასტროფის მანქანით ჩემი მეუღლე ქვეყნიდან თუნდაც იმიტომ არ გავიყვანე, რომ ვიფიქრე, ქვეყნის სათავეში ადამიანები მოვიდნენ და მომცემდნენ, საშუალებას, გაუმჯობესებულიყო და თავისი ფეხით გამეყვანა საქართველოდან.
- ახლა რაზე იხდის სასჯელს? და სტატუსს "კანონიერ ქურდს" როგორ განიხილავთ?
- ძველი ხელისუფლების პირობებში, ბუნტს და კანონიერ ქურდობას ედავებოდნენ. 14 წელი ჰქონდა მისჯილი, სააპელაციომ 1 წელი მოაკლო. 8 წელი იჯდა და ამნისტიით გამოვიდა. ახლა კი, მას ედავებიან, რომ ციხეში ყოფნის დროს ჩაიდინა კანონიერი ქურდობა. მე არ ვიცი ეს რა სტატუსია, სიღრმეებში არ ჩავდივარ.
- რამდენად კონტაქტურია, საუბარი შეუძლია?
- საუბარი არ შეუძლია, თუმცა მიჩვეული ვარ და პირის მოძრაობით ვხვდები რას ამბობს. ასე ვკონტაქტობთ. თვალებითაც ვლაპარაკობთ. მე ვგებულობ, მას რა სტკივა, როგორ არის. მიუხედავად იმისა, რომ ასე მძიმედ არის, არასდროს ამბობს, რომ ცუდად არის. ამდენი ხანი არ ვსაუბრობდი ასეთ თემებზე. ის უყურებს ტელევიზორს და ვზოგავ... (ტირის).
- ქუთაისში, სახლში ბოლოს როდის იყო?
- როდესაც გათავისუფლდა ამნისტიით, მხოლოდ 1 ღამე გამოუშვეს. გამთენიის ხანს ჩავედით. 3-4 საათი ნახა შვილები და შვილიშვილები. შემდეგ ისე ცუდად იყო, ძლიერი ტკივილები ჰქონდა, კლინიკაში ჩამოვიყვანეთ. მინდა ვთხოვო ყველას, თუ კი ოდნავ ადამიანობა გააჩნიათ, თუნდაც ჯანდაცვის სამინისტროს, თუკი მართლა ხალხის ჯანმრთელობაზე და სიცოცხლეზე ზრუნავს, დროულად გაათავისუფლონ ეს ადამიანი და მომეცეს იმის საშუალება, თუნდაც აქ არ მოხდეს, ის რაც არ მინდა და არასდროს შევეგუები. მიუხედავად იმისა, რომ ფეხზე დგომა ძალიან უჭირს, მუდმივ ლოცვაშია და ის, რომ ტარიელი ცოცხალია, უფლის მადლია, უფალს უყვარს ეს ადამიანი და უჭირავს ხელში, თორემ იმდენად მძიმეა მისი მდგომარეობა... არ ვიცი მეორე წუთში რა მოხდება. პატრიარქთან მომიწია შესვლა. მოძღვარს არ მისცეს ტარიელის ზიარების საშუალება. პატრიარქი შევაწუხე და ამის შემდეგ, იგი აზიარეს. გარკვეული პერიოდი ფეხზე წამოდგა. ახლა არ შეუძლია დგომა, ზის და ისე ლოცულობს.
- თავის დაავადებების შესახებ იცის?
- ასეთი მდგომარეობა რომ აქვს, არ იცის. სულ ამბობს, როდის მოვა ის დრო, რომ შვილიშვილებს ზოოპარკში წაიყვანს, მან იცის, რომ ქვეყნიდან უნდა წავიდეთ, მაგრამ რის გამო, არ იცის. ვეუბნები, რომ მცირე მკურნალობა სჭირდება. წამოხველებისას სისხლი სდის და რაღაც გამართლება ხომ უნდა მივცე. ხორხზე იცის და ფილტვის კიბოს შესახებ არაფერი იცის, რადგან თავად თქვა, რა კარგია, რომ ფილტვზე არ მაქვს, სხვა ორგანოებს ყველაფერი შველისო.
ხათუნა გაგნიძე
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
