როგორც უკვე იცით, მომღერალი მამუკა ჩარკვიანი ვენის კლინიკაში გადაიყვანეს. მომღერალს ვენაში ამ დრომდე ოთხი ოპერაცია ჩაუტარდა ფეხზე. მთლიანობაში - რვა. მამუკა უკვე ორი კვირაა თბილისშია. გაზეთი "პრაიმ ტაიმი" მომღერლისა და კომპოზიტორის დას, თაკო ჩარკვიანს დაუკავშირდა და მამუკას ჯანმრთელობის მდგომარეობა გამოკითხა.
თაკო ჩარკვიანი:
- ცოტა უკეთ არის. 10 ოქტომბრამდე ფეხის დადგმა არ შეიძლება. მერე ალბათ ჩამოვადგმევინებთ ფეხს. ახლა რეაბილიტაციის პერიოდი აქვს. 10 ოქტომბერს კიდევ ნახავენ ექიმები და გადაწყვეტენ, რა ოპერაცია გაკეთდება.
- მამის იუბილეს დაესწრო?
- ვერა, ფეხმა არ გამოუშვა.
- თავად როგორ არის, რას ამბობს, როგორი განწყობა აქვს?
- იგრძნობა, რომ ძალიან დაიღალა ამ ყველაფრისგან. ყელში აქვს ამოსული. აღარ შემიძლიაო ამბობს. მაგრამ ვამშვიდებთ. ვეუბნებით, რომ ბევრი არ დარჩა, რომ სინათლე გამოჩნდა.
- სინათლე 10 ოქტომბერს იქნება?
- ჰო, მგონია, რომ გადავრჩებით. მადლობა, რომ მეხმარებით და ამით სტიმულს აძლევთ მამუკას.
